پیپلز پارٹی کا ایک عظیم الشان جلسہ منعقد کرانے پر سرفراز راجہ کی کوششوں اور ان کی دن رات محنت کو سراہتے ہیں ، عمران احسان
Posted on January 15, 2013 By Zain Webmaster سٹی نیوز
بوچھال کلاں (نامہ نگار) علاقہ ونہار کی معروف سیاسی سماجی و ہر دلعزیز شخصیت ملک احسان مرحوم کے صاحبزادے و پیپلز پارٹی انسانی حقوق ونگ تحصیل کلر کہار کے صدر پیپلز پارٹی کے ضلعی راہنماء اور ضلعی جنرل سیکرٹری PYO چکوال ملک عمران احسان بوچھال نے اپنی رہائش گاہ پر صحافیوں سے خصوصی گفتگو کرتے ہوئے کہا کہ ضلع چکوال کی تاریخ میں پیپلز پارٹی کا ایک عظیم الشان جلسہ منعقد کرانے پر امیدوار قومی اسمبلی حلقہ NA60 راجہ ثناء الحق ایڈوو کیٹ اور ضلعی صدر پی پی پی چکوال شاہجہاں سرفراز راجہ کی کوششوں اور ان کی دن رات محنت کو سراہتے ہیں۔
ملک عمران احسان اعوان نے کہا کہ اگر اسی طریقے سے راجہ ثناء الحق اور شاہ جہاں سرفراز راجہ محنت اور کوشش جاری رکھیں گے تو انشاء اللہ تعالی آئندہ الیکشن میں پیپلز پارٹی ضلع چکوال کی تمام سیٹیں جیت لے گی۔
علاقہ ونہار تحصیل کلر کہار کی سوئی گیس کی منظوری پر راجہ ثناء الحق اور شاہ جہاں سرفراز راجہ کے انتہائی مشکور ہیں جن کی کو ششوں سے علاقہ ونہار کی عوام کی بنیادی ضرورت میں اہم کردار ادا کیا ہے۔
