نامعلوم چوروں نے رات کی تاریکی میں گورنمنٹ کمیونٹی گرلز ایلیمنٹری سکول پنجن کسانہ کا صفایا کر دیا
Posted on October 21, 2012 By Geo Urdu گجرات
گجرات (جی پی آئی) نامعلوم چوروں نے رات کی تاریکی میں گورنمنٹ کمیونٹی گرلز ایلیمنٹری سکول پنجن کسانہ کا صفایا کر دیا تھانہ صدر کھاریاں نے الحاج نادر علی چوہدری سابق ناظم یوسی پنجن کسانہ کی درخواست پر نامعلوم چوروں کے خلاف مقدمہ درج کر کے تفتیش شروع کر دی۔
تفصیلات کے مطابق گزشتہ رات گورنمنٹ کمیونٹی گرلز ایلیمنٹری سکول پنجن کسانہ میں نامعلوم چوروں نے گھس کر موٹر پمپ ، واٹر ٹینکی ، ایک درجن سیلنگ فین ، ٹوٹیاں اور سکول میں موجود سٹیشنری کا سامان چرا لیا ، اہلیان علاقہ نے اس مکروہ واقعہ کی پر زور مذمت کی اور تھانہ صدر کھاریاں سے ملزمان کی گرفتار پر احتجاج کیا بعد ازاں سابقہ ناطم یوسی پنجن کسانہ حاجی نادر علی چوہدری نے تھانہ صدر کھاریاں میں نامعلوم چوروں کے ریٹ درج کرا دی ، SHOتھانہ صدر نے بہت جلد چوروں کی گرفتاری اور مسروقہ سامان برآمدگی کی یقین دہانی کرا دی ۔
