یہ زمیں ہم کو ملی بہتے ہوئے پانی کے ساتھ
Posted on April 22, 2012 By Adeel Webmaster اقبال نوید
waterhouse
یہ زمیں ہم کو ملی بہتے ہوئے پانی کے ساتھ
اک سمندر پار کرنا ہے اسی کشتی کے ساتھ
عمر یونہی تو نہیں کٹتی بگولوں کی طرح
خاک اڑنے کے لیے مجبور ہے آندھی کے ساتھ
جانے کس اُمید پر ہوں آبیاری میں مگن
ایک پتا بھی نہیں سوکھی ہوئی ٹہنی کے ساتھ
میں ابھی تک رزق چننے میں یہاں مصروف ہوں
لوٹ جاتے ہیں پرندے شام کی سرخی کے ساتھ
پھینک دے باہر کی جانب اپنے اندر کی گھٹن
اپنی آنکھوں کو لگا دے گھر کی ہر کھڑکی کے ساتھ
جان جا سکتی ہے خوشبو کے تعاقب میں نوید
سانپ بھی ہوتا ہے اکثر رات کی رانی کے ساتھ
اقبال نوید
جب بھی کسی شجر سے ثمر ٹوٹ کر گرا
دور دور تک کوئی جب نظر نہیں آتا
