چوہدری حاکم علی کے ڈیرہ پر عظیم الشان جلسہ کا اہتمام
Posted on June 4, 2012 By Geo Urdu گجرات
گجرات (جی پی آئی) یونین کونسل ٹھیکریاں میں چوہدری حاکم علی کے ڈیرہ پر عظیم الشان جلسہ کا اہتمام کیا گیا جس میں وفاقی وزیر اطلاعات و نشریات چوہدری قمر زمان کائرہ ، سابق صوبائی وزیر خزانہ چوہدری تنویر اشرف کائرہ ایم پی اے مہمان خصوصی تھے ، جلسہ کا اہتمام ٹھیکریاں کی ممتاز سیاسی و سماجی اور ہر دل عزیز شخصیت چوہدری دلاور حسین نے کیا ، چوہدری قمر زمان کائرہ اور چوہدری تنویر اشرف کائرہ نے ٹھیکریاں میں شعلہ جلا کر سوئی گیس کی فراہمی کا افتتاح کیا ، سوئی گیس جیسی بنیادی سہولت سے ٹھیکریاں اعظم نگر ، احمد آباد ، رحمت پورہ دیگر نواحی بستیوں کے رہائشی مستفید ہوں گے ، جلسہ گاہ آمد پر وفاقی وزیر اطلاعات و نشریات چوہدری قمر زمان کائرہ ، چوہدری تنویر اشرف کائرہ ایم پی اے کا پرتپاک استقبال کیا گیا ، اور قائدین کو بہت بڑے جلوس کی شکل میں جلسہ گاہ لایا گیا ، ڈھول کی تھاپ پر نوجوانوں کے بھنگڑے ڈالے اور نوجوانوں نے موٹر سائیکل ریلی نکال کر قائدین کا استقبال کیا اور قائدین کی شاندار عوام دوست پالیسیوں کو خراج تحسین پیش کیا ، چوہدری دلاور حسین کی قیادت میں اہل ٹھیکریاں ، اعظم نگر ، احمد آباد، رحمت پورہ کے معززین نے پرتپاک استقبال کر کے ثابت کر دیا کہ اہل علاقہ کے عوام چوہدری دلاور حسین کی قیادت میں متحد ہیں ، شرکاء نے قائدین کا بنیادی ضروریات زندگی کی سہولت فراہم کرنے کیلئے بہترین اقدامات کرنے پر شکریہ ادا کیا۔
