لاہور (جیوڈیسک) پاک بھارت کشیدگی کے باعث ستمبر اور اکتوبر میں پاکستانی سینما پر کسی بھی بھارتی فلم کی نمائش نہیں ہوگی۔
بالی ووڈ فلم ایم ایس دھونی 30 ستمبر کو پاکستان میں ریلیز ہونا تھی تاہم اس کی نمائش موخر کردی گئی ہے، اس کے علاوہ رنبیر کپور اور ایشوریہ کی فلم اے دل ہے مشکل کی ریلیز کی تاریخ 12 اکتوبر دی گئی، ذرائع کے مطابق وہ بھی ریلیز نہیں ہوگی۔
یہ بھی معلوم ہوا ہے کہ امپورٹرز نے کشیدہ حالات کے پیش نظر فی الحال چھوٹے بجٹ کی فلموں کے حقوق حاصل نہ کرنے کا فیصلہ کیا ہے لیکن آنیوالے وقت میں فلم اے دل ہے مشکل کی نمائش یہاں کی جاسکتی ہے۔
عمران خان رائیونڈ مارچ میں ناکام خان ہونگے : حاجی قیصر امین بٹ
اورنج ٹرین منصوبہ ،ایل ڈبلیو ایم سی نے 8 کروڑ 47 لاکھ کا بل بھجوا دیا
