میں پل دو پل کا شاعر ہوں
Posted on February 29, 2012 By Adeel Webmaster شاحر لدھیانوی
sahir-ludhianvi
میں پل دوپل کا شاعر ہوں
پل دوپل میری کہانی ہے
پل دوپل میری ہستی ہے
پل دوپل میری جوانی ہے
مجھ سے پہلے کتنے شاعر
آئے اور آکر چلے گئے
کچھ آہیں بھر کر لوٹ گئے
کچھ نغمے گا کر چلے گئے
وہ بھی اک پل کا قصہ تھے
میں بھی اک پل کا قصہ ہوں
کل تم سے جدا ہو جائوں گا
جو آج تمہارا حصہ ہوں
میں پل دوپل کا شاعر ہوں
کل اور آئیں گے نغموں کی
کھلتی کلیاں چننے والے
مجھ سے بہتر کہتے والے
تم سے بہتر سننے والے
کل مجھ کو کوئی یاد کرے
کیوں مجھ کو کوئی یاد کرے
مصروف زمانہ میرے لیے
کیوں وقت اپنا برباد کرے
میں پل دوپل کا شاعر ہوں
پل دوپل میری جوانی ہے
ساحر لدھیانوی
کبھی کبھی
تم نہ جانے کس جہاں میں کھو گئے
