فیڈرل بورڈ آف ریونیو نے رواں مالی سال کے پہلے سات ماہ کے دوران دس کھرب بیس ارب روپے کی ٹیکس وصولیاں کیں جو مقررہ ہدف سے پینسٹھ ارب پورے کم ہے۔
ایف بی آر کی جانب سے جاری اعداد و شمار کے مطابق اس عرصے کیلئے مقرر کردہ دس کھرب پچاسی ارب روپے کے ہدف کے مقابلے میں پینسٹھ ارب روپے کم رہیں ، ٹیکس وصولیوں میں اس کمی کی وجہ اقتصادی سرگرمیاں کی سست روی ہے۔
اگر نظر ثانی شدہ ٹیکس وسولیوں کا ہدف سامنے رکھا جائے تو ایف بی آر کو فروری تا جون دوہزار تیرا کے دوران مزید بارہ کھرب گیارہ ارب روپے کے ٹیکس اکٹھے کرنا ہوں گے۔
واضح رہے کہ ایف بی آر پہلے ہی رواں مالی سال کیلئے ٹیکس وصولیوں کا ہدف نظر ثانی کے بعد بائیس کھرب اکتیس ارب روپے تک کر چکا ہے۔ ایف بی آر حکام کی جانب سے خدشہ ظاہر کیا گیا ہے کہ ٹیکس وصولیوں میں مزید کمی آسکتی ہے اور نظر ثانی شدہ ہدف بھی شائد حاصل نہ کیا جا سکے۔
لاہور ہائیکورٹ: عام شہریوں کو بجلی مسلسل فراہمی پر رپورٹ طلب
چین کو چاول کی برآمدات میں ریکارڈ اضافہ
