کراچی کی خبریں 25/10/2016
Posted on October 25, 2016 By Mohammad Waseem سٹی نیوز, کراچی
Panama Leaks
پاکستانی عدالتی نظام آدھا تیتر آدھا بٹیر کی تفسیر بنا ہواہے ‘ ایم آر پی
چیف جسٹس پاکستانی عدالتی نظام کو عوامی اعتبار وبے اعتباری کے درمیان سے نکالیں‘ امیر پٹی
پانامہ لیکس کیس میں چیف جسٹس آف پاکستان کو ہر حال میں احتساب اور انصاف کرنا ہوگا
کراچی : انصاف اللہ کی صفت ہے اور مسند انصاف پر فائز ہونے کا مطلب یہ ہے کہ انسان اللہ کی عطا کردہ صفت انصاف کی قدرت کو اللہ کی رضا کے عین مطابق استعمال کرتے ہوئے انصاف کرے اور انصاف کی راہ میں کسی خوف ‘ لالچ ‘ مفاد ‘ جانبداری یا قربا پروری کو کسی بھی راہ حائل نہ ہونے دے گو پاکستان میں مسند اقتدار پر براجمان ہونے والے تمام منصف نہ اپنے منصب کی ادائیگی میں پوری طرح سے ناکام دکھائی دیئے ہیں اور نہ ہی سو فیصد کامیاب نظر آتے ہیں جس کی وجہ سے عدالتی نظام آدھا تیتر آدھا بٹیر کی شکل اختیار کئے ہوئے ہے اور عدلیہ کے تاخیری فیصلوں کے باعث عوام کے اعتماد و بے اعتباری کے درمیان جھول رہا ہے چیف جسٹس آف سپریم کورٹ کی جانب سے پانامہ لیکس پر فریقین کو نوٹس جاری کئے جانے کے بعد یہ موقع از خود پیدا ہوگیا ہے کہ عدلیہ پانامہ لیکس میں شامل تمام ملزمان کیخلاف کاروائی کرتے ہوئے ملک و قوم کو نقصان پہنچانے والوں کو نشان عبرت بناکرقوم میں عدلیہ کے اعتبار و وقار کو پھر سے بحال کریں بصورت دیگر عدلیہ کی انصاف میں ناکامی ‘ عوامی مایوسی کا باعث بنتی ہے اور عوامی مایوسی جمہوریت کی بساط لپیٹ دیتی ہے جبکہ ان حالات میں قومی و عوامی مفادات کی بجائے جمہوریت کے تحفظ کی فوج کی کوشش خانہ جنگی کا باعث بن جاتی ہے جس سے ریاست جغرافیائی تغیرسے دوچار ہوجاتی ہے اسلئے اب پاکستان کو ایسے خطرات سے بچانے کیلئے چیف جسٹس آف پاکستان کو ہر حال میں احتساب اور انصاف کرنا ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت پرست رجحان کا حامل ہر پاکستانی غدار ہے ‘جی کیو ایم
ذاتی مفادات کیلئے ملک وقوم سے دغا کرنے والے ہر فرد کیخلاف غداری کا مقدمہ چلایا جائے
بھارتی نشریات دکھانے والوںکے آلات ضبط کرنے کے علاوہ لائسنس بھی منسوخ ہونا چاہئے
کراچی ( اسٹاف رپورٹر ) کشمیر جاری بھارتی مظالم ‘ پاکستان میں دہشتگردوں کی بھارتی سرپرستی اور سرحدوں پر بھارتی اشتعال انگیزی و پاکستان کیخلاف بھارتی سازشوں کے پیش نظر بھارت سے نفرت اور اس کا مکمل بائیکاٹ حب الوطنی کا تقاضہ ہے جبکہ اسی تقاضہ کے پیش نظر پاکستان میڈیا ریگولیٹری اتھارٹی ( پیمرا ) نے بھارتی نشریات و چینلز اور فلموں کی نمائش پر پابندی عائد کی جسے پاکستان کے تمام طبقات کی جانب سے سراہتے ہوئے اس کی بھرپور