وزیر داخلہ سندھ منظور وسان کا کراچی میں سی ویو پر واقع پولیس چیک پوسٹ پر اچانک چھاپہ، حبس بے جا میں رکھے گئے نو سال کے بچے کو بازیاب کروا لیا۔ بچے کو نو دن سے زنجیروں میں جکڑ کر چوکی میں قید رکھا گیا تھا۔ وزیر داخلہ جب چوکی پہنچے تو پولیس اہلکاروں کے علاوہ چوکی انچارج ڈیوٹی پر موجود نہیں تھا جس پر منظور وسان نے سخت برہمی کا اظہار کیا۔ انہوں نے فوری طور پر بچے کی زنجیریں کھولنے کی ہدایت کی۔ جبکہ چوکی انچارج اور درخشاں تھانے کے ایس ایچ او کو فوری طور پر معطل کرنے کے احکامات جاری کئے۔ اس موقع پر منظور وسان کا کہنا تھا کہ عوام کے ساتھ اس طرح کی کوئی زیادتی برداشت نہیں کی جائے گی۔
تحریک انصاف میں شمولیت کا فیصلہ نہیں کیا۔ ماوری میمن
راولپنڈی: ضلع کچہری میں فائرنگ، چار افراد جاں بحق
