پیرمحل ( نامہ نگار ) ایڈیشنل سیشن جج پیرمحل نے تھانہ پیرمحل کے قتل کے ملزم کو سزائے موت کا حکم سنا دیا تفصیل کے مطابق مقدمہ نمبر 566/10 بجرم 302 ت پ کے ملزم محمد اقبال ولد اللہ دتہ ساکن چک 716 گ ب کو ایڈیشنل سیشن جج پیرمحل محمد اظفر خاں نے اپنے حقیقی بہنوئی ظفر حسین ولد وریام ساکن چک 716 گ ب کو اندھا دھندفائرنگ کرکے قتل کرنے کے جرم میں سزائے موت کا حکم دے دیا مقتول کی شادی محمد اقبال کی بہن سے ہوئی تھی ملزم محمد اقبال اپنی بہن کو لینے گیا تومقتول ظفر حسین نے اپنی بیوی کو ملزم محمد اقبال کے ساتھ بھیجنے سے انکار کردیا تھا جس پر طیش میں آکر محمد اقبال نے اندھادھندفائرنگ کرکے ظفر حسین کو قتل کرڈالا تھا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) اسسٹنٹ کمشنر پیرمحل کا ڈپٹی ڈی ایچ او پیرمحل اور فوڈ انسپکٹر کے ہمراہ دودھ فروشوں اور ناقص اور غیر معیاری اشیاء فروخت کرنے والے دکانداروں کے خلاف گرینڈآپریشن 8دکانداروں کو ہزاروں روپے کے جرمانے تفصیل کے مطابق حافظ محمد نجیب اسسٹنٹ کمشنر پیرمحل نے ڈاکٹر باہلک علی ڈپٹی ڈی ایچ او پیرمحل اور فوڈ انسپکٹر اسحا ق شاہ کے ہمراہ دودھ فروشوں اور ناقص اور غیر معیاری اشیاء فروخت کرنے والے دکانداروں کے خلاف گرینڈآپریشن کرتے ہوئے 8دکانداروں جن میں محمد شریف ولد گمندہ کریانہ سٹور کو چار ہزار وپے مبین ولد سیف الرحمن فارم فریش ملک سنٹر کو دس ہزار روپے محمد سلیم ولد محمد اشرف کو پانچ ہزار روپے ،شہزاد ولد محمدا سلم کو تین ہزار روپے ندیم حسن ولد مختار احمد کو تین ہزار روپے محمد آصف ولد اصغر علی کو تین ہزار روپے انیس احمد ولد فقیرمحمد کو تین ہزار روپے جرمانہ عائد کرکے موقع پر وصول کرکے وارننگ جاری کی کہ آئندہ حفظان صحت کے خلاف اشیاء فروخت کرنے والے عناصر کے خلاف سخت تادیبی کاروائی کی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) اینگرویوریا پاکستان کی طرف حاجی سردار محمد اطہر برادر زغلہ منڈی پیرمحل میں کسانوں زمینداروں کے درمیان قرعہ اندازی کی گئی جس میں ایم اویس ہمراہ محمد ایریامارکیٹنگ منیجرعاصم ، اسد گل سمیت علاقہ بھر کے کسانوں زمینداروںنے شرکت کی قرعہ اندازی کے نتائج کے مطابق زوہیب احمد ٹوبہ ٹیک سنگھ کو عمر ہ کا ٹکٹ طاہر رسول چک 322گ ب کو موٹر سائیکل دانش علی سندھلیانوالی کو موبائل فون ، محمد ارشد چک685/26گ ب کو جوسر ،شفیق احمد کو جوسر،اظہر اقبال چک681/22گ ب کو جوسر ، اصغر علی چک 295گ ب کو جوسر کا انعام ملا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) حقیقی باپ نے بیٹی کی بیماری سے تنگ آکر چھری سے ذبح کرڈالا مقدمہ درج تفصیل کے مطابق چک نمبر320گ ب کے رہائشی رفاقت علی جوکہ گونگا بہرا ہے نے اپنی حقیقی بیٹی مسرت بی بی عمر 9/10سال کو چھری سے ذبح کرڈالا تھانہ پیرمحل پولیس نے زیر دفعہ 302مقدمہ در ج کرکے ملزم کو آلہ قتل سمیت گرفتار کرلیا ملزم گونگا بہرا ہے بچی بیماررہتی تھی جس سے تنگ آکر ملزم نے بچی کو قتل کرڈالا۔
برساتی نالوں پر قائم تعمیرات ختم اور نالوں کی صفائی کو مستقل بنیادوں پر یقینی بنانے کی ہدایت
فروغ امن، استحکام پاکستان کیلئے صوفیانہ طرز فکر کو اپنانا ہو گا۔ مسعود احمد صدیقی
