کانٹوں سی اس دنیا میں وہ پھولوں جیسی
Posted on February 26, 2012 By Adeel Webmaster عطاء الحق قاسمی
cactus flowers
کانٹوں سی اس دنیا میں وہ پھولوں جیسی
جیون بھول بھلیوں میں وہ رستوں جیسی
اجلی اجلی مہکی مہکی روشن روشن
میری سوچوں جیسی، میرے جذبوں جیسی
جھلمل جھلمل کرتی اترے دل آنگن میں
رات اندھیروں میں وہ چاند اجالوں جیسی
جاگتی آنکھوں سے بھی اس کو دیکھتے رہنا
وہ خوابوں میں آنے والی پریوں جیسی
لو برساتی دو پہروں میں اس کی یادیں
ٹھنڈی کرنوں جیسی، ہلکے رنگوں جیسی
اک چہرے کا لپکا، میرے چاروں جانب
میں ہوں، اور یہ دنیا ہے آئینوں جیسی
عطاء الحق قاسمی
بھٹک رہی ہے عطا خلق بے اماں پھر سے
وہ ایک شخص کہ منزل بھی، راستا بھی ہے
