گجرات (جی پی آئی) یکم محرم الحرام کو محلہ مقبول آباد سے مستری عبدالرشید مرحوم (وقار الحسن ہیرا)کی رہائشگاہ سے جلوس برآمد ہوا۔ اس سے قبل بعد از نماز ظہر مجلس عزاء منعقد ہوئی ۔ جس میں ممتاز ذاکرین و علمائے کرام فضائل و مصائب شہدائے کربلا بیان کیامولانا الطاف رضوی اور ذاکر علی رضا نے خطاب کیالنگر حسینی تقسیم کیا گیا۔ جس کے بعدماتمی جلوس شبیہہ علم برآمدہوا ۔جلوس اپنے مقررہ راستوں محلہ مقبول آباد’ شاہدولہ چوک’ اندرون شاہدولہ گیٹ ‘ کھاری کھوئی سے ہوتا ہوا بازار صرافہ ‘ مقبرہ پانڈی شاہ’ مسلم بازار ‘ مچھلی چوک سے ہوتا ہوا واپس مستری عبدالرشید کی رہائشگاہ پر اختتام پذیر ہوا۔ ضلعی انتظامیہ نے سخت خفاظتی انتظامات کیے تما راستوں میں گاڑیاں،ٹریکٹر ٹرالیاں کھڑی کرکے راستے بلاک کردئے گئے۔اسسٹنٹ کمشنروقائمقام ایڈمنسٹریٹر بلدیہ جلوس روٹوں کا معائنہ کیا۔ جلوس کے موقع پر صدر حسینیہ ٹرسٹ چوہدری منظور حسین وڑائچ’ پروفیسر سرفراز حسین جعفری’ جواد حسین جعفری۔سید الطاف عباس کاظمی ، جنرل سیکرٹری شیعہ علماء کونسل میر ثقلین’ بھی موجودتھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) SHOدولت نگر انسپکٹر ناصر چیمہ کو قائمقام DSPلیگل گجرات کابھی چارج دے دیا گیا ۔DSPلیگل اختر محمود گوندل چھٹی پر چلے گئے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) DPOگجرات کے حکم پر SHOتھانہ دولت نگرانسپکٹر ناصر چیمہ نے محرم الحرام کے سلسلہ میں علاقہ کا تفصیلی دورہ کیا ،علماء کرام سے ملاقاتیں کیں اور موجودہ حالات کے حوالہ سے تفصیلی گفتگو کی اور حفاظتی انتظامات کی ہدایات کیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ممتاز عالم دین صاحبزادہ پیر سید سعید احمد شاہ گجراتی اندرون سند ھ کے ایک ہفتہ دورہ کے بعد واپس پہنچ گئے ۔دورہ کے دوران انھوں نے مختلف مذہبی پروگراموں میں شرکت کی ۔انھوں نے سہیون شریف میں سخی شہباز قلندر کے مزار پر بھی حاضری دی۔واپسی پر انھوں نے میڈیا سے گفتگوکرتے ہوئے کہا کہ مسئلہ کشمیر کا حل وقت کی اہم ضرورت ہے۔بد قسمتی سے پاکستان میں بنائی جانے والی کشمیر کمیٹی اپنا کردار احسن طریقہ سے سر انجام نہیں دے رہی۔اور ہر دور میں ایسے افراد چیئرمین بنایا جاتا ہے جوکہ پاکستان کے نظریہ کے ہی خلاف رہے ہیں ۔انھوں نے کہا سرحدوں پر کشیدگی باعث تشویش ہے۔لیکن مودی اور ان کے حواری کسی غلط فہمی میں نہ رہیں۔انہیں پاکستا نی مسلح افواج ناکوں چنے چبوانے کے لئے تیارہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈویثرن کے سرکاری ہسپتالوں کو کروڑوں روپے کی جعلی میڈیسن فروخت کرنیوالے کے آئی ٹریڈرز کے مالکان خواجہ شفاقت حفیظ گڈو، اسکے بیٹے خواجہ بدر حفیظ گڈو کی ضمانتیں ڈرگ کورٹ کے جج سعید اعوان نے خارج کر کے پولیس کو گرفتار کرنیکا حکم دیدیا تاہم احاطہ عدالت سے ملزمان پولیس کی موجودگی میں فرار ہونے میں کامیاب ہو گئے یا درہے کہ 10ماہ قبل ڈرگ انسپکٹر احسان الٰہی چیمہ نے انکی کمپنی کے آئی ٹریڈرز پر چھاپہ مار کر سیل کرتے ہوئے بھاری مقدار میں جعلی ادویات قبضہ میں لے کر سیل کر کے باپ بیٹے کیخلا ف ایف آئی آر درج کروادی تھی جسمیں انہوں نے عدالت سے عبوری ضمانتیں کروارکھی ہیںاور پنجاب کا سب سے بڑاجعلی ادویات کا سکینڈل تھا جس پر وزیراعلیٰ نے8سال سے سرکاری ہسپتالوں کو بغیر لائسنس کے جعلی ادویات فروخت کرنے پر سیکرٹری ہیلتھ خواجہ سلیمان ، ڈی سی او گجرات سمیت اعلیٰ سطحی ٹیم کی نگرانی میں انکوائری ٹیم بھی تشکیل دے رکھی ہے جبکہ مدعی مقدمہ ڈرگ انسپکٹر احسان الٰہی چیمہ نے میڈیاکو بتایا کہ پولیس کی ملی بھگت سے ملزمان فرارہوئے ہیں دوسری جانب ملزمان کا کہنا ہے کہ ہم بھی ادھر ہے پولیس بھی ادھر ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) سرکاری ہسپتالوں میں مریضوںکو صحت کی مثالی سہولیات کی فراہمی کیلئے وافر مقدار میں ادویات اور طبی آلات فراہم کئے جارہے ہیں، کنجاہ اور سرائے عالمگیر میں تحصیل لیو ل ہسپتالوں کو فنکشنل کرنے کے بعد بڑے قصبوں میں قائم ہسپتالوںکو ماڈل بنایا جائے گا۔ ان خیالات کا اظہار ڈی سی او لیاقت علی چٹھہ نے سول ہسپتال جلالپور جٹاں اور آر ایچ سی شادیوال کے دورہ کے موقع اجلاس اور معززین سے خطاب کرتے ہوئے ، ایم پی اے میجر (ر )معین نواز، مسلم لیگ ن کے راہنما چوہدری مبشرحسین، چوہدری رضا علی وڑائچ، ای ڈی او ہیلتھ ڈاکٹر الطاف حسین ، ڈی ایچ او ڈاکٹر محمد علی مفتی و دیگر بھی موجود تھے، مہمان خصوصی نے اعلی کارکردگی کا مظاہر ہ کرنیوالے سرکاری ہسپتالوںکے سربراہان کو شیلڈز سے بھی نوازا۔ شادیوال میں تقریب سے خطاب کرتے ہوئے ڈی سی او لیاقت علی چٹھہ نے کہا کہ ضلعی حکومت اور محکمہ صحت نے رواں ماہ شادیوال ہسپتال کی اپ گریڈیشن کا منصوبہ بنایا تھااس دوران حکومتی فنڈز اور پبلک پرائیویٹ پارٹنر شپ کے تحت محض چند ہفتوں میں ہسپتال میں آپریشنل تھیٹر فنکشنل، وولیٹج پرابلک کا خاتمہ اور ڈینٹل یونٹ کو فعال کر دیا گیا ہے، آئندہ ماہ بنیادی مرکز صحت گلیانہ میںصحت عامہ کی بہتر توجہ کیلئے فوکس کیا جائے گا ۔ انہوںنے کہا کہ تمام بنیادی مراکز صحت میں 18بنیادی ادویات کی وافر مقدار میں فراہمی یقینی بنادی گئی ہے ، سرائے عالمگیر میں تحصیل ہسپتال محض ایک ماہ میں فنکشنل کر دیا گیا ہے جبکہ ٹی ایچ کیو کنجاہ کی تعمیر صرف آٹھ ماہ کی قلیل مدت میں مکمل کی گئی ہے۔ انہوںنے کنجاہ ہسپتال میں آئی سی یو کے قیام علاقہ میں صحت عامہ کی سہولیات میں اضافہ کے لئے کاوشوں پر وزیر اعلی پنجاب میاں شہباز شریف کی زیر قیادت حکومت پنجاب ، مسلم لیگ ن کے راہنما چوہدری مبشر حسین، چوہدری رضا علی وڑائچ کو سراہا، انہوںنے شادیوال ہسپتال کی بہتری کیلئے کاوشوںپر چوہدری حیات، چوہدری قیصر، محمد اشرف کو بھی خراج تحسین پیش کیا۔ سول ہسپتال جلالپور جٹاں میں اجلاس سے خطاب کرتے ہوئے ڈی سی او نے کہا کہ سول ہسپتال جلالپور جٹاں میں صحت عامہ کی سہولیات میں اضافہ کیلئے تمام وسائل بروئے کار لائے جارہے ہیں، ہسپتال انتظامیہ علاج کیلئے آنیوالے مریضوں کو بہتر سہولیات اور مفت ادویات کی فراہمی یقینی بنائے۔ انہوںنے گائنی وارڈکی بہتر ی کیلئے ای ڈی او ہیلتھ کی طرف سے پیش کی جانیوالی تجاویز کو بھی سراہا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت علی چٹھہ نے کہا ہے کہ محرم الحرام کے دوران امن وامان برقرار رکھنے کیلئے ضلعی انتظامیہ اور پولیس الرٹ ہیں، کسی بھی ہنگامی حالات کی صورت میں پاک فوج بھی سول اداروں کی مدد کیلئے چوکس ہے ، باہم کوارڈینیشن سے عوام کے جان و مال کا تحفظ ہر صورت یقینی بنایا جائے گا، ان خیالات کا اظہار انہوںنے ضلعی انتظامیہ اور پاک فوج کی کوارڈینیشن کمیٹی کے اجلاس سے خطاب کرتے ہوئے کیا، ڈپٹی کمانڈر جلالپور جٹاں گریژن کرنل عامر، ڈی پی او سہیل ظفر چٹھہ،ایم پی اے میجر (ر)معین نواز ،ای ڈی او ایجوکیشن طاہر کاشف،ای ڈی او ہیلتھ ڈاکٹر الطاف حسین چوہدری، ای ڈی او ورکس محمد شریف، میجر سیار، کیپٹن توصیف مختلف محکموں کے ضلعی سربراہان اور فوجی افسران بھی موجود تھے۔ ڈی سی او لیاقت علی چٹھہ نے کہا کہ حکومت پنجاب کی ہدایات کی روشنی میں حالات پر کڑی نظر رکھی جارہی ہے اور کسی بھی تنظیم یا ادارے کو ضابطہ اخلاق کی خلاف ورزی کی اجاز ت نہیں دی جائے گی۔ انہوںنے کہا کہ ضلع میں تمام مشکو ک افراد کی کڑی نگرانی جاری رہے گی اور کوئی بھی فرد امن وامان کی راہ میں رکاو ٹ بنا تو اسے ہرگز معاف نہیں کیا جائے گا، تعلیمی اداروں کی سکیورٹی کیلئے محکمہ تعلیم نے حال ہی میں ریٹائرڈ آرمی اہلکاروںکا تقرر کیا ہے ۔ انہوںنے کہا کہ محرم الحرام کے پیش نظر ضلع کے ریسکیو 1122، سول ڈیفنس اور دیگر اداروں کو بھی چوکس کر دیا گیا ہے، بڑے ہسپتالوں کے ساتھ بنیادی مراکز صحت میں بھی وافر مقدار میں ادویات کی فراہمی کے ساتھ بڑے قصبو ں میں واقع ہسپتالوں میں چوبیس گھنٹے خدمات کی فراہمی یقینی بنائی جارہی ہے۔ کرنل عامر نے اظہار خیال کرتے ہوئے کہا کہ وطن عزیز کی سرحدوں کے دفاع کے ساتھ داخلی محاذ پر بھی کامیابیاں حاصل کررہی ہے ، آرمی افسران اور جوان آئندہ بھی قوم کے اعتماد پر پورا اترنے اور دفاع وطن کیلئے کسی بھی قربانی سے دریغ نہیں کریں گے ۔ انہوںنے اس عزم کا اظہار کیا کہ کسی بھی قسم کی ہنگامی حالات میں پاک فوج ضلعی انتظامیہ اور پولیس کے شانہ بشانہ ہوگی ۔ ڈی پی او سہیل ظفر چٹھہ نے کہا کہ ضلعی پولیس لاء اینڈ آرڈر برقرار رکھنے کی مکمل صلاحیت رکھتی ہے ، گذشتہ رات سے محرم الحرام کی ڈیوٹی کا آغاز ہو چکا ہے ۔ انہوںنے بتایا کہ پولیس کو گجرات کی ضلعی انتظامیہ، علما کرام سمیت ہر طبقہ فکر کا مکمل تعاون حاصل ہے خصوصا محرم الحرام کے دوران اتحاد بین المسلمین برقرار رکھنے کیلئے تمام مسالک کے اکابرین کا بھرپور تعاون حاصل ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈسٹرکٹ پولیس آفیسرسہیل ظفر چٹھہ نے کہا ہے کہ ضلع بھر میں محرم الحرام کی مجالس اور جلوسوں کی سکیورٹی کیلئے 3721پولیس افسران و جوان تعینات کئے گئے ہیں، ایلیٹ فورس کی 22ٹیمیں اور 465 پولیس قومی رضا کار بھی پولیس کی بھرپور معاونت کررہے ہیں۔ میڈیا بریفنگ میں انہوںنے بتایا کہ پولیس کے جوانوں نے گذشتہ رات یکم محرم الحرام کی شب سے ہی اپنی ذمہ داریاں سنبھال لی ہیں اور تمام جلوسوں اور مجالس کی بھرپور نگرانی کی جارہی ہے۔انہوںنے پولیس کے افسران اور جوانوں کو ہدایت کی کہ وہ چاک و چوبند رہ کر اپنی ڈیوٹی سرانجام دیں، مشکوک افراد پر کڑی نظررکھی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) اسسٹنٹ کمشنر گجرات نورالعین نے سرکلر روڈ گجرات اور جلالپور جٹاں کا دورہ کیا اور یکم محرم الحرام کو برآمد ہونیوالے جلوسوں کے روٹس کا معائنہ کیا، پولیس افسران اور حسینہ ٹرسٹ کے عہدیدار بھی اس موقع پر موجودتھے۔ ڈی سی او لیاقت علی چٹھہ کی ہدایت پر جلوسوں کے روٹس کے معائنہ کے موقع پر اسسٹنٹ کمشنر نے ہدایت کی کہ جلوسوں میں داخل ہونیوالے ہر فرد کی تلاشی یقینی بنائی جائے، ٹی ایم ایز جلوس کے روٹس کی صفائی، لائٹس کے انتظامات کے حوالے سے منتظمین سے قربیی رابطہ رکھیں ۔ انہوںنے منتظمین کو ہدایت کی کہ مجالس اور جلوسوں کو مقررہ وقت کے مطابق اختتام یقینی بنایا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) اسسٹنٹ کمشنر گجرات نورالعین نے کڑیانوالہ کے علاقہ میں چیکنگ کے دوران حفظان صحت کے اصولوں کے مطابق صفائی کا خیال نہ رکھنے اور ملازمین کے ہیلتھ کارڈ نہ بنوانے پر 4بیکرز اور سویٹس شاپس کو سیل کر دیا ہے۔ ڈی سی او لیاقت علی چٹھہ کی ہدایت پر اے سی گجرات نے ٹیم کے ہمراہ راحت بیکرز، النور بیکرز، قادری بیکرز اور گوگا بیکرز اینڈ سویٹس کی اچانک چیکنگ کی جہاں صفائی کا معیار نہایت ناقص تھا اور ملازمین کے پاس ہیلتھ کارڈ بھی موجود نہ تھے جس پر چاروں کو سیل کر دیا گیا۔ ڈی سی او لیاقت علی چٹھہ نے بھرپور کاروائی پر اے سی گجرات اور انکی ٹیم کو سراہا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) شیعہ علما کونسل پنجاب کے صدر علامہ سید سبطین حیدر سبزواری کی سربراہی میںصوبے بھر سے شخصیات پر مشتمل 19۔ رکنی عزاداری کمیٹی تشکیل دے دی گئی ہے، جو محرم الحرام کے دوران مجالس و جلوس ہائے عزا کے حوالے سے معاملات کی نگرانی کرے گی۔یہ کمیٹی بانیان مجالس اور لائسنداران سے رابطہ رکھے گی اور کسی قسم کی ہنگامی صورت حال سے نمٹنے کے لئے اقدامات تجویز کرے گی اور ضلعی انتظامیہ سے مربوط رہے گی۔ مولانا موسیٰ رضا جسکانی راجن پور، مولانا اشتیاق حسین کاظمی گجرات اور مولانا حافظ کاظم رضا نقوی لاہور نائب سربراہ ہوں گے جبکہ علامہ مشتاق حسین ہمدانی راولپنڈی، بابر زمان رحیم یار خان،ملتان سے ایم ایچ نقوی، فضل عباس، بشارت عباس قریشی ، لاہور سے مولانا حسن رضا قمی،مولانا یعقوب رضا حیدری ، پروفیسر ذوالفقار حیدر،انتظا ر عباس نقوی ، جبکہ مولانا احسان علی اتحادی مظفر گڑھ ، حاجی اظہر عباس جھنگ، مولانا محمد شاہ سرگودھا، مولا نا سید عباس رضا نقوی چنیوٹ،الطاف کاظمی گجرات، سید ساجد حسین نقوی ساہیوال سے کمیٹی کے ممبر ہوں گے ۔ علامہ سبطین سبزواری نے ممبران کمیٹی کو ہدایت کی ہے کہ وہ رابطوں میں رہیں۔ اور کسی قسم کی مشکل کی صورت میں صوبائی دفترلاہور اور مرکزی دفتر قائد ملت جعفریہ راولپنڈی میں اطلاع کی جائے۔ انہوں نے کہا کہ جلوس ہائے عزا اور مجالس کے لئے ہر جگہ شیعہ رضا کار کام کریں ۔ہمیں اپنی حفاظت خود کرنی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہو(جی پی آئی) آل پارلیمانی پارٹیز کانفرنس میں پاکستان مسلم لیگ کے نمائندے سینیٹر کامل علی آغا نے کہا ہے کہ مسئلہ کشمیر پر پوری قوم ہمیشہ سے متحد ہے، قومی سلامتی کے تحفظ، بھارتی جارحیت اور مقبوضہ کشمیر میں بھارتی دہشت گردی اور ظلم و تشدد کے خلاف حکومت کے ساتھ ہر قسم کے تعاون کیلئے تیار ہیں لیکن حکومت کو بھی چاہئے کہ وہ مثبت رویہ اختیار کرے۔ انہوں نے کانفرنس سے خطاب اور میڈیا سے گفتگو میں کہا کہ افسوس کہ وزیراعظم نوازشریف اور ان کی حکومت نے مودی جارحیت، بلوچستان و کراچی میں دہشت گردی اور بداَمنی کیلئے بھارتی ریاستی دخل اندازی اور کل بھوشن یادیو کے اعتراف جرم جیسے معاملات پر جنرل اسمبلی میں اور سفارتی سطح پر اپنی قومی ذمہ داریاں پوری نہیں کیں، وزیراعظم نے اقوام متحدہ میں کشمیر میں پاکستان کے دیرینہ مؤقف کا ذکر تو کیا لیکن مشرقی پاکستان کی علیحدگی میں مودی کے اپنے کردار کے اعتراف اور بلوچستان کے علاوہ گلگت و بلتستان کو علیحدہ کرنے کے اعلانات و اقدامات پر خاموش رہے حالانکہ مودی کی یہ باتیں انہیں عالمی دہشت گرد اور امن کا دشمن ثابت کرتی ہیں۔ کامل علی آغا نے کہا کہ بھارتی جارحیت کا بھرپور جواب دینے کیلئے پاکستانی عوام پاک فوج کے ساتھ ہیں۔ انہوں نے حکومت پر زور دیا کہ ملک میں کرپشن کا خاتمہ، پانامہ لیکس پر ایکشن اور سی پیک پر چھوٹے صوبوں، گلگت و بلتستان اور فاٹا کے تحفظات ختم کرنا ضروری ہے ورنہ داخلی انتشار بڑھے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) پاکستان مسلم لیگ(ن) کی رہنما ء و ممبر صوبائی اسمبلی حنا پرویز بٹ نے پاکستانی ٹی وی چینلز اور سینما گھروں میں بھارتی ڈرامے اور فلموں کی نمائش پر فی الفور پابندی لگانے کیلئے پنجاب اسمبلی میں قرارداد جمع کرا دی۔ پیر کے روز جمع کرائی جانیوالی قراراد میں کہا گیا ہے کہ یہ ایوان بھارتی ثقافت کی یلغار سے پاکستانی عوام پر مرتب ہونیوالے منفی اثرات پر اظہار تشویش کرتا ہے اور حکومت پاکستان سے مطالبہ کرتا ہے کہ پاکستانی ٹی وی چینلز اور سینما گھروں میں انڈین ڈراموں اور فلموں کی نمائش پر فی الفور پابندی لگائی جائے اور خلاف ورزی کرنیوالے کیبل آپریٹرز اور ٹی وی چینلز کیخلاف سخت کارروائی کا فیصلہ کرے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نارووال(جی پی آئی) تحریک اویسیہ پاکستان ضلع نارووال، بزم ثنائے حبیب ۖ ضلع نارووال، جمعیت علمائے پاکستان ضلع نارووال، بزم رضائے محمد ۖ ضلع نارووال اور عالمی تنظیم اہلسنت تحصیل نارووال نے 20محافل پیغام امام حسین رضی اللہ عنہ کا شیدول جاری کردیا ۔جس میںنواسۂ رسول جگر گوشۂ بتول حضرت سیدنا امام عالی مقام امام حسین رضی اللہ عنہ اور ان کے تمام ساتھی جنہوں نے میدان کربلا میں اور اسلام کی خاطر اپنی جانوں کو نذرانہ پیش کیا ان کی خدمات کو خراج عقیدت پیش کیا جائے گااور مجاہد ختم نبوت ،امام انقلاب،قائد ملت اسلامیہ،حضرت علامہ امام الشاہ احمد نورانی الصدیقی رحمة اللہ علیہ،بدرالمشائخ پیر سائیں محمد اسلم اویسی کو خراج تحسین پیش کیا جائے گا۔ تفصیلات کے مطابق مختلف تنظیمات اہلسنت کے زیر اہتمام ضلع نارووال بالخصوصی اور پورے ملک میں بالعموم 20محافل پیغام امام حسین رضی اللہ عنہ منعقد کی جائینگی جو کہ جن کا آغاز اکتوبر بعد نماز مغرب جامع مسجد رحمة اللعالمین سیالکوٹ،2اکتوبر 11بجے دن نٹلاہ نزد چک امرو شکر گڑھ،2محرم بعد نماز عشاء جامع مسجد چندیانوالی ،3محرم جامع مسجد نور الاسلام مدینہ کالونی بجلی گھر نارووال(ڈاکٹر محمد لیاقت)،5محرم بعد نماز عشاء رسولنگر روڈ علی پور چٹھہ گوجرانوالہ،7محرم بوقت 10بجے دن جامع السیدہ فاطمة الزہراء چوک رنسینوال،9محرم بعد نماز عشاء آستانہ عالیہ نقشبندیہ مصطفویہ منجی توڑ،9محرم بعدنماز عشاء مرکزی جامع مسجد حنفیہ رضویہ سرائے عالمگیر گجرات،8محرم بعد نماز عشاء جامع مسجد عثمانیہ فیصل کالونی مریدکے ،10محرم بعد نماز فجر جامع مسجد رحمانیہ محلہ رحمان پورہ نارووال ،10محرم جامع مسجد شمیروا ہنڈو،10محرم بعد نماز عشاء جامع مسجد سبزی منڈی گوجرانوالہ ،11محرم بعد نماز عشاء جامع مسجد گلزار مدینہ کھرل ،12محرم بعد نماز عشاء جامع مسجد مدنی رعیہ خاص ،13محرم جامع اویسیہ تعلیم القرآن کلاس گورایہ ،14محرم جامع مسجد گلزار مدینہ مندرانوالہ ،15محرم بعد نماز عشاء جامع مسجد دُلم،15محرم بعد نماز عشاء مرکزی جامع مسجد میانوالی بنگلہ،16محرم بعد نماز عشاء جامع مسجد غوثیہ آستانہ عالیہ قادریہ چیلے والی اور 26محرم بعد نماز مغرب جامعہ اویسیہ کنزالایمان نارووال جو بظل عنایت قائد ملت اسلامیہ علامہ ابو الخیر محمد زبیر الوری مرکزی صدر جمعیت علمائے پاکستان و سربراہ ملہی یکجہتی کونسل،جانشین حضور بدرالمشائخ پیر سائیں غلام رسول اویسی مرکزی امیر تحریک اویسیہ پاکستان و سجادہ نشین دربار عالیہ اویسیہ علی پور چٹھہ شریف کی نگاہ کرم ہو گی جبکہ خصوصی خطاب عظیم مذہبی سکالر علامہ پیر محمد تبسم بشیر اویسی سجادہ نشین مرکز اویسیاں نارووال و مرکزی ناظم اعلیٰ تحریک اویسیہ پاکستان ، چوہدری محمد یعقوب اویسی ایڈووکیٹ جنرل سیکرٹری جمعیت علمائے پاکستان ضلع نارووال، علامہ پیر سید محمد واجد شاہ گیلانی مرکزی راہنما جمعیت علمائے پاکستان ، علامہ سید منظور حسین گیلانی ضلعی صدر جمعیت علمائے پاکستان نارووال،علامہ قاری محمد ارشد اویسی ناظم تحریک اویسیہ پاکستان نارووال، علامہ مفتی محمد عارف علی نقشبندی نائب صدر اول JUPنارووال، علامہ محمد اعظم عطاری امیر عالمی تنظیم اہلسنت تحصیل نارووال، علامہ قاری ممتاز احمد ضیاء رکن مجلس شوریٰ جمعیت علمائے پاکستان ضلع نارووال ،علامہ غلام غوث نقشبندی، علامہ قاری خالد محمود نقیبی، علامہ حافظ محمد عرفان اسلام اویسی صدر بزم رضائے محمد ۖ ضلع نارووال ،حافظ سیف الرحمن اویسی اور علامہ قاری عمر فاروق مجددی خطابات کریں گے ۔