بالی ووڈ (جیوڈیسک) بھارتی فلم کو کئی سپر ہٹ فلمیں دینے والے نامور ہدایتکار اور فلم ساز یش چوپڑا انتقال کرگئے بتایا جاتا ہے کہ یش چوپڑا ڈینگی بخار میں مبتلا ہوکر اسپتال میں زیر علاج تھے
بھارتی فلم انڈسٹری کے نامور ہدایت کار ، فلمساز۔ یش چوپڑا کا نام فلم کی کامیابی کی ضمانت سمجھا جاتا تھا ۔ سلسلہ، کبھی کبھی، چاندنی اور دل تو پاگل ہے دل والے دلہنیا لے جائیں گے۔لمحے، دھوم2، نیویارک اور رب نے بنادی جوڑی جیسی سپرہٹ فلمیں ان کی سرپرستی میں بنیں۔ اپنی فلموں میں ہمیشہ عورتوں کے کردار کو مرکزی حیثیت دینے والے یش چوپڑا کو دادا صاحب پھالکے سمیت کئی اہم اعزازات سے نوازا جاچکا ہے۔
ماضی میں فرانس، سوئٹزرلینڈ اور برطانیہ کی حکومت نے بھی یش چوپڑا کی فلمی خدمات کا اعتراف کرتے ہوئے ان کی عزت افزائی کی 2009 میں کوریا میں ہونے والے فیسٹول میں انہیں بہترین فلمساز کے اعزاز کے لیے منتخب کیا گیا۔ ان کے انتقال سے بھارتی فلم انڈسٹری ایک ذہین فلم ساز اور ہدایت کار سے محروم ہوگئی ہے ۔
بالی ووڈ اسٹار شمی کپور کا آج اکیاسی واں جنم دن
فیصل آباد میں بچوں کا فلم فیسٹیول شروع ہو گیا
