انقرہ (جیوڈیسک) ترکی کے عسکری ذرائع نے اطلاع دی ہے کہ فوج نے عراق کی سرحد سے متصل علاقوں میں نقل وحرکت تیز کرتے ہوئے بعض مقامات پر ٹینک کھڑے کر دیے ہیں۔
رپورٹس کے مطابق ترکی کی مسلح افواج کے ذرائع کا کہنا ہے کہ ٹینک اور بکتر بند گاڑیاں عراق کی سرحد سے متصل علاقے سیلوبی میں پہنچا دی گئی ہیں۔
قبل ازیں ہفتے کو ترک صدر طیب ایردوآن نے کہا تھا کہ انقرہ عراق کی سرحد کے قریب واقع سیلوبی کے مقام پر اپنی فوج کی تعداد بڑھائے گا۔
انہوں نے کہا کہ اگر عراق کی شیعہ ملیشیا الحشد الشعبی نے تل عفر میں خوف کی فضاء پیدا کرنے کی کوشش کی تو ترکی اس کا ’مختلف انداز‘ میں جواب دے گا۔
خیال رہے کہ سیلوبی کا علاق ترکی، شام اور عراق تینوں ملکوں کی سرحد پر پھیلا ہوا ہے۔
حلب میں لڑائی اور ہلاکتیں جاری، بشارالاسد مجرم قرار
اظہار آزادی رائے اور پر امن احتجاج کی حمایت جاری رکھیں گے: امریکا