جبکہ ملک کے عظیم ثناء خواں محمد سجاد اویسی Ptv,Qtv،محمد عاصم بشیر اویسی،محمد محسن اویسی اور صاحبزادہ علی احمد اویسی نذرانہ عقیدت پیش کریں گے ۔تمام محافل میں پیغام امن و محبت کو عام کیا جائیگا اور ملک و ملت کی سلامتی اور امن استحکام کیلئے خصوصی دعا کی جائیگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا(جی پی آئی) سرگودھا اور گردونواح میں بجلی کی غیر اعلانیہ لوڈ شیڈنگ میں 3 سے 5 گھنٹے کا اضافہ کردیا گیا ہے رات کے اوقات میں وقفہ وقفہ سے بجلی کی بندش نے لوگوں کی نیندیں حرام کرکے رکھ دیں جبکہ دن کے اوقات میں بجلی کی بندش کے باعث لوگوں کے کاروبار تباہ ہوکر رہ گئے ہیں سرگودھا کے شہریوں کا کہنا ہے کہ حکومت اپنے وعدوں کے مطابق تین سال میں بھی بجلی کی بندش کا خاتمہ کرنے میں ناکام رہی ہے لوگوں کا کہنا ہے کہ حکمران اپنی کمیشنوں کے چکر میں میٹرو اور اورنج ٹرینوں پر توجہ دے رہے ہیں اگر یہی رقم توانائی کے منصوبوں کو بہتر بنانے اور سڑکوں کی بحالی پر خرچ کی جاتی تو آج سرگودھا سمیت ملک بھر کے شہر اور عوام خوشحال ہوتے دوسری طرف واپڈا حکام کا کہنا ہے کہ مختلف کمپنیوں نے واپڈا کے اربوں روپے کے واجبات ادا کرنے ہیں واپڈا کو ادائیگی نہ ہونے کی وجہ سے پٹرولیم مصنوعات کی کمپنیوں کو ادائیگی نہ ہونے سے تیل روک لیا گیا ہے جس کی وجہ سے بجلی کی بندش میں غیر اعلانیہ اضافہ کیا گیا ہے حکمرانوں کو چاہیئے کہ وہ واپڈا کے واجبات ادا کرنے کیساتھ ساتھ تیل کمپنیوں کے بل ادا کریں تاکہ قوم کو بجلی کی وافر مقدار میں فراہمی یقینی ہوسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا(جی پی آئی) محرم الحرام کے موقع پر صوبائی محکمے 4 جبکہ وفاقی محکمے 5 چھٹیاں کرینگے بدھ 12 اکتوبر کو عاشورہ ہے عموماً امن و امان کی صورتحال کو برقرار رکھنے کیلئے ملک بھر میں تعلیمی ادارے’ کاروباری مراکز’ مارکیٹیں 10-9-8 کو بند رہتی ہیں ہفتہ اور اتوار کو وفاقی حکومت کی تعطیلات ہوتی ہیں جبکہ پیر ‘ منگل’ بدھ 10-9-8 محرم کو سرکار کی جانب سے تین چھٹیوں کا اعلان متوقع ہے اس طرح صوبائی محکمے اتوار’ سوموار’ منگل اور بدھ کو چھٹیاں کرینگے جبکہ وفاق کے تحت چلنے والے محکمے ہفتہ’ اتوار’ سوموار’ منگل’ بدھ کو تعطیلات منائینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا(جی پی آئی) کمپنی باغ سرگودھا کو مکمل تفریح گاہ بنانے کیلئے محکمہ پارکس اینڈ ہارٹیکلچر اتھارٹی نے فنڈز ریلیز ہونے پر کمپنی باغ کو خوبصورت بنانے کا کام تیز کردیا ہے پلاٹوں کو گراسی بنانے کیلئے نئی مٹی ڈالی جارہی ہے جبکہ کمپنی باغ میں شہریوں کے بیٹھنے کیلئے خوبصورت بینچ’ کنوپیاں لگائی جارہی ہیں جبکہ سڑکوں کی تعمیر کیلئے بھی فنڈز کا حصول ممکن بنایا جارہا ہے ذرائع کا کہنا ہے کہ کمپنی باغ کو مکمل تفریح گاہ بنانے کیلئے مزید فنڈز اور عملہ تعینات کیا جائیگا تفریح گاہ میں داخلہ کیلئے ٹکٹ لگانے کی تجویز بھی زیر غور ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) مراد رسولۖ حضرت عمر فاروق کی منبح کمالات و صفات ہستی کے کیا کہنے’ باقی تمام صحابہ اسلام کی آغوش میں اپنی مرضی سے آئے لیکن حضرت عمر فاروق کو نبی پاکۖ نے دامن پھیلا کر اللہ تعالیٰ سے مانگا اس لئے انہیں مراد رسولۖ کہا جاتا ہے اور آپ کے اسلام قبول کرنے کے بعد مکہ میں پہلی بار کھلے عام دعوت اسلام دی گئی یہی وجہ ہے کہ حضرت عمر فاروق کے بارے میں نبی پاکۖ نے ارشاد فرمایا کہ میرے بعد کوئی نبی ہوتا تو وہ حضرت عمر فاروق ہوتے ان خیالات کا اظہار جامع مسجد دلباغ میں حضرت عمر فاروق کی شہادت کے حوالہ سے خطاب کرتے ہوئے قاری مولانا سرفراز ‘ حاجی شاہین احسان اور دیگر نے کیا انہوں نے کہا کہ حضرت عمر فاروق کے اسلام لانے پر صحابہ کو اس قدر خوشی ہوئی اور خود نبی پاکۖ نے ان کے اسلام کرنے پر بلند آواز میں نعرہ تکبیر لگایا’ آپ پہلے مسلمان ہیں جن کے اسلام قبول کرنے کی خوشی میں نعرے لگائے گئے آپ کے اسلام لانے کی خبر جب کفار کو پہنچی تو ان کی صفوں میں خوف کی لہر دوڑ گئی آپ نے اپنے دور خلافت میں 22 ہزار مربع میل کے علاقہ میں اسلام کی حکومت قائم کی اور آپ کے بارے میں ہی کہا گیا ہے کہ حضرت عمر فاروق کی زبان سے نکلا ہوا ہر لفظ حق اور سچ پر مبنی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا(جی پی آئی) بلدیہ سرگودھا کے عملہ نے لاکھوں روپے ماہانہ خرچ کرنے کے باوجود کوڑا کرکٹ کو اٹھانے کی بجائے آگ لگا کر اسے تلف کرنا شروع کردیا ہے جس کی وجہ سے ماحولیاتی آلودگی میں اضافہ ہورہا ہے شہریوں کا کہنا ہے کہ کوڑا کرکٹ کو آگ لگانے سے دمے کی بیماری فروغ پارہی ہے بلدیہ سرگودھا کے عملہ کو کوڑا کرکٹ اٹھانے کیلئے ٹرالیاں’ ڈمپر لوڈر اور عملہ دیا گیا ہے کہ مگر عملہ کی اکثریت کوڑا کرکٹ اٹھانے کی بجائے کوڑا کرکٹ کو آگ لگا کر شہریوں کیلئے مشکلات پیدا کررہی ہے شہریوں کا کہنا ہے کہ حکومت فوری طور پر اس کا نوٹس لے اور کوڑا کرکٹ کو آگ لگانے