پاک بھارت جوڈیشل کمیٹی نے بھارتی جیلوں کے دورے کے بعد مشترکہ اعلامیہ جاری کردیا ہے۔ اعلامیے کے مطابق ایک سو نواسی پاکستانی بھارتی جیلوں میں قید ہیں۔ دلی کی تہاڑ جیل میں چھیالیس، جے پور کی سینٹرل جیل میں اٹھانوے اور امرتسرکی سینٹرل جیل میں پینتالیس پاکستانی قید ہیں۔ کمیٹی نے کہا کہ قیدیوں کو کونسلر کی فراہمی کے انیس سو اٹھانوے کے معاہدے پر پوری طرح عمل کیا جائے۔ کسی کی گرفتاری کے تین ماہ کے اندر کونسلر تک اس کی رسائی لازمی بنائی جائے جبکہ قومیت کی شناخت اور قید کی مدت پوری ہونے کے ایک ماہ میں رہائی دلائی جائے۔ کمیٹی اپریل دو ہزار بارہ میں پاکستانی جیلوں کا دورہ کرے گی۔
میمو کمیشن: تحقیقات کیلئے دی گئی مدت میں توسیع کی درخواست
ساڑھے سات کروڑ کا فراڈ، خرم رسول کا تین دن کا جسمانی ریمانڈ
