گلی کوچوں میں ہنگامہ بپا کرنا پڑے گا
Posted on April 20, 2012 By Adeel Webmaster افتخار عارف
travelling
گلی کوچوں میں ہنگامہ بپا کرنا پڑے گا
جو دل میں ہے اب اس کا تذکرہ کرنا پڑے گا
نتیجہ کربلا سے مختلف ہو یا وہی ہو
مدینہ چھوڑنے کا فیصلہ کرنا پڑے گا
وہ کیا منزل جہاں راستے آگے نکل جائیں
سو اب پھر ایک سفر کا سلسلہ کرنا پڑے گا
لہو دینے لگی ہے چشمِ خوں بستہ سو اس بار
بھری آنکھوں میں خوابوں کو رہا کرنا پڑے گا
مبادا قصہ اہلِ جنوں ناگفتہ رہ جائے
نئے مضمون کا لہجہ نیا کرنا پڑے گا
درختوں پہ ثمر آنے سے پہلے آئے تھے پھول
پھلوں کے بعد کیا ہو گا پتہ کرنا پڑے گا
گنوا بیٹھے تری خاطر اپنے مِہر و مہتاب
بتا اب اے زمانے اور کیا کرنا پڑے گا
افتخار عارف
ہم اہلِ جبر کے نام و نسب سے واقف ہیں
مرے خدا مرے لفظ وبیاںمیں ظاہر ہو