والے سینٹری ورکرز کیخلاف فوری کاروائی عمل میں لائی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) محرم کے مہینہ میں شہر بھر میں سکیورٹی کے فول پروف انتظامات کئے گئے ہیں پولیس ملازمین کی چھٹیاں منسوخ کردی گئی ہیں مجالس اور جلوسوں والے راستوں کی حفاظت اور عزاء داروں کی حفاظت کیلئے سکیورٹی کے انتظامات مزید سخت کرتے ہوئے مجالس اور جلوسوں کے منتظمین سے بھی کہا گیا ہے کہ وہ غیر متعلقہ افراد پر کڑی نظر رکھیں اور جلوسوں کے دوران انتظامیہ سے تعاون کریں تاکہ کسی بھی ناخوشگوار واقعہ سے بچا جاسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) وزارت داخلہ نے محرم الحرام کے موقع پر بغیر اجازت عزاء داروں میں لنگر و نیاز کی تقسیم پر پابندی کے فیصلے پر سختی سے عملدرآمد کرنے کیلئے تمام اضلاع کی انتظامیہ کو ہدایات جاری کردی ہیں اور اس سلسلہ میں جلوس’ مجالس کے منتظمین سے کہا گیا ہے کہ وہ کسی بھی غیر متعلقہ شخص کو نیاز اور لنگر وغیرہ تقسیم کرنے نہ دیں اور اس کے علاوہ کوئی بھی شخص لنگر یا نیاز جلوس یا مجالس میں تقسیم کرنے کیلئے لائے تو اس کی مکمل چھان بین کی جائے اور چیکنگ کرنے کے بعد لنگر اور نیاز کو تقسیم کرنے دیا جائے تاکہ کسی بھی ناخوشگوار واقعہ سے بچا جاسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا(جی پی آئی) مودی کی وجہ سے بھارت خود ٹکڑے ٹکڑے ہوجائیگا قیادت دلیر ہوتی تو بھارتی وزیر اعظم اسطرح للکار نہ پاتے ضرورت اس امر کی ہے کہ پوری قوم کشمیر کی آزادی کیلئے متحد ہوجائے اور بھارت سے آزادی چھین کر کشمیر کے لوگوں کو دے حکمرانوں کی ناقص پالیسیوں کی وجہ سے امریکہ بھارت کی طرف جھکائو رکھے ہوئے ہے اقوام متحدہ سمیت کسی بھی ادارے کو کشمیر میں مظالم نظر نہیں آرہے ان خیالات کا اظہار سینئر راہنما پاکستان تحریک انصاف الحاج ممتاز اختر کاہلوں نے کیا انہوں نے کہا کہ پاک بھارت مذاکرات کیلئے حکمران جس طرح بھیک مانگ رہے ہیں وہ کسی طرح بھی درست نہیں ہے اب وقت آگیا ہے کہ حکمرانوں کو مودی کی دوستی یا پھر پاکستان کا انتخاب کرنا ہوگا الحاج ممتاز اختر کاہلوں نے کہا کہ اقوام متحدہ کا سنہری موقع وزیر اعظم نے کلبھوشن کا مسئلہ نہ اٹھا کر ضائع کیا ہے جس کا جواب پوری قوم نواز شریف سے مانگتی ہے الحاج ممتاز اختر کاہلوں نے کہا کہ اب وقت ہے کہ عوام اپنے مستقبل کا فیصلہ کرے اور دیکھے کہ ملک و قوم کیساتھ کون مخلص ہے اور کس نے پاکستانی قوم کو مقروض بناکر رکھ دیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) واپڈا کی کمپنیوں نے محرم الحرام کے موقع کی نزاکت کا فائدہ اٹھاتے ہوئے رات کے اوقات میں بجلی کی لوڈ شیڈنگ میں اضافہ کردیا ہے تاکہ اپنے بلوں کی ریکوری کو بہانہ بناکر وصول کیا جاسکے ذرائع کا کہنا ہے کہ مختلف کمپنیوں نے واجبات کی ادائیگی نہ ہونے پر بجلی کی سپلائی معطل کردی ہے جس کی وجہ سے بجلی کا شارٹ فال 5 ہزار سے بڑھ گیا ہے اور رات کے اوقات میں 6 سے 7 گھنٹے شہری جبکہ 8 سے 10 گھنٹوں تک دیہی علاقوں میں بجلی بند کی جارہی ہے محرم الحرام کے دنوں میں بجلی کی رات کے اوقات میں بندش خطرناک ثابت ہوسکتی ہے اس لئے حکومت کو چاہیئے کہ وہ فوری طور پر بجلی کی رات کے اوقات میں فراہمی کو یقینی بنانے کیلئے اقدامات کرے عزاء داران کونسل کے عہدیداران سید طاہر کرمانی سمیت دیگر نے حکومت سے مطالبہ کیا ہے کہ وہ رات کے اوقات میں بجلی کی لوڈ شیڈنگ 12 محرم تک نہ ہونے دیں تاکہ امن و امان کی صورتحال برقرار رہے اور کسی بھی ناخوشگوار واقعہ سے بچنے میں مدد مل سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا(جی پی آئی) نیب اور اینٹی کرپشن سمیت مختلف محکموں نے سرکاری اداروں کی انتظامی سیٹوں پر تعینات افسران کے کھاتے کھولنا شروع کردیئے ہیں ذرائع کے مطابق مختلف محکموں کی پرچیز کمیٹیوں اور مختلف اداروں کے انتظامی افسران کی جانب سے مختلف مد میں کروڑوں کی کرپشن کے انکشافات کے بعد محکمہ نیب اور اینٹی کرپشن نے مختلف افسران کیخلاف انکوائریاں شروع کردی ہیں ذرائع کا کہنا ہے کہ اگر ان افسران کیخلاف کرپشن کے الزامات ثابت ہوئے اور اختیارات کے ناجائز استعمال کے ثبوت پائے گئے تو ان کیخلاف پیڈا ایکٹ کے تحت کاروائی عمل میں لائی جائیگی ذرائع کا کہنا ہے کہ مختلف محکموں کی جانب سے خریداری اور دیگر پروگراموں میں کروڑوں کے گھپلے کئے گئے ہیں جن کی تحقیقات کی جارہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سرگودھا کے ارکان اسمبلی کے شاہانہ ٹھاٹھ شہر کو لاوارث چھوڑ دیا گیا ارکان اسمبلی کی نااہلی کے باعث شہر کی 22 یونین کونسلز گندگی اور سیوریج کی وجہ سے جوہڑوں کا منظر پیش کررہی ہیں خود ارکان اسمبلی اور منتخب بلدیاتی نمائندوں کے گھروں کے سامنے سیوریج کا پانی کھڑا ہے بلدیہ سرگودھا کا عملہ سینٹری شہر بھر میں صفائی کا نظام بہتر بنانے میں مکمل طور پر ناکام نظر آرہا ہے جس کی وجہ سے شہریوں میں عوامی نمائندوں کیخلاف نفرت بڑھتی جارہی ہے ارکان اسمبلی اپنے گھروں اور اسمبلی کے اجلاسوں تک محدود ہوکر رہ گئے ہیں اور شہریوں کا سامنا کرنے سے کترانے لگے ہیں جبکہ افسران بھی شہر پر کسی قسم کی توجہ دینے کیلئے تیار نظر نہیں آرہے شہریوں کا کہنا ہے کہ اگر یہی صورتحال برقرار رہی تو آنیوالے دنوں میں پاکستان مسلم لیگ ن سرگودھا سے کوئی بھی انتخاب نہیں جیت سکے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) افغانستان کی سرحدیں مکمل طور پر سیل کئے گئے بغیر پاکستان میں امن قائم نہیں ہوسکتا بھارت پاکستان میں امن کی خرابی کیلئے افغانستان کو استعمال کرتا ہے اور افغانستان بھی ہمارے دشمن کیساتھ کھڑا ہے اس لئے پاکستانی حکومت کو افغانستان کے بارے میں اپنی پالیسی بدلنا ہوگی اور پاکستان میں رہنے والے افغانیوں کو ان کے ملک میں بھجوانا ہوگا ان