میلان:(جیو ڈیسک) اٹلی کے خوبصورت شہرمیلان میں جاری رہنے والا فیشن ویک رنگا رنگ تقریبات سے دنیا بھر کے ڈیزائنرز کو لبھانے کے بعد ارمانی اور روبوٹو کویلی کے خوبصورت کلیکشن کے ساتھ ختم ہوگیا ۔
میلان کا فیشن ویک اس لحاظ سے بھی منفرد تھا کہ اس میں موسم خزاں کے رنگ سحر انگیزماحول میں پیش کیے گئے۔ ہلچل اور گہما گہمی میں ناظرین شوخ رنگوں کے بھڑکتے جلووں سے لیکرسفید رنگ کی نزاکت تک سبھی سے محظوظ ہوئے۔
مونٹاج ارمانی اور کویلی نے آخری روز ستر کی دہائی کے ملبوسات کا ایسا منظر پیش کیا کہ دیکھنے والے چاہ کر بھی نظریں نہ ہٹاسکے۔ارمانی کے گہرے رنگوں والے ملبوسات، پھر گلابی، نارنجی اور شوخ رنگ زیب تن کیے ماڈلز نے ماحول کو مزید دلکش بنادیا۔
آسکر ایوارڈز: دی آرٹسٹ سال کی بہترین فلم قرار
بالی ووڈ ایکٹرس جینیلا ڈی سوزا نے ورلڈ ریکارڈ بنا لیا
