راولپنڈی (جیوڈیسک) مسافروں کے لیے عید الفطر کے موقع پر آج سے خصوصی ٹرینیں چلائی جا رہی ہے اور اس سلسلے میں پہلی عید اسپیشل ٹرین کوئٹہ سے راولپنڈی کے لیے روانہ ہوگی۔
ریلوے حکام کے مطابق خصوصی عید ٹرین اکانومی کلاس کی دس بوگیوں پر مشتمل ہے جو کوئٹہ سے ساڑھے گیارہ بجے روانہ ہو گی۔
خصوصی عید ٹرین سبی، ملتان، لاہور سے ہوتی ہوئی 3 جون کی شام ساڑھے 6 بجے راولپنڈی پہنچے گی۔
ریلوے حکام کے مطابق عید ٹرین میں نشستوں کی بکنگ دو روز قبل ہی بند ہوچکی ہے جب کہ 8 جون کو راولپنڈی سے واپس کوئٹہ آنے والی عید اسپیشل ٹرین کی بکنگ بھی مکمل ہو چکی ہے۔
یاد رہے کہ محکمہ ریلوے کی جانب سے عید پر 5 خصوصی ٹرینیں چلائی جارہی ہے، کراچی سٹی اسٹیشن سے آج پشاور کے لیے ٹرین روانہ ہوگی جب کہ تیسری اسپیشل ٹرین 3 جون دن 11 بجے کراچی کینٹ سے لاہور روانہ کے لیے روانہ ہوگی۔
اسی طرح چوتھی ٹرین 8 جون کو راولپنڈی سے صبح 8 بجے کوئٹہ روانہ ہوگی جب کہ پانچویں ٹرین 8 جون کو لاہور سے شام 6 بجے کراچی کینٹ کے لیے روانہ ہوگی۔
سزا یافتہ 2 آرمی اور ایک سویلین افسر کو سول جیل حکام کے حوالے کر دیا: آئی ایس پی آر
ورلڈ کپ: نیوزی لینڈ نے سری لنکا کو شکست دے دی
