گال : (جیو ڈیسک) بیٹسمینوں کی مایوس کن بیٹنگ کے باعث پاکستان کو سری لنکا کے خلاف پہلے ٹیسٹ میں فالو آن کا سامنا ہے۔ دوسرے دن کے اختتام پر سری لنکا کے چار سو بہتر رنز کے جواب میں پاکستان کا پانچ وکٹوں پر اسکور صرف اڑتالیس رنز ہے۔
گال میں سری لنکا نے دوسرے دن اپنی نامکمل اننگز تین سو رنز دو کھلاڑی آؤٹ سے شروع کی اور پوری ٹیم چارسو باہتر رنز بناکر آؤٹ ہوئی۔ مہیلاجے وردنے نے باسٹھ اورپرسناجے وردھنے نے اڑتالیس رنز بنائے۔ کمار سنگاکارا ایک سوننانوے رنز پر ناٹ آؤٹ رہے۔ سنگاکارا ایک سوننانوے کے اسکور پرناٹ آؤٹ رہنے والے دنیا کے دوسرے بیٹسمین ہیں۔ پاکستان کے سعید اجمل نے کیریئر میں چھٹی مرتبہ اننگز میں پانچ وکٹیں لیں۔ محمد حفیظ نے تین کھلاڑیوں کو آؤٹ کیا۔
پاکستان کی اننگز کے پانچویں اوور میں توفیق عمرنو اور اظہرعلی صفر پر آئوٹ ہوگئے۔ نائٹ واچ مین سعید اجمل اور اسد شفیق بھی کوئی رن نہ بنا سکے۔ کھیل کے اختتام پر یونس خان پندرہ اور ایوب ڈوگر ایک رن پر ناٹ آؤٹ ہیں۔
لندن اولمپکس : قومی ہاکی ٹیم کا تربیتی کیمپ 26جون سے شروع
یورو کپ فٹبال: اسپین اور فرانس آج کوارٹر فائنل میں مدمقابل
