سی این جی مالکان کا کہنا ہے کہ فی کلو گیس کی لاگت تمام ٹیکسز سمیت اننچاس روپے تیرہ پیسے بنتی ہے جبکہ گیس سے سی این جی بنانے کے اخراجات اکیس روپے فی کلو ہیں۔سی این جی اسٹیشنز مالکان نے گیس پرآپریٹنگ کاسٹ کی تفصیلات کے حوالے سے فلنگ اسٹیشنز پر بینرز آویزاں کئے ہیں۔ جس کے مطابق گیس ڈسٹری بیوٹرز کی جانب سے فی کلو گیس اٹھائیس روپے پینسٹھ پیسے پر فراہم کی جاتی ہے۔ جس پر گیس انفرااسٹرکچر ٹیکس کی مد میں دس روپے پچانوے پیسے اور سیلز ٹیکس کی مد میں نو روپے پچپن پیسے حکومت وصول کرتی ہے۔ اس طرح فی کلو گیس کی قیمت اننچاس روپے تیرہ پیسے تک پہنچ جاتی ہے۔
گیس سے سی این جی بنانے پر اخراجات اکیس روپے آتے ہیں۔ جس کے بعد فی کلو سی این جی کی مجموعی لاگت ستر روپے تیرہ پیسے بنتی ہے۔
سی این جی ایسوسی ایشن اور اوگرا کے مذاکرات ناکام
لاہور: لوڈشیڈنگ سے شہری پریشان
