کشتیاں لڑنی ہوں تو پہلوان ہونا چاہییے
Posted on March 3, 2012 By Adeel Webmaster ڈاکٹر محمد افضل شاہد
pakistani Rupees
کشتیاں لڑنی ہوں تو پہلوان ہونا چاہییے
ورنہ بندے کو پسر انسان ہونا چاہییے
ایک کی پگڑی اچھالی ایک کا چھینا رومال
بدتمیزی ایک نہیں طوفان ہونا چاہییے
فوج میں ہوتے حفاظت سرحدوں کی خوب کی
خان صاحب آپ کو دربان ہونا چاہییے
پھر کسی سے نرم باتیں چاند سی اترے غزل
شاعری کا شوق ہے دیوان ہونا چاہییے
روٹھنے والے ہیں ہم بنگالیوں کی چال دیکھ
دو نہیں بس ایک پاکستان ہونا چاہییے
لوٹنے والے اگر لوٹیں تو انکا ساتھ دو
حضرت شاہد تمہیں نادان ہونا چاہییے
ڈاکٹر محمد افضل شاہد
بیشتر کہ صدر کی تقریر ہونی چاہییے
مشق جیسی چاند ماری اور ہے
