اسٹیٹ بینک نے ملک بھر میں کمرشل بینکوں اور ایس بی پی بینکنگ سروسز کارپوریشن کے فیلڈ دفاتر کو پانچ روپے کے بینک نوٹ اکتیس دسمبر، دوہزار گیارہ تک تبدیل کرنے کی ہدایت جاری کر دی ہے۔ اسٹیٹ بینک کے ترجمان کے مطابق اسٹیٹ بینک نے بینکوں کو پانچ روپے کے نوٹ تبدیل کرانے یا تبدیلی کی مالیت کو اپنے متعلقہ بینک اکاونٹ میں منتقل کرانے کے لئے ہدایت بھی جاری کی ہیں۔ ترجمان کے مطابق عوام پانچ روپے کے نوٹ کمرشل بینکوں اور ایس بی پی بینکنگ سروسز کارپوریشن کے فیلڈ دفاتر سے صرف تبدیل کراسکتے ہیں، ترجمان نے واضح کیا کہ پانچ روپے کے نوٹ کی قانونی حیثیت یکم جنوری، دوہزار بارہ سے ختم ہوجائے گی۔ اس تاریخ سے اسے قانونی طور پر لین دین کے لئے استعمال نہیں کیا جا سکے گا۔
کراچی میں سی این جی اسٹیشن پھر بند، کل کھلیں گے
کراچی اسٹاک مارکیٹ میں ملا جلا رجحان
