موسیقی پاکستان (جیوڈیسک) سولہ اگست 1997 کو ہم سے بچھڑنے والیعالمی شہرت یافتہ فنکار نصرت فتح علی خان کی آج پندرھویں برسی منائی جا رہی ہے ۔ فن موسیقی اور گائیکی کے بے تاج بادشاہ نصرت فتح علی خان 13 اکتوبر 1948 کو فیصل آباد کے علاقے جھنگ بازار میں اپنے وقت کے نامور قوال استاد فتح علی خان کے ہاں پیدا ہوئے ۔ 1965 میں فنی سفر کا آغاز کرنے والے نصرت فتح علی کا پیدائشی نام پرویز رکھا گیا جو ایک بزرگ نے تبدیل کروا دیا ۔ 1974 میں عارفانہ کلام پر مشتمل پہلا البم ریلیز کیا ۔ انہوں نے پہلی قوالی اپنے گھر کے سامنے واقع دربار لسوڑھی شاہ پر گائی جبکہ 1986 میں مغربی سازوں کے ساتھ قوالی دم مست قلندر گا کر دنیا میں اپنے فن کی دھاک بٹھا دی ۔
نصرت فتح علی خان کا خاندان چھ سو سال قبل افغانستان سے ہجرت کر کے انڈیا اور پھر فیصل آباد آن بسا ۔ قوالی غزل سمیت ہر صنف میں نام کمانے والے نصرت فتح علی خان کی سینکڑوں کیسٹس اور سی ڈیز ریلیز ہوئیں ۔ امن کا پیغمبر کا خطاب پانے والے نصرت فتح علی نے خود بھی نعتیں اور قوالیاں لکھ کر گائیں ۔ ان کے لئے گیت لکھنے والے شاعر رفیق پاشا کہتے ہیں ۔ نصرت فتح علی خان فنکار ہونے کے ساتھ ساتھ ایک حساس انسان بھی تھے ۔
آنجہانی گلوکارہ وہٹنی ہوسٹن کی ذاتی اشیا نیلامی کے لئے سجا دی گئیں
ممبئی :کیا دلی کیا لاہور کا ٹریلر لانچ کر دیا گیا
