چوہدری شاہد رضا کوٹلہ کی سیشن جج گجرات کے سا منے سینکڑوں ساتھیوں سمیت پیشی
Posted on March 21, 2012 By Geo Urdu گجرات
کھاریاں : چوہدری شاہد رضا کوٹلہ کی سیشن جج گجرات حبیب الرحمن کی عدالت میں تھانہ گلیانہ میں درج مقدمہ نمبر25/2012زیر دفعہ 120بی کے سلسلہ میں سینکڑوں ساتھیوں سمیت پیشی ،معزز عدالت نے یہ کیس ایڈیشنل سیشن جج کھاریاں ملک علی ذوالقرنین کی عدالت میں بھیج دیا ، جہاں پر 23-3-2012کی تاریخ دی گئی ہے ، اس موقع پر چوہدری شاہد رضا کوٹلہ نے صحافیوں سے گفتگو کرتے ہوئے کہا کہ اس سے قبل بھی جھوٹے مقدمات میرے اور ساتھیوں کے خلاف درج کروائے جا چکے ہیں ، جن میں اللہ نے ہمیں سرخرو کے تھا یہ مقدمہ بھی جھوٹا ہے ، انشاء اللہ اس میں بھی اللہ تعالیٰ ہمیں سرخرو کرے گا ، میں امید کرتا ہوں ، کہ پولیس کسی بھی سیاسی پریشر کو خاطر میں نہیں لائے گی ، اور حق سچ انصاف کے تقاضے پورے کرے گی ، اور ہمیں بے گناہ بھی قرار دے گی کیونکہ اس مقدمہ کی بنیاد ہی جھوٹ پر ڈالی گئی ہے ، انہوں نے یہ بھی کہا کہ میں نے مخالفین کو کہا تھا کہ وہ اس مقدمے کا سچا ہونے کا حلف دیں مگر ان کی طرف سے جواب نہ دینا ہماری بے گناہی کا منہ بولتا ثبوت ہے ، پولیس پارٹی نہیں بنے گی اور صرف انصاف کے تقاضے ہی پورے کرے گی ، چوہدری شاہد رضا نے مزید کہا کہ حق پر قائم ہیں اور رہیں گے ، اس کے لئے جتنی بھی قربانیاں دینا پڑی دیں گے ۔
