اسلام آباد (جیوڈیسک) راولپنڈی انتظامیہ نے لال حویلی کے سامنے سے تمام کنٹینرز کو ہٹا کر روڈ کو کلیئر کر دیا۔
واضح رہے گزشتہ روز عوامی مسلم لیگ نے ریلی نکالنا تھی جس کی وجہ سے حکومت نے راولپنڈی اور اسلام آباد میں دفعہ 144 کو نافذ کر دیا تھا اور لال حویلی کی جانب جانے والے تمام راستوں کو کنٹینرز لگا کر سیل کر دیا تھا۔ راولپنڈی کا مری روڈ دن بھر میدان جنگ بنا رہا۔
کارکنوں کی دھڑا دھڑ پکڑ دھکڑ جاری رہی۔ پولیس اور مظاہرین میں آنکھ مچولی ہوتی رہی۔ لال حویلی کے قریب جلاؤ گھیراؤ بھی ہوتا رہا۔ مظاہرین نے کنٹینر اور ریڑھی کو آگ لگا دی تھی جبکہ پنڈی رینج میں سیکڑوں افراد پکڑے گئے۔
بنی گالا میں تحریک انصاف کے کارکنوں نے خیمے لگا لئے
لاک ڈاؤن ہو یا کریک ڈاؤن، سب مسخرے ہیں: بلاول کا ٹویٹ