خیالات کا اظہار میئر شپ کے امیدوار مرزا الیاس بیگ نے اپنے ایک بیان میں کیا انہوں نے کہا کہ افغانی ہمارا کھاتے ہیں اور ہم پر ہی غُراتے ہیں اس لئے افغانیوں کو ملک بدر کرکے ویزہ پالیسی نافذ کی جائے اور جو افغانی پاکستان میں رہائش پذیر ہیں انہیں فوری طور پر ان کے ملک بھجوایا جائے اور آئندہ کیلئے کسی بھی افغانی کو پاکستان میں نہ رہنے دیا جائے افغانیوں نے ہمیشہ پاکستان کی پیٹھ میں چھرا گھونپا ہے اب وقت آگیا ہے کہ محرم الحرام میں قیام امن کیلئے تمام افغانیوں کو ملک بدر کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا(جی پی آئی) گزشتہ مالی سال کے دوران ایمنسٹی سکیم اور دیگر ذرائع کے ذریعے ٹیکس دہندگان میں اضافے کی کوششیں بری طرح ناکام ہوچکی ہیں مالی سال 2015-16ء کے دوران صرف 13 ہزار نئے ٹیکس دہندگان کو رجسٹرڈ کیا جاسکے موجودہ کالے دھن کو سفید بنانے کیلئے شروع کی جانیوالی ٹیکس ایمنسٹی سکیم بری طرح ناکام ہوچکی ہے ان خیالات کا اظہار آل پاکستان سمال ٹریڈرز بزنس فورم کے مرکزی وائس چیئرمین شاہین احسان مغل نے کیا انہوں نے کہا کہ ایمنسٹی سکیم سے تاجروں نے کوئی فائدہ اٹھانے کی کوشش نہیں کی اگر حکومت تاجروں کی مشاورت سے کوئی بھی سکیم شروع کرے تو اس سے فائدہ ہوگا تین برسوں کے دوران امریکی ڈالر کے مقابلے میں روپے کی قیمت میں کمی رہی اب سی پیک منصوبے سے بہتری کی ایک امید پیدا ہوئی ہے پاک فوج کو چاہیئے کہ وہ سی پیک منصوبے کو پایہ تکمیل تک پہنچانے کیلئے اپنا کردار ادا کرے شاہین احسان مغل نے کہا کہ آئینی اور قانونی طاقت سے دہشتگردی کو ختم کرکے معاشی سرگرمیوں کو فروغ دیا جاسکتا ہے اور امن ہی وہ واحد چیز ہے جس سے بیرونی سرمایہ کاروں کو پاکستان میں سرمایہ کاری کی طرف راغب کیا جاسکتا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سکولوں میں سیفٹی پروگرام کے تحت سکیورٹی کے فول پروف انتظامات یقینی بنانے کیلئے تمام اضلاع کے ڈسٹرکٹ ایجوکیشن افسران کو ہدایات جاری کردی گئی ہی کہ وہ سکولوں میں سکیورٹی کے انتظامات کو خود جائزہ لیں اور غفلت کے مرتکب سربراہان کیخلاف فوری کاروائی عمل میں لائیں ذرائع کے مطابق حکومت نے تمام تعلیمی اداروں کے سربراہوں کو ہدایت کی ہے کہ وہ چھٹی کے اوقات میں بچوں کو ایک وقت میں سکول سے نکالنے کی بجائے کلاسوں کی بنیاد پر نکالے تاکہ کسی بھی ناخوشگوار واقعہ سے بچا جاسکے ذرائع کے مطابق ملک دشمن عناصر زیادہ بچوں کو دیکھ کر کوئی تخریبی کاروائی کرسکتے ہیں اس لئے سکولوں میں بچوں کو مرحلہ وار نکالنے کی ہدایت کی گئی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فیصل آباد(جی پی آئی) ملت اسلامیہ کے مسائل کے خلافت راشدہ کے نظام سے حل ہوں گے۔ سیدنا فاروق اعظم ریاست مدینہ جو قوانین وضع کئے آج بھی پوری دنیاکیلئے مشعل راہ ہیں۔انسانی حقوق کا جو درس ریاست مدینہ نے دیا وہ دنیا کا کوئی اور نظام نہیں دے سکا۔سیدنا فاروق اعظم جیسے حکمران کیلئے عوام کو بھی صحابہ کرام اور اہلبیت کے نقش قدم پر چلنا ہوگا۔پاکستان علماء کونسل یکم محرم سے دس محرم الحرام تک ”عشرہ فاروق و حسین ” کے طور پر منارہی ہے۔ اس عشرہ میں سیدنا فاروق اعظم اور سیدنا امام حسین کے فضائل و مناقب بیان کئے جائیں گے۔ان خیالات کا اظہار پاکستان علماء کونسل کے زیر اہتمام جامعہ قاسمیہ میں ”سیدنافاروق اعظم سیمینار”پاکستان علماء کونسل کے مرکزی سیکرٹری جنرل صاحبزادہ زاہد محمود قاسمی،پیر جی خالد محمود قاسمی ،حافظ محمد امجد،مولانا محمد نواس ،مولانا اعظم فاروق،مولانا حبیب الرحمن،قاری عصمت اللہ معاویہ ودیگر نے خطاب کرتے ہوئے کیا۔صاحبزادہ زاہد محمود قاسمی نے اپنے خطاب میں کہا کہ سیدنا فاروق اعظم نے اپنے دور خلافت میں غیر مسلموں ،خواتین ،غرباء اور فقراء کیلئے جو قوانین وضع کئے وہ آج بھی امت مسلمہ کیلئے مشعل راہ ہیں۔غیر مسلموں کے حقوق کا تحفظ جس طرح سیدنا فاروق اعظم کے دور میں کیا گیا وہ آج دنیا کیلئے مثال ہے۔ انہوں نے کہا کہ جب تک حکمران عوام کا اس طرح خیال نہیں رکھیں گے جس طرح سیدنا فاروق اعظم نے اپنی عوام کا رکھا تو اس وقت تک عوام کے مسائل حل نہیں ہوں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) ملت اسلامیہ کے مسائل کے خلافت راشدہ کے نظام سے حل ہوں گے۔ سیدنا فاروق اعظم ریاست مدینہ جو قوانین وضع کئے آج بھی پوری دنیاکیلئے مشعل راہ ہیں۔انسانی حقوق کا جو درس ریاست مدینہ نے دیا وہ دنیا کا کوئی اور نظام نہیں دے سکا۔سیدنا فاروق اعظم جیسے حکمران کیلئے عوام کو بھی صحابہ کرام اور اہلبیت کے نقش قدم پر چلنا ہوگا۔ یہ بات پاکستان علماء کونسل کے زیر اہتمام ملک بھر میں ”یوم فاروق اعظم ”کے مو قع پر خطاب کرتے ہوئے مقررین نے کہی۔ پاکستان علماء کونسل کے مرکزی چیئرمین حافظ محمد طاہر محمود اشرفی ،مرکزی سیکرٹری جنرل صاحبزادہ زاہد محمود قاسمی،مولانا ایوب صفدر، مولانا عبدا لکریم ندیم،مولانا عبد الحمید وٹو، مولانا اسد اللہ فاروق،حافظ محمد امجد،مفتی وحید احمد سواتی، مولانا اسعد زکریا،علامہ شبیر احمد عثمانی ،مولانا عبد الحمید صابری،مولانا انوار الحق مجاہد ودیگر نے مختلف شہروں میں اجتماعات سے خطاب کرتے ہوئے کہی۔ انہوں نے کہا کہ سیدنا فاروق اعظم نے اپنے دور خلافت میں غیر مسلموں ،خواتین ،غرباء اور فقراء کیلئے جو قوانین وضع کئے وہ آج بھی امت مسلمہ کیلئے مشعل راہ ہیں۔غیر مسلموں کے حقوق کا تحفظ جس طرح سیدنا فاروق اعظم کے دور میں کیا گیا وہ آج دنیا کیلئے مثال ہے۔ انہوں نے کہا کہ جب تک حکمران عوام کا اس طرح خیال نہیں رکھیں گے جس طرح سیدنا فاروق اعظم نے اپنی عوام کا رکھا تو اس وقت تک عوام کے مسائل حل نہیں ہوں گے۔ انہوں نے کہا کہ پاکستان علماء کونسل یکم محرم سے دس محرم الحرام تک ”عشرہ فاروق و حسین ” کے طور پر منارہی ہے۔ اس عشرہ میں سیدنا فاروق اعظم اور سیدنا امام حسین کے فضائل و مناقب بیان کئے جائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) قائد ملت جعفریہ پاکستان اور اسلامی تحریک کے سربراہ علامہ سید ساجد علی نقوی نے کہا ہے کہ نواسہ رسول ۖ حضر ت امام حسین علیہ السلام نے شہادت کے درجے پر فائز ہوکر اسلام اور انسانیت کی بقاء کا انتظام فرمادیا، آپ کی جدوجہد اور مشن کا مرکزی نکتہ امر بالمعروف اور نہی عن المنکر، دین محمدی ۖ کو یذیدی فکر اور نظام سے محفوظ رکھنا تھا۔ محرم الحرام کی آمد سے قبل سنسنی خیزی اور ایام عزا میں کرفیوکا عالم افسوسناک ہے۔ عزاداری اور محرم کو خوف’ جنگ اور بدامنی کی علامت بنانا سرکاری سطح پر محرم کے تقدس کی پامالی کے مترادف ہے ۔پیغام محرم الحرام میں انہوںنے کہا کہ امام حسین علیہ السلام نے مدینہ سے مکہ اور مکہ سے کربلا کے سفر کے دوران متعدد خطبات میں اپنے قیام کے مقاصد پر روشنی ڈالی تاکہ دنیائے انسانیت اس غلط فہمی میں نہ رہے کہ امام عالی مقام اپنی ذاتی خواہشات یا خاندانی مفادات کے لئے برسرپیکارہیں، بلکہ دین اسلام’ انسانی اقدار اور عوامی حقوق کے تحفظ کے لئے سرگرم عمل اور پرعزم ہیں۔ علامہ ساجد نقوی نے کہا کہ امام حسین کی جدوجہد فقط اسلام یا مسلمین کے لئے نہیں بلکہ بلاتفریق مذہب و مسلک پوری انسانیت کے لئے تھی،یہی وجہ ہے کہ آج زمانہ سید الشہدا کو محسن انسانیت کے نام سے یاد کرتا ہے۔ انہوں نے کہا کہ ماہ محرم الحرام ہمیں سید الشہداء حضرت امام حسین علیہ السلام اور شہدائے کربلا کی شہادت کے ساتھ ساتھ ان کے مشن اور جدوجہد کی طرف متوجہ کرتا ہے۔ ان کا کہنا تھاکہ عزاداری سید الشہداء واقعات کربلا کے ذکر اور شہدائے کربلا کی جدوجہد کو تازہ کرنے کا ایک ذریعہ ہے۔قائد ملت جعفریہ نے کہا کہ قیام پاکستان سے ہمارے ہاں عزاداری سید الشہداء کا سلسلہ جاری ہے لیکن گذشتہ کئی سالوں سے محرم الحرام کی آمد سے قبل ہی ملک میں سنسنی خیزی پیدا کردی جاتی ہے ۔ ایام عزا میں کرفیوکا عالم پیداکردیا جاتا ہے’ سنگینوں کے سائے تلے عزاداری کے پروگراموں کا انعقاد ہوتا ہے’ روایتی مجالس عزا اور جلوس ہائے عزاداری پر قدغن لگانے کی سازشیں’ بانیان مجالس کو بلاجواز تنگ کرنا اور مقررین ‘ علماء و ذاکرین اور واعظین کی زباں بندی جیسے غیر قانونی اقدامات سے ایسا ماحول پیدا کردیا جاتا ہے کہ عزاداری اور محرم ایک خوف’ جنگ اور بدامنی کی علامت بنادیا گیا ہے اس طرح سرکاری سطح پر محرم کے تقدس کی پامالی ہوتی ہے۔انہوں نے زوردیا کہ حکمرانوں پاکستان کے ہر شہری کو شہدائے کربلا کے حضور خراج عقیدت پیش کرنے کابلا خوف موقع فراہم کریں۔ البتہ یہ بات طے ہے کہ عزاداری سید الشہداء کے انعقاد کے لئے لائسنس’ اجازت نامے’ روٹ پرمٹ اور ان جیسی دیگر بلاجواز پابندیوں سے عوام کے حقوق اور شہری آزادیوں کی نفی ہوتی ہے، اس لئے انہیں ختم کیا جانا چاہیے۔اسلامی تحریک کے سربراہ نے کہا کہ ایام محرم الحرام کے دوران تمام مسالک کے علماء ‘ خطباء ‘ مقررین’ ذاکرین ‘ رہنمائوں اور جماعتوں کا فرض ہے کہ وہ وحدت امت کی فضا کو قائم رکھیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شکر گڑھ(جی پی آئی) حضرت سیدنا عمر فاروق رضی اللہ عنہ کا دور حکمرانی تاحشر حکمرانوں کیلئے مشعل راہ ہے۔ خلیفۂ دوئم سیدنا عمر فاروق اعظم رضی اللہ عنہ چراغ امت اور مصلحِ دین تھے ۔ذات ِحضرت عمر فاروق رضی اللہ عنہ پرعدل وانصاف تاقیامت نازاں رہے گا۔سیدنا فاروق ِ اعظم رضی اللہ عنہ اسلام کا عظیم سرمایہ ء افتخار تھے۔ نظریہ ء فاروق ِ اعظم رضی ا للہ عنہ کے مطابق گستاخ ِ رسول صلی اللہ علیہ و آلہ وسلم واجب القتل ہے۔ تائید ِ سیدنا عمرفاروق رضی اللہ عنہ میں قرآن حکیم میں 22احکامات موجود ہیں۔ مراد ِ رسول سیدنا عمر فاروق رضی اللہ عنہ نے قیامت تک آنے والے حکمرانوں کیلئے اصولِ حکمرانی وضع کر دیئے ہیں۔ تاجدار ِ کائنات صلی اللہ علیہ وآلہ وسلم کا فرمان ِ عالی شان ہے کہ سیدناحضرت عمر فاروق رضی اللہ عنہ جنت کے چراغ ہیں ۔ سرور ِ کائنات صلی اللہ علیہ وآلہ وسلم نے فرمایا کہ میرے بعد اگر نبوت کا دروازہ بند نہ ہوتا تو عمر فاروق رضی اللہ عنہ نبوت کے عظیم منصب پر فائز ہوتے ۔ محکمہ پولیس، محکمہ ڈاک، محکمہ شاہرات کا قیام نیزروٹی ،کپڑا، مکان ریاست کے ہر فرد کیلئے ضروری اورفوری عدل وانصاف سیدنا عمر فاروق کی اولین اصلاحات میں شامل تھا ۔اِن خیالات کا اظہار معروف مذہبی سکالر مرکزی ناظم اعلیٰ تحریک اویسیہ پاکستان علامہ پیر محمد تبسم بشیر اویسی نے نٹلاہ نزد چک امرو شکر گڑھ میں چوہدری عبد الغفور ،چوہدری محمد اشرف اور چوہدری محمد یعقوب کی والدہ کے ایصال ثواب کیلئے منعقدہ محفل پاک سے خطاب کرتے ہوئے کیا ۔ انہوں نے کہا کہ بطور ِ حکمران عوام کے سامنے جوابدہ ہونا صداقت فاروق ِ اعظم رضی اللہ عنہ کا عظیم باب ہے آپ رضی اللہ عنہ جس راستے سے گذرتے شیطان راستہ چھوڑ دیتا آپ رضی اللہ عنہ نے اپنے دور ِ خلافت میں جرائم کو جڑ سے اُکھاڑ دیا تھا انہوں نے کہا سیدنا فاروق اعظم رضی اللہ عنہ و شہید اعظم علیہ السلام نے ہمیں قوم کا اصلا ح اور فلاح کا درس دیا ۔ اس موقعہ پر،علامہ محمد لقمان اویسی، علامہ قاری شیر محمد ،علامہ محمد مبارک، علامہ قاری محمد نوید ،علامہ محمد یونس، علامہ محمد افضل ،محمد عاصم بشیر اویسی، محمد محسن اویسی اور دیگر نے بھی خطاب و ہدیہ نعت پیش کیا ۔محفل پاک میں چوہدری محمد اصغر سمیت دیگر معززین علاقہ نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی (جی پی آئی) پی ٹی آئی سندھ کے سینئر نائب صدر حلیم عادل شیخ نے کہاہے کہ بھارت کا کشمیر پر قبضہ ناجائز ہے اور وہاں ہونے والے مظالم انسانی حقوق کی خلاف ورزی ہیں ،ہماری پاک فوج بھارت کے جنگی جنون کا بھوت ان کے سر سے پانچ منٹ میں اتارسکتی ہے ،ہم کسی بھی بھارتی جارحیت کا مقابلہ کرنے کے لیے فوج کے ساتھ ہیں۔