کوئٹہ (جیوڈیسک) کے جنوب مغربی صوبہ بلوچستان کے مرکزی شہر کوئٹہ میں جمعہ کو نامعلوم مسلح افراد نے فائرنگ کر کے فرنٹئیر کور ’ایف سی‘ کے تین اہلکاروں کو ہلاک کر دیا۔
موٹر سائیکل پر سوار حملہ آور فائرنگ کے بعد فرار ہونے میں کامیاب ہو گئے۔ فرنٹئیر کور کے مطابق ایف سی کے اہلکار معمول کی ڈیوٹی پر تھے کہ اُنھیں نشانہ بنایا گیا۔
فائرنگ سے دو اہلکار موقع پر ہی ہلاک ہو گئے جب کہ تیسرے اہلکار نے اسپتال میں دم توڑا۔ فوری طور پر کسی نے اس حملے کی ذمہ داری قبول نہیں کی ہے۔
بلوچستان کے مختلف علاقوں بشمول صوبائی دارالحکومت کوئٹہ میں ماضی میں بھی سکیورٹی فورسز، سرکاری تنصیبات اور عام شہریوں کو نشانہ بنایا جاتا رہا ہے۔
ایسا نہیں کہا کہ عوام حکومت کے خلاف اٹھ کھڑے ہوں: انور ظہیر جمالی
گوتریس باضابطہ طور پر اقوام متحدہ کے نئے سربراہ مقرر
