چوہدری ثاقب نذیر نے اپنی صلاحیتوں کا لوہا منوالیا ہے: کاشف قادری
Posted on July 1, 2012 By Adeel Webmaster گجرات
گجرات(جی پی آئی ) پاکستان تحریک انصاف یوتھ ونگ کے نائب صدر تحصیل گجرات کاشف قادری نے کہا ہے کہ گزشتہ روز موضع گلانوالہ میں تاریخی اور کامیاب جلسہ کا انعقاد کرکے چوہدری ثاقب نذیر نے اپنی صلاحیتوں کا لوہا منوالیا ہے۔
انہوں نے کہا کہ چوہدری ثاقب نذیر اور انکے ساتھیوں کی تحریک انصاف میں شمولیت کا اعلان بروقت ہے او رہمیں پوری امید ہے کہ آئندہ الیکشن میں تحریک انصاف بھاری اکثریت سے کامیاب ہو کر اقتدار میں آ جائے گی اور غریب عوام کے دکھ درد کا مداوا کرے گی اور چوہدری ثاقب نذیر جیسے نوجوان عمران خان کی طاقت ثابت ہوں گے۔
انہوں نے کہا کہ چوہدری ثاقب نذیر ایک بڑا او رکامیاب جلسہ منعقد کرانے پر مبارکباد کے مستحق ہیں انکے کامیااب جلسہ کے بعد علاقہ کی اہم شخصیات بھی پاکستان تحریک انصاف میں شمولیت اختیار کریں گی ۔
