کمانڈر 4AK برگیڈ برگیڈیئر محمد آصف حرکت قلب بند ہونے سے وفات پاء گئے
Posted on January 9, 2013 By Zain Webmaster سٹی نیوز
بھمبر (ڈسٹرکٹ رپورٹر) کمانڈر 4AK برگیڈ برگیڈیئر محمد آصف حرکت قلب بند ہونے سے وفات پاء گئے ہیں مرحوم کو نمازہ جنازہ کے بعد لاہور میں سپرد خاک کر دیا گیا تفصیلات کیمطابق کمانڈر 4AK برگیڈ برگیڈیئر محمد آصف کو گزشتہ شام دل کی تکلیف ہوئی جنہیں مقامی کرنل ڈاکٹر نے چیک اپ کے بعد CMH کھاریاں ریفر کر دیا مگر وہ کھاریاں پہنچتے ہی جانبر نہ ہو سکے اور اپنے خالق حقیقی سے جا ملے۔
مرحوم انتہائی ملنسار اور درد دل رکھنے والے آفیسر تھے انکی وفات کی خبر سن کر بھمبر کی فضا سوگوار ہو گئی مرحوم کی باڈی کو جہلم کینٹ لایا گیا جہاں انکی نماز جنازہ ادا کی گئی نماز جنازہ میں کور کمانڈر منگلا سمیت اعلیٰ فوجی حکام نے شرکت کی بعد میں مرحوم کے جسد خاکی کو انکے آبائی شہر لاہور پہچایا گیا جہاں عسکری 10Dبلاک لاہور میں انکو نماز جنازہ کے بعد سپرد خاک کر دیا گیا۔
