گلیانہ : گلو کار طاہر نیئر تین رقاصاوں سمیت گرفتار
Posted on March 15, 2012 By Geo Urdu گجرات
گلیانہ(راجہ آفتاب احمد زاہد مصطفی اعوان )مہندی کی شہنائیوں میں تتلیوں کا رقص۔گلو کارطاہر نیر تین رقاصاوں سمیت گرفتار ۔منچلے نوجوان بارات کھانے سے قبل ہی تھانہ پہنچ گئے ۔ایس ایچ او تھانہ گلیانہ نے ہوائی فائرنگ ،ڈانس اور بوس کنار کرتے ہوئے پندرہ افراد کو گرفتار کر کے حوالات میں بند کر دیا ۔تفصیل کے مطابق گزشتہ شب نواحی موضع بھگوال میں شادی کی تقریب سے ایک روز قبل مہندی کی رسم ادا کرتے ہوئے منچلے نوجوانوںکوشبانہ ،امبرین ،اور ثمرین کے ساتھ چھیڑ چھاڑاور ہوائی فائرنگ کرتے ہوئے پندرہ افراد کو حراست میں لے کر حوالات بند کر دیا۔
افضال حسین ولد محمد اسلم کی بارات آج روانہ ہونا تھی ۔جب کہ دولہا اور اس کا والدموقع سے فرارہونے میں کامیاب ہو گئے۔جب کہ دلہا کا بڑا بھائی شہزاد گل گرفتار ہو گیا ۔گرفتار ہونے والوں میںشاہد محمود۔غلام مصطفی ۔محمد اسلم ۔واجد محمود ۔محمد افضل۔عزیز الحق ۔عرفان ۔طاہر ۔مدثر حسین وغیرہ شامل ہیں ۔ اس موقع پر ایس ایچ او تھانہ گلیانہ عامر شاہین گوندل نے صحافیوں سے گفتگو کرتے ہوئے کہا کہ کسی بھی فرد کو غیر قانونی حرکت کرنے اور قانون کا مذاق اڑانے کی ہر گز اجازت نہیں دی جائے گی۔قانون توڑنے والے کسی رعایت کے مستحق نہیں ۔اور ان کے خلاف سخت ترین قانونی کاروائی عمل میں لائی جائے گی ۔خواہ وہ کتنے ہی با اثر کیوں نہ ہوں۔
