اسلام آباد (جیوڈیسک) گزشتہ برس 11 مئی کو ملک بھر میں ہونے والے عام انتخابات کو سپریم کورٹ میں چیلنج کردیا گیا ہے۔ جسٹس ریٹائرڈ محمود اختر نے لاہور ہائیکورٹ کے سابق چیف جسٹس میاں اللہ نواز کی وساطت سے دائر درخواست میں وفاق اور الیکشن کمیشن کو فریق بنایا ہے۔
درخواست میں موقف اختیار کیا گیا ہے کہ الیکشن کمیشن مقناطیسی سیاہی مہیا کرنے میں ناکام رہا، مقناطیسی سیاہی نہ ہونے سے الیکشن کی شفافیت برقرار نہیں رہی۔ انتخابات کو مشکوک بنانے کا ذمہ دار الیکشن کمیشن ہے ریٹرننگ افسران نہیں۔
اس لئے عدالت عظمیٰ سے درخواست ہے کہ 11 مئی 2013 کو ہونے والے عام انتخابات کو کالعدم قرار دے کر ذمہ داروں کو سزا دی جائے۔ واضح رہے کہ عام انتخابات کے بعد ملک کی تمام سیاسی جماعتوں نے انتخابات کی شفافیت پر سوال اٹھائے تھے۔
وزیر اعلیٰ پنجاب نے مبینہ پولیس تشدد سے خاتون کی ہلاکت کانوٹس لے لیا
حجاج کرام کی جانب سے منیٰ میں رمی اور قربانی کا سلسلہ جاری
