وارسا : (جیو ڈیسک) یوروکپ فٹبال کے تیسرے روز آج اسپین اعزاز کے دفاع کا آغاز اٹلی کے خلاف میچ سے کریگا۔ گروپ سی میں آج کروشیا کا میچ آئرلینڈ سے ہو گا۔ ایونٹ کے دوسرے روز گروپ بی میں جرمنی اور ڈنمارک نے اپنے اپنے میچ جیت لئے۔
یورو کپ فٹبال کے دوسرے روز جرمنی نے پرتگال کوایک گول سے ہرادیا۔ جرمنی کے ماریو گومز نے باہتر ویں منٹ میں خوبصورت گول کیا جو فیصلہ کن ثابت ہوا۔جرمنی نے پرتگال کے مقابلے میں زیادہ جارحانہ کھیل پیش کیا۔فتح کی بدولت جرمنی نے تین قیمتی پوائنٹس حاصل کرلئے۔
گروپ بی کے پہلے میچ میں ڈنمارک نے نیدر لینڈ کو ایک گول سے شکست دی۔ میچ کا فیصلہ کن گول پہلے ہاف میں مائیکل کروہن نے ڈچ دفاعی کھلاڑیوں کی غلطی سے فائدہ اٹھاتے ہوئے بنایا۔دونوں ٹیمیں میچ میں مزید کوئی گول نہ کر سکیں۔
فرنچ اوپن:فائنل آج نوواک ڈیوکووچ اور رافیل نڈال کا مقابلہ
برمنگھم ٹیسٹ: ویسٹ انڈیز 426 رنز پر آوٹ، ٹینو بیسٹ کے 95 رنز
