نیویارک (جیوڈیسک) اقوام متحدہ میں پاکستان کی مستقل مندوب ملیحہ لودھی کا کہنا ہے کہ خطے میں نیوکلئیر پروگرام پر یکطرفہ پابندی نہیں لگائی جا سکتی ہے لہذا امریکا بھارت سے بھی وہی تقاضا کرے جو ہم سے کیا جاتا ہے۔
سیکرٹری خارجہ اعزاز چودھری اور اقوام متحدہ میں پاکستان کی مستقل مندوب ملیحہ لودھی نے نیویارک میں پریس بریفنگ دی جس میں ملیحہ لودھی کا کہنا تھا کہ نہ تو خطےمیں نیوکلئیرپروگرام پر یکطرفہ پابندی لگائی جا سکتی ہے اور نہ ہی پاکستان کا ایٹمی پروگرام محدود ہوسکتا ہے لہذا امریکا بھارت سے بھی وہی تقاضا کرے جو ہم سے کیا جاتا ہے جب کہ دنیا پہلے بھارت کی جوہری سرگرمیوں کو روکے ۔ ہم نے امریکا سے بھارت پر اپنا اثرورسوخ استعمال کرنے کا مطالبہ کیا ہے ۔
اعزاز چوہدری نے کہا کہ وزیراعظم سے ملاقات میں جاپانی ہم منصب نے پاکستان کی معاشی ترقی کی تعریف کی جب کہ ترک صدر نے ملاقات میں ناکام فوجی بغاوت پرپاکستان کےموقف کوسراہا۔ ان کا کہنا تھا کہ وزیراعظم کی عالمی رہنماؤں سے ملاقاتوں میں مسئلہ کشمیر ترجیح رہاہے اور مقبوضہ کشمیرمیں انسانی حقوق کی خلاف ورزیوں کو اجا گر کیا گیا ہے۔
انھوں نے کہا کہ وزیراعظم آج ایرانی صدر اورچین کے وزیراعظم سے ملاقات کریں گے جب کہ جنرل اسمبلی میں تقریر کے دوران وزیراعظم پاکستان میں بھارتی مداخلت کابھی ذکرکریں گے۔
جامعہ کراچی اور ’جارج میسن‘ کے اشتراک سے بین الاقوامی کانفرنس
پاک فضائیہ کے جنگی طیاروں کی پشاور موٹروے پر ہنگامی لینڈنگ اور ٹیک آف کی مشقیں
