کراچی پاکستان میں آسٹریلوی ہائی کمشنر پیٹر ہیورڈ نے تصدیق کی ہے کہ آسٹریلیا میں بھیڑوں میں اسکیبی ماوتھ کی بیماری عام ہے، لیکن پاکستان لائی جانے والی بھیڑوں میں یہ بیماری نہیں ہے۔آسٹریلوی ہائی کمشنر نے یہ بات کراچی چیمبر کے دورے کے موقع پر کہی۔ انہوں نے کہا کہ جہاز اومان اور قطر میں بھی بھیڑیں اتارنے گیا تھا لیکن بحرین میں بھیڑیں کیوں نہیں اتاری گئیں اس حوالے سے وہ کچھ نہیں کہہ سکتے۔ ان کا کہنا تھا کہ شاید بحرین میں کمرشل کا معاملہ ہوسکتا ہے۔ لیکن بیماری کی وجہ سے بھیڑوں کو بحرین کی اتھارٹیز نے آف لوڈ کرنے سے انکار نہیں کیا ہوگا۔ ایک سوال کے جواب میں آسٹریلوی ہائی کمشنر نے کہا کہ انہوں نے بھیڑوں کو بذات خود نہیں دیکھا لیکن انہیں ملنے والے دستاویزات کے مطابق بھیڑیں صحت مند ہیں۔
پارٹی ڈسپلن کی خلاف ورزی اور ق لیگ میں شمولیت پرڈاکٹر عظیم الدین زاہد لکھوی کو تمام تنظیمی عہدوں سے فارغ
پیٹرولیم مصنوعات کے نرخ میں مزید اضافہ متوقع
