چیف جسٹس افتخار محمد چوہدری نے پیپلز پارٹی کے سینئر رہنما بابراعوان سے صدر مملکت آصف علی زرداری کی خیریت دریافت کی اور ان کی صحت یابی کے لیے دعا کی۔ سپریم کورٹ کے جسٹس سائر علی کی ریٹائرمنٹ کے موقع پر چیف جسٹس نے ڈاکٹر بابر اعوان سے دریافت کیاکہ صدر مملکت کو کیا ہوا اور اب ان کی صحت کیسی ہے۔ بابراعوان نے انہیں بتایا کہ صدر کی گردن کی شریان میں خون منجمد ہوگیا تھا تاہم اب وہ بہتر ہیں۔ چیف جسٹس نے دعا کی اللہ صدر کو صحت دے یہ سنجیدہ معاملہ ہے۔ نواب اکبر بگٹی مرحوم کو بھی یہی تکلیف ہوئی تھی جس پر انہیں امریکا جاکر علاج کرانا پڑا۔ بابر اعوان نے بتایا کہ صدر مملکت کو اسپتال کے انتہائی نگہداشت کے وارڈ سے کمرے میں منتقل کر دیا گیا ہے۔
ملک کے بیشتر علاقوں میں موسم خشک رہے گا
صحت بہتر ہے جلد وطن وآپس آ جاؤں گا۔ زرداری
