ناکام خادم اعلیٰ نے 5لاکھ افراد کا روزگار چھین لیا ہے :چوہدری اصغر عباس وڑائچ
Posted on August 2, 2012 By Geo Urdu گجرات
گجرات (جی پی آئی) پاکستان مسلم لیگ ق ضلع گجرات کے نائب صدر چوہدری اصغر عباس وڑائچ نے اپنے ایک بیان میں کہا ہے کہ ناکام خادم اعلیٰ نے 5لاکھ افراد کا روزگار چھین لیا ہے ، رمضان سستے بازار میں لوٹ مار کرپشن کی جا رہی ہے ، غریب لوگوں پر لاٹھی چارج کرانا خادم اعلیٰ کا مشن ہے ، جمہوریت کے نام پر نام نہاد خادم اعلیٰ عوام سے مذاق کر رہا ہے ، سستے بازاروں میں انتہائی ناقص کھانے پینے کی اشیاء مہنگے داموں فروخت ہو رہی ہین ، اور سستے بازاروں کے دکانداروں پر جھوٹے مقدمات درج کیے جا رہے ہیں ، غریب آدمی کی دعائیں لینے کی بجائے بدعائیں حاصل کر رہے ہیں ، ن لیگ کے ان حکمرانوں کے گھر جانے کا وقت قریب آ چکا ہے ، رمضان بازار کے نام پر 4ارب روپے کا فراڈ پنجاب کی عوام کبھی معاف نہیں کرے گی۔