پذیرائی اورا س پر مکمل عملدرآمد کیا گیا مگر بعض ناعاقبت اندیشوں کی جانب سے بھارتی نشریات جاری رکھنے پر پیمرا کی جانب سے ان کیخلاف کاروائی یقینا مستحسن اقدام ہے مگر صرف آلات کی ضبط کرلینے سے بھارت پرستی کے اس رجحان کو ختم نہیں کیا جاسکتا اس کیلئے ضرورت بھارتی مواد نشر کرنے والوں کیخلاف سخت ترین کاروائی کی ہے کیونکہ حب الوطنی سے عاری ذاتی مفادات کی خاطر ملک وقوم سے دغا کرنے اور قانون و آئین دھجیاں بکھیرنے والے ہر فرد کیخلاف غداری کا مقدمہ چلایا جانا چاہئے چاہے وہ بھارتی نشریات دکھانے والے کیبل آپریٹرز ہوں ‘ بیرون ملک آف شور کمپنیاں بنانے والے ملک و قوم دشمن ہوں ‘ طن عزیز کیخلاف نعرے لگانے والے غدار ہوں یا اختیارواقتدار کے سہارے عوام پر ریاستی لشکر کشی سے ناحق خون بہانے اور کرپشن و کمیشن کیلئے آئین و قوانین کو اپنے مفادات کے تابع بنانے کی سازشیں کرنے والے حکمران ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فارم نامزدگی آج شام 5بجے تک جاری کئے جائینگے‘جونا گڑھ فیڈریشن
خواہشمند حضرات آج شام 5بجے تک نامزدگی فارم حاصل کرلیں‘ سیکریٹری جونا گڑھ فیڈریشن
درجن سے زائد افراد فارم وصول کرچکے ہیں‘توقع ہے اتنے ہی افراد آج بھی فارم وصول کرینگے
کراچی ( اسٹاف رپورٹر )آج شام 5بجے نامزدگی فارم کے حصول کی مہلت ختم ہوجائے اسلئے جونا گڑھ اسٹیٹ مسلم فیڈریشن کے انتخابات برائے 2016ءمیں حصہ لینے کے خواہشمند آج شام 5بجے سے قبل جونا گڑھ فیڈریشن کے الیکشن کمیشنر امیر علی پٹی والا کے دفتر واقعہ جہانگیر روڈ تین ہٹی چوک متصل درگاہ نوری شاہ بابا سے حاصل کرلیں ۔ جونا گڑھ اسٹیٹ مسلم فیڈریشن کے قائم مقام سیکریٹری جنرل سلیم لودھی نے میڈیا سے گفتگو کرتے ہوئے کہاکہ انتخابی شیڈول کے مطابق فیڈریشن کے انتخابات کیلئے فارم نامزدگی 20اکتوبر تک جاری ہونے تھے جبکہ پولنگ کیلئے 30اکتوبر کی تاریخ مقرر کی گئی تھی مگر جماعتوں کے اصرارو مطالبہ پر فارم نامزدگی کے اجرا ¿ میں 5روزہ توسیع کی گئی جس کی معیاد آج شام 5بجے ختم ہوجائے گی جس کے بعد کوئی فارم نامزدگی جاری نہیں کیا جائے گا جبکہ اب تک ایک درجن سے زائد افراد اپنی جماعتوں کے تحریری اجازت نامے جمع کراکر الیکشن کمشنر سے فارم نامزدگی حاصل کرچکے ہیں اور توقع ہے کہ آج بھی تقریبا اتنے ہی لوگ فارم نامزدگی وصول کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حق مانگنے والوں کو غدار کہہ کر مارنا بند ہونا چاہئے‘ راجونی اتحاد
پاکستان کے کسی بھی صوبے ‘ علاقے ‘ شہر یا گا ¶ں کا کوئی شہری پاکستان کا دشمن نہیںہے
پاکستان کا دشمن وہ نظام ہے جو بالادست طبقات کو کمزوروں کے استحصال کا حق دیتا ہے
