وحشت کا اثر خواب کی تعبیر میں ہوتا
Posted on April 21, 2012 By Adeel Webmaster افتخار عارف
Iftikhar Arif
وحشت کا اثر خواب کی تعبیر میں ہوتا
اک جاگنے والا میری تقدیر میں ہوتا
اک عالمِ خوبی ہے میسر مگر اے کاش
اس گلی کا علاقہ میری جاگیر میں ہوتا
اس آہوئے رم خوردہ و خوش چشم کی خاطر
اک حلقہ خوشبو میری زنجیر میں ہوتا
مہتاب میں اک چاند سی صورت نظر آتی
نسبت کا شرف سلسلئہ میر سے ہوتا
مرتا بھی جو اس پر تو اُسے مار کے رکھتا
غالب کا چلن عشق کی تقصیر میں ہوتا
اک قامتِ زیبا کا دعوٰی ہے کہ وہ ہے
ہوتا تو مرے حرفِ گرہ گیر میں ہوتا
افتخار عارف
سمجھ رہے ہیں اور بولنے کا یارا نہیں
بارہواں کھلاڑی
