کراچی (جیوڈیسک) کراچی کے علاقے گلستان جوہر میں فائرنگ سے ایک شخص ہلاک ہو گیا جبکہ اورنگی ٹاؤن سے ایک شخص کی لاش برآمد ہوئی ہے۔کراچی کے علاقے گلستان جوہر میں شمائل آرکیڈ کے قریب نامعلوم افراد کی فائرنگ سے 25 سالہ محمد احمد ہلاک جبکہ ملک شمس زخمی ہوگیا اورنگی ٹاؤن سے ایک شخص کی لاش ملی ہے جسکی تاحال شناخت نہیں ہو سکی۔ جہانگیر روڈ پر بھی نامعلوم افراد کی فائرنگ سے 22 سالہ یاسر زخمی ہو گیا۔
دوسری جانب کراچی کے علاقے پیر آباد میں حمید پر نامعلوم افراد نے دستی بم حملہ کر دیا لیکن کوئی جانی نقصان نہیں ہوا۔ پولیس کے مطابق موٹرسائیکل سواروں کی جانب سے 2 کریکر پھینکے گئے جس میں سے ایک کریکر نہیں پھٹ سکا۔ پولیس کا کہنا ہے کہ حمید کو کالعدم تنظیم کی جانب سے دھمکی بھی دی گئی ہے۔
ملک ریا ض کے خلا ف تو ہین عدالت کیس ، 6 گواہوں کے نام آ گئے
لوئردیر، ریموٹ کنٹرول دھماکے سے وین تباہ ، 10 مسافر جاں بحق