ان خیالات کا اظہار انہوں نے عادل ہائوس کراچی سے جاری بیان میں کیا۔انہوں نے کہاکہ پاک فوج نے بھارتی دھمکیوں کا نوٹس درست انداز میں لیا،بھارت کی ہٹ دھرمیوں کا جواب افواج پاکستان نے قوم کی سوچ سے بڑھ کر دیاہے ،بھار تی میڈیا کو وزیراعظم کے بیان سے زیادہ عمران خان کے بیان پر زیادہ آگ لگی ،اب جبکہ بھارت کے اڑی حملے سمیت دیگر الزامات کا بھانڈہ پھوٹ چکاہے اس کے باجود بھارت کی خواہش ہے کہ دنیا کی نظریں کشمیر پر قبضے اور وہاں پر کیئے جانے والے مظالم سے ہٹ جائے ۔حلیم عادل شیخ نے کہا کہ بھارت کو یہ بات سمجھنا ہوگی کہ جنگ کسی مسئلے کا حل نہیں ہے ،انہوں نے کہاکہ پاکستان کو جس قدربیرونی خطرات ہیںاندرونی طورپر اتنا ہی حکمرانوں سے بھی خطرہ ہے ۔موجودہ حکومت اور گزشتہ ادوار میں کسی بھی حکومت نے مقبوضہ کشمیر کے لیے سنجیدگی سے اقدامات نہیں کیئے یہ ہی وجہ ہے کہ اس وقت کشمیری مسلمانوں پر جبر کا دائرہ مسلسل بڑھ رہاہے ،انہوں نے کہاکہ پاکستان کے پاس ہندوستان سے زیادہ جنگی صلاحیت اور طاقت ہے اس کا بھارت کو بھی ادراک ہے اس کے باوجود بھارت کے اوچھے ہتھکنڈے سوائے اپنی عوام کو طفل تسلیاں دینے کے اور کچھ نہیں ہے ،انہوں نے مزید کہا کہ ہندوستان نہ صرف سرحدوں پر گولہ باری کررہاہے بلکہ وہ اندرونی طور پر بلوچستان سمیت ملک کے بیشتر حصوں میں دہشت گردانہ کارروائیوں میں ملوث ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی) اصلاحی کمیٹی امن تنظیم کے چئیر مین حاجی محمد زبیر نے کہاہے کہ بھارت پر واضح کرنا چاہتے ہیں کہ پاکستانی قوم اپنے بہادر افواج کے شانہ بشانہ کھڑی ہے،کشمیری بھائیوں کے ساتھ بھر پور یکجہتی کا اظہار کرتے ہیں ان خیالات کا اظہار انہوںنے گزشتہ روز بھارتی جارحیت اور کشمیریوں پر مظالم کے خلاف اورپاکستان زندہ باد ریلی کے شرکاء سے خطاب کرتے ہوئے کیا اس موقع پر حاجی سیف الملوک ،امیر حمزہ ممبر صوبائی اصلاحی کمیٹی ،شعیب خان ممبر اصلاحی کمیٹی ،ضلعی کونسلر شاہ ولی خان ،ضلعی کونسلر ارشاد خان ،عبدالقیوم خان ،فضل احد ،محمد رحمن اور دیگر نے بھی خطاب کیا مقررین نے پر بھارت پر واضح کیا کہ وہ پاکستان پر حملوں کے خواب دیکھنا بند کریں پاکستان کا بچہ بچہ پاکستان کے بہادر افواج کے شانہ بشانہ بھارت کا جنازہ نکالنے کیلئے تیار ہیں مقررین نے مودی کو بدترین دہشت گرد اوربے گناہ کشمیریوں کا قاتل قرار دیتے ہوئے اقوام عالم سے مطالبہ کیا کہ وہ ان مظالم پر نوٹس لیتے ہوئے کشمیریوں کو حق خودارادیت کا اختیار دے جبکہ پاکستانی سرحدات پر بھارتی افواج کے جانب سے بلااشتعال فائرنگ اور لائن اف کنٹرول کے قوانین کی خلاف ورزی پر ہندوستان کے خلاف عالمی قوانین کے مطابق کارروائی کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی) مینگورہ کے علاقے رنگ محلہ میں نامعلوم افراد نے چھریوں سے وار کرکے فضل کریم ولد سلطان سکنہ رشہ گٹہ کو قتل کردیا ،واقعے کے بعد پولیس نے موقع پر پہنچ کرلاش کو پوسٹ مارٹم کیلئے سیدو شریف ہسپتال منتقل کردیا ،پولیس نے مقدمہ درج کرکے مزید تفتیش شروع کردی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی) عوامی نیشنل پارٹی 10اکتوبر کو PK-82سے سرخ انقلا ب کا آغاز کرینگے موجودہ حکومت نے اپنا اقتدار صرف دھرنوں میں گزار دیا ان کو پختون قوم کے مسائل ومشکلات کی کوئی پروا نہیں ANPنے اپنے مختصر اقتدار کے دوران سینکڑوں سکول، کالجزاور درجنوں یو نیورسٹیاں قائم کر کے پختون قوم کی مستقبل کو ہا تھ قلم دے کر تعلیمی میدان میں انقلا ب بر پا کیا تھا لیکن آج موجودہ حکومت کے دھرنوں میں مصروفیات کے وجہ سے خیبر پختونخواہ مسائل ومشکلات سے دوچار ہے ۔ 10اکتوبر کو عوامی نیشنل پارٹی PK-82میں اپنی سیاسی قوت کا مظاہرہ کر کے ثابت کرینگے کہ پختون قوم کی نمائندہ جماعت صرف ANPہے جس سے مرکزی قائدین ، صوبائی قائدین سمیت ضلع قیادت خطاب کرینگے ANP کے سربراہ اسفندیار ولی خان کی شرکت بھی متوقع ہے ان خیا لات کا اظہار ANPکے مر کزی رہنما خان نواب ، سابق MPAوقار خان ، ضلعی رہنما ابراہیم دیولئی، صوبہ سندھ کے رہنما نور الا سلام صافی ،پرویز خان ، عبد المالک ، شاہ سید ، محمود خان ، شوکت خان ، عدالت خان ، عطاء اللہ جان ، حیدر علی شاہ ، معراج علی سید ثناء اللہ شاہ اور دیگر نے گذشتہ روز خانواب کے رہائش گاہ کھتیاڑ میں 10اکتوبر کو ہونے والا PK-82کے طح پر ورکر کنونشن کو حتمی شکل دینے کے حوالے منعقدہ کارکنان اور عہدہ داران کہ ایک اجتماع سے خطاب کے دوران کیا انہوں نے کہا کہ اس وقت قوم کے نظریں ANPپر ہے اور پختون قوم میں شعور بھی بیدار ہو چکے ہیں اور لوگوں نے تسلیم بھی کیا ہے کہ واحد ANPہی پختون قوم کی نمائندہ جماعت ہے ANPکے کارکنان اور مشران نے صرف اس مٹی اور اس قوم کے خا طر قربانیاں دے کر امن قائم کرنے میں اپنا کر دار ادا کیا مقررین نے کہا کہ ہمیں ہر حال میں 10اکتوبر کو ہونے والا ورکر کنونشن کامیاب کر نا ہو گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی) پارڑئی قتل شدہ 3سالہ معصوم بچہ طفیل کے قا تل کے گرفتاری پر عوامی حلقوں میں نئی بحث شروع پولیس تفتیش پر سوالیہ نشان لگا دی اصل حقائق قوم کے سامنے لانے کا مطالبہ تفصیلات کے مطابق گذشتہ دنوں بریکوٹ کے علا قہ پارڑئی میں 3سالہ معصوم بچہ طفیل کے قتل میں ملوث قا تل کے گرفتاری پر عوامی حلقوں میں چہ میگوئیاں پولیس تفتیش پر نئی بحث شرو ع جگہ جگہ پارڑئی واقع پر تبصروں نے پولیس تفتیش پر سوالیہ نشان لگا دی عوامی حلقوںمیں یہ بات زیر گردش کہ اتنا کم عمر بچہ اکیلے قتل کر سکتا ہے اصل حقائق اور ملوث عنا صر کو گرفتار کر کے بے نقاب کیا جائے عوامی حلقوں کا مطالبہ۔
کوٹلی : شیراز گردیزی کی تتہ پانی کے مقام پر ڈی جی آئی ایس پی آر سے ملاقات
گجرات کی خبروں کی تصویری جھلکیاں
