گوجرانوالہ (جیوڈیسک)گوجرانوالہ کے چوروں نے مین بازار کی ایک درجن سے زائد دکانوں میں ہاتھ کی صفائی دکھائی اور چلتے بنے۔ لٹنے والوں کے پاس احتجاج کے سوا کوئی چارہ نہیں۔گوجرانوالہ کا علاقہ راجکوٹ۔اور علاقے کا مین بازار۔جہاں گزشتہ رات ہوئی چوری کی واردات،ملزمان لاکھوں روپے نقد اور دکانوں میں موجود قیمتی سامان لوٹ کر فرار ہوگئے،دکانداروں کا کہنا ہے کہ تاریکی ضرور تھی ۔
لیکن وہ اس لئے گھروں میں سکون سے سورہے تھے کہ پولیس اہلکار ڈیوٹی پر ہیں۔لیکن ہوا یہ کہ ملزمان آئے۔بازار کی 16 دکانوں کے تالے کاٹے،سامان لوٹا اور چلے بھی گئے۔چوروں کو نہ کسی نے دیکھا، نہ روکا، نہ ٹوکا،لٹنے والے دکانداروں نے واردات کے خلاف علی پور روڈ بلاک کرکے مظاہرہ بھی کیا۔
لکی مروت : پرائمری اسکول کو بارودی مواد سے تباہ کردیا گیا
بھکر میں زہریلی شراب پینے سے ہلاکتوں کی تعداد 11ہوگئی