کراچی ( اسٹاف رپورٹر ) پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے کہا ہے کہ بلوچستان میں براہمداغ بگٹی کے دو کمانڈروں سمیت 43علیحدگی پسندوں کا ہتھیار ڈالنااور پاکستان زندہ باد کے نعرے لگاتے ہوئے قومی دھارے میں شامل ہونا اس بات کا ثبوت ہے کہ بلوچستان ‘ کراچی ‘ وانا ‘ وزیرستان سمیت پاکستان کے کسی بھی صوبے ‘ علاقے ‘ شہر یا گا ¶ں کا کوئی شہری پاکستان کا دشمن نہیں بلکہ دشمن وہ نظام ہے جو بالادست طبقات کو کمزوروں کے استحصال کا حق دیکر ان پر ظلم کیساتھ ظلم کیخلاف آوازاٹھانے والوں کو غداری کے سرٹیفکیٹ بانٹنے کا اختیار بھی دیتا ہے جس کی وجہ سے حق کیلئے آواز اٹھانے والے کمزور ومایوس طبقات باآسانی حقوق کے حصول اور استحصالی نظام سے آزادی کے نام پر دشمنوں کے آلہ کار بن جاتے ہیں اسلئے ضروری ہے کہ پاکستان سے اس نظام کا خاتمہ کیا جائے جس میں غدار پیدا کرنے ‘ غدار بنانے ‘ غداری کرانے اور غدار پالنے والے تو محب وطن کہلاتے ہیں مگر حق مانگنے والے غدار قرار دیکر ماردیئے جاتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرپشن کے ہر کردار وذمہ دار کو نشان عبرت بنایا جائے ‘ سولنگی اتحاد
کرپشن کا خاتمہ کئے بغیر دہشتگردی سے مکمل نجات کا خواب کبھی تعبیر نہیں پاسکے گا‘ امیر علی سولنگی
کرپشن میں شامل ہر فرد کا مکمل احتساب اورلوٹی گئی دولت کی پائی پائی کی وصولی ضروری ہے
کراچی ( اسٹاف رپورٹر ) پاکستان سولنگی اتحاد کے سینئر و بزرگ رہنما امیرعلی سولنگی ‘ پنجاب کے صوبائی صدر ملک نذیر سولنگی اورسولنگی اتحاد کے سینئر رہنما ¶ں وعمائدین نے کہا ہے کہ کرپشن وطن عزیز کا سب سے بڑا مسئلہ اور دہشتگردی کی بنیاد ہے اسلئے کرپشن کا خاتمہ کئے بغیر دہشتگردی سے مکمل نجات کا خواب کبھی تعبیر نہیں پاسکے گا جبکہ یہ بھی حقیقت ہے کہ کرپشن کی وجہ سے ہی وطن عزیز مسائل ‘ مصائب ‘ بحرانوں کا شکار اور غربت ‘ بیروزگاری ‘ جہالت و بیماری کے دلدل میں دھنسا ہوا ہے جس کے ذمہ دار وہ تمام افراد ہیں جو کہیں نہ کہیں اپنے رتبے ‘ عہدے اور اختیارات کے ذریعے ملک و قوم کو نقصان پہنچانے میں ملوث رہے ہیں اس لئے کرپشن میں شامل ہر فرد کا مکمل احتساب اور اسے لوٹی گئی دولت کی پائی پائی کی وصولی قومی مستقبل کیلئے ضروری ہی نہیں بلکہ عدلیہ کا آئینی فریضہ بھی ہے اسلئے ملک وقوم کو نقصان پہنچاکر بیرون ملک رقوم کی منتقلی کے ذریعے آف سور کمپنیاں بنانے والوں کونشان عبرت بناکر عدلیہ کو ایسے احتساب و انصاف کی بنیاد رکھنی ہوگی جس کے خوف سے پھر کبھی کوئی کرپشن ودھاندلی یا ملک وقوم کو نقصان پہنچانے کا تصور بھی نہ کرسکے۔
زیارت کی خبریں 25/10/2016
عوام کو صاف اور صحت مند ماحول مہیا کرنے کے لئے ہمہ وقت میدان عمل میں ہیں۔ ریحان ہاشمی
