11 مئی کو عوام میزائل پر مہر لگا کر ملک دشمن اور عوام دشمن سیاستدانوں پر ایٹم بم بن کرگریں گے : روحیل اکبر
Posted on April 13, 2013 By Noman Webmaster سٹی نیوز
تحریک تحفظ پاکستان کے جوائنٹ سیکریٹری اطلاعات روحیل اکبر نے کہا ہے کہ 11 مئی کو عوام میزائل پر مہر لگا کر ملک دشمن اور عوام دشمن سیاستدانوں پر ایٹم بم بن کرگریں گے اپنے ایک بیان میں انہوں نے کہا کہ محسن پاکستان ڈاکٹر عبدالقدیر خان کے احسان کا تقاضاہے کہ ہم الیکشن میں انکی جماعت کو کامیاب کریں کیونکہ سابق حکمرانوں نے لوٹ مار کا جو بازار گرم کررکھا ہے۔
اس سے جان چھڑوانا بہت ضروری ہے اگر اس بار بھی عوام ان جعل سازوں کے دھوکہ میں آگئی تو پھر ملک کے حالات کسی کے بھی قابو میں بھی نہیں رہیں گے انہوں نے کہا کہ جتنے بڑے بڑے دھوکہ ان سیاسی ڈاکئوں نے عوام کے ساتھ کیے ہیں۔
اس کی مثال کہیں اور نہیں ملتی اور آج تک اس ملک کے عوام کو سکھ کا سانس نہیں لینے دیا گیا اور اب وہ وقت دور نہیں ہے جب محسن پاکستان کی قیادت میں پاکستان دنیا بھر کا ایک مثالی ترقی یافتہ ملک بن جائے گا۔
