تلہ گنگ کی خبریں 14-1-2013
Posted on January 14, 2013 By Zain Webmaster سٹی نیوز
ملک زوار اکوال کی رہائش گاہ پر میاں نواز شریف ، وزیر اعلیٰ پنجاب میاں شہباز شریف کے بھائی عباس شریف کی وفات پر تعزیتی اجلاس ہوا
تلہ گنگ(تحصیل رپورٹر)تلہ گنگ مسلم لیگ یوتھ ونگ کے تحصیل صد ر ملک زوار اکوال کی رہائش گاہ پر میاں نواز شریف ،وزیر اعلیٰ پنجاب میاں شہباز شریف کے بھائی عباس شریف کی وفات پر تعزیتی اجلاس ہوا۔ جس میں ایم این اے سردار ممتاز خان ٹمن ،ملک امیر خان ٹمن ،ما جدندیم ،راجہ طارق ، خاور جھاٹلہ ،ہدایت اللہ ،عاصم ندیم ،حاجی یاسر عزیز اور دیگر مسلم لیگی کا رکنان شرکت کی اور عباس شریف کی وفات پر گہرے رنج و غم افسوس کا اظہار کیا گیا اور مرحوم کے لیے دعائے مغفرت کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمرانوں کے غلط فیصلوں نے ملک میں انار کی پھیلائی ہے معاشی بحران خطرناک شکل اختیار کرتا جا رہا ہے ، اقبال ، زوار ، فاروق
تلہ گنگ(تحصیل رپورٹر)تلہ گنگ روزنامہ نئی بات کے سروے میں لوگوں کا کہنا تھا کہ حکمرانوں کے غلط فیصلوں نے ملک میں انارکی پھیلائی ہے معاشی بحران خطرناک شکل اختیار کرتا جا رہا ہے بجلی کی شدید کمی،مہنگائی ،دہشت گردی،گیس کی لوڈشیڈنگ، سے پورا ملک چیخ رہا ہے ،ہمارے حکمرانوں نے ملک کو امریکی کے جھولی ڈال دیا ہے یہی وجہ ہے آج امریکہ ہمیں اس زبان سے مخاطب کر رہا ہے جس سے آقا غلام کو مخاطب کرتا ہے۔ سروے میں اقبال ، زوار ، فاروق ، وقاص ، عمران خان ، طاہر خاور کا کہنا تھا کہ ہمارے حکمرانوں کے شاہ خرچیوں نے ملک کو کنگال بنا دیا ہے ایک مخصوص طبقہ نے اپنے عیاشیوں شاہ خرچیوں کی وجہ سے ملک کو اربوں روپیہ کے غیر ملکی قرضوں تلے دبوج دیا ہے۔ پاکستان میں پیدا ہونے والا ہر بچہ آئی ایم ایف دیگر مالیاتی اداروں کے قرضوں کوبوج کاندہوں پر لیکر پیدا ہوتا ہے پاکستان کے دونوں بڑی جماعتیں ملک کے اہم ایشوز کو حل کرنے میں بری طرح ناکام ہو گی ہیں۔ ان کی طرز حکمرانی نے عوام کی جذبات کی ترجمانی نہیں کیا بلکہ ان کی جذبات کو ہمیشہ ٹھیس پہچایا ہے انہیں نے مز ید کہنا تھا کہ بلوچستان اور صوبہ پشتو ن خواہ میں قبائلیوں کے خلاف ظالمانہ آپریشن نے محب وطن لوگوں کو ملک کی مخالفت پر ابھار دیا ہے ،انھو ں نے کہا ہے کہ ہماری اللہ تعالی سے دعا کی ہے کہ ہمارے ملک پاکستان میں کوئی ایسی قیادت ائے جو ہم کو ان کرپٹ ،بے حس،لاپروا اور چوروں سے نجات دلائے اور تا کہ ہم کوئی سکھ کا سانس لے سیکں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاوہ میں پانچ مسلح افراد ایک شخص سے اُسکا ٹریکٹر چھین کر فرار
تلہ گنگ(تحصیل رپورٹر) لاوہ میں پانچ مسلح افراد ایک شخص سے اُسکا ٹریکٹر چھین کر فرار۔ مدعی احمد نواز ولد ربنواز ساکن لاوہ نے پولیس تھانہ لاوہ کو رپورٹ درج کراتے ہوئے بتایا کہ وہ اپنے ملکیتی ٹریکٹر پر کھیتوں سے گھر کی طرف آرہا تھا کہ اعوان ہوٹل کے قریب نامعلوم پانچ مسلح افراد نے اُس کو زبردستی روک کر ٹریکٹر چھین لیا اور فرار ہو گئے۔ پولیس تھانہ لاوہ نے مقدمہ درج کر کے تفتیش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوئٹہ میں دھشت گردی کے واقعات میں بے گناہوں کی شہادت اور صوبائی حکومت کی بے حسی نے زمانہ جاھلیت کی یاد تازہ کر دی ، ملک شجاع حیدر
تلہ گنگ(تحصیل رپورٹر) کوئٹہ میں دھشت گردی کے واقعات میں بے گناہوں کی شہادت اور صوبائی حکومت کی بے حسی نے زمانہ جا ہلیت کی یاد تازہ کر دی ، حکومت عوام اورصحافیوں کو تحفظ فراہم کرنے میں ناکام ہو گئی ہے۔ ان خیالات کا اظہار چیئر مین ڈویژن پریس کلب راولپنڈی ڈویژن ملک شجاع حیدر لنگاہ پنڈدادنخان،صدر سیار گل اٹک ،سینئر نائب صدر نذر حسین چودھری ،صدر پریس کلب تلہ گنگ چودھری غلام ربانی و دیگر عہدیداران نے اپنے ایک مشترکہ بیان میں کیا ۔انہوں نے کہا کہ نہ صرف صوبائی حکومتیں بلکہ وفاقی حکومت بھی صحافیوں کو تحفظ فراہم نہیں کر سکی ۔انہوں نے کوئٹہ میں نجی نیوز چینل کے شہید ہونے والے صحافیوںکے لواحقین سے دلی اظہار ہمدردی کیا ہے۔
