پاکستان نے ایک سنسنی خیز مقابلے کے بعد زمبابوے کو پہلے ون ڈے میچ میں پانچ رنز سے شکست دیدی اور تین میچوں کی سیریز میں ایک صفر کی برتری حاصل کر لی۔ بلاویو میں زمبابوے نے پاکستان کی جانب سے دئیے گئے دو سو اڑتالیس رنز کا انتہائی دانشمندی سے تعاقب کیا۔ برینڈن ٹیلر نے چوراسی، سباندا نے تہتر اور تتیندا تائبو نے چھبیس رنز بنا کر زمبابوے کو فتح کے قریب لا کھڑا کیا۔ آخری چار اوورز میں زمبابوے کو صرف پچیس رنز درکار تھے لیکن پاکستانی بولرز نے عمدہ بولنگ کے ذریعہ میچ میں پانچ رنز سیکامیابی دلوا دی۔ اپنا پہلا ون ڈے کھیلنے والے اعزاز چیمہ نے تین وکٹیں حاصل کیں۔ اس سے قبل پاکستان نے ٹاس جیت کر پہلے بیٹنگ کرتے ھوئے مقررہ پچاس اوورز میں سات وکٹوں کے نقصان پر دو سو سینتالیس رنز بنائے تھے۔ یونس خان اٹہتر،مصباح الحق چون، عمراکمل چھتیس اور عدنان اکمل ستائیس رنز بناکر آوٹ ھوئے۔ دوسرا میچ اتوار کو ھرارے میں کھیلا جائیگا۔
پاکستان ہاکی ٹیم بھارت کو ہرانے کیلئے پراعتماد
کوچ کی تلاش کے لئے پی سی بی اشتہار دیگا
