ملک کو اندھیروں سے نکالنے کیلیے آنے والے الیکشن سے قبل تمام محب وطن سیاسی جماعتیں ایک پلیٹ فارم پر متحد ہو جائیں گی ، خورشید زمان
Posted on December 2, 2012 By Geo Urdu سٹی نیوز
تحریک تحفظ پاکستان کے مرکزی سیکریٹری جنرل چوہدری خورشید زمان ملک کو ندھیروں سے نکالنے کیلیے آنے والے الیکشن سے قبل تمام محب وطن سیاسی جماعتیں ایک پلیٹ فارم پر متحد ہو جائیں گی تحریک تحفظ پاکستان اور جماعت اسلامی کا اتحاد اسی سلسلہ کی کڑی ہے اپنے ایک بیان میں انہوںمشرف اور موجودہ حکومت کی فرسودہ پالیسیوں کی بدولت ملک میں غربت ،جہالت ،بے روزگاری اس حد تک بڑھ چکی ہے کہ اب لوگ ڈاکوئوں اور چوروں کے ڈر سے اپنے باورچی خانوں کو تالے لگانا شروع کردیں گے۔
انصاف نسل در نسل بھی نہیں مل رہا جبکہ غیرملکی طاقتیں موجودہ حکومت کی نااہلی سے مسلمانوں کو مسلمانوں سے لڑا رہی ہے کراچی میں قتل وغارت کا بازار گرم ہے بلوچستان میں اغواء اور قتل کی وارداتیں بڑھ رہی ہیں پنجاب میں ڈاکوئوں کا راج ہے اس لیے ملک کی بقاء اور سلامتی کیلیئے تمام محب وطن سیاسی جماعتوں کا اتحاد وقت کی اہم ضرورت ہے اگر اب بھی تمام جماعتیں محسن پاکستان ڈاکٹر عبدالقدیر خان کی سربراہی میں متحد نہ ہوئی تو اس سے نہ صرف عالمی سطح پر مسلمانوں کا نقصان ہوگا بلکہ اسلام کو بھی خطرہ ہے
