جناح میڈیکل یونیورسٹی کے وائس چانسلر پروفیسر طارق رفیع نے کہا ہے کہ شہر میں رات کے وقت موسم تبدیل ہونا شروع ہو گیا ہے جس کے باعث مختلف اقسام کی الرجی میں مبتلا مریضوں کی تعداد میں تیزی سے اضافہ ہو رہا ہے۔
عوام کھانے پینے میں احتیاط کریں، ٹھنڈے مشروبات، کٹھی اشیا، آئس کینڈی سے پرہیزکریں،چھوٹے بچوں کوآئس کریم، فالودہ سمیت ایسی اشیا جس میں برف کا استعمال کیاجاتاہے وہ دینے سے گریزکیاجائے، بچوں کوابلے ہوئے انڈے، شہد، گرم دودھ اورخشک میوہ جات کا استعمال کیاجائے جوان کی صحت کے لیے انتہائی مفید ہے۔
ان خیالات کا اظہارانھوں نے ایکسپریس سے گفتگومیں کیا، انھوں نے کہا کہ جب بھی موسم تبدیل ہوتا ہے تومختلف امراض بھی جنم لیتے ہیں۔
عوام سردموسم کی ابتدامیں ہی احتیاط کریں، رات کے اوقات میں بچوں کو ایئرکنڈیشنڈ کمروں میں نہ سلائیں، ٹھنڈے مشروبات وپانی اورکٹھی اشیاسے پرہیز کریں کیونکہ موسم کی تبدیلی کے ساتھ یہ اشیاگلے کی خرابی والرجی، کھانسی، نزلہ زکام کابن جاتی ہیں۔
رات میں خشک موسم ہونے سے اور بدپرہیزی کرنے سے گلے خراب ہونے کے مریضوں میں مسلسل اضافہ ہورہاہے جبکہ رات کے اوقات میں سافٹ ڈرنکس، آئس کینڈی، آئس قلفی کااستعمال شدید نقصان دہ ہے۔
خون میں شکر کی سطح ناپنے والا کانٹیکٹ لینس تیار
انجیر وزن کم کرنے میں معاون ہے :امریکی ماہرین
