گجرات (جی پی آئی) ممتاز ماہر تعلیم ، ڈائریکٹر دی ایجوکیٹرز بارہ دری کیمپس شہزاد شفیق شرقپوری نے کہا ہے کہ اورنگ زیب بٹ کی گجرات کیلئے خدمات قابل تحسین ہیں۔ جس طرح انہوں نے گجرات کی عوام کیلئے خدمات شروع کر رکھی ہیں اس سے عوام کو سہولت مل رہی ہے۔ تابعداری کارڈ ، فری دستر خوان ، اور اب سستی ترین سروس زیب میٹرو کی فراہمی انکا بہتر کارنامہ ہے اور یہ بات دوسرے لوگوں کیلئے بھی باعث تقلید ہے کہ وہ بھی عوام کی خدمت کو ترجیح دیں۔ اللہ تعالیٰ کے دئیے ہوئے مال میں سے خرچ کرنا قابل تحسین ہے اور اللہ تعالیٰ ان لوگوں کو زیادہ سے زیادہ عطا فرماتا ہے جو اس کے بندوں کی خدمت کیلئے کام کرتے ہیں۔ جس طرح اورنگ زیب بٹ دن رات عوام کی خدمت کیلئے کام کر رہے ہیں وہ ایک مثال ہے۔ گجرات کے شہریوں کو چاہئے کہ وہ انکی حوصلہ افزائی کریں اور دیگر مخیر حضرات بھی اسی طرح آگے آکر عوام کی خدمت میں بھر پور حصہ لیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈی سی او گجرات لیاقت علی چٹھہ نے کہا ہے کہ ڈسٹرکٹ سپورٹس کمیٹی کھیلوں کے فروغ کیلئے گرانقدر خدمات سرانجام دے رہی ہے۔ جس کیلئے DSOندیم حسین بٹ اور انکی ٹیم مبارکباد کی مستحق ہے۔ وہ گزشتہ روز گجرات جمنازیم میں ڈسٹرکٹ سپورٹس کمیٹی کے زیر اہتمام انٹر کالجز سپورٹس میلہ کے موقع پر خطاب کرر ہے تھے۔ جس میں مختلف کھیلوں کے مقابلہ جات منعقد ہوئے۔ جن میں کرکٹ’ بیڈ منٹن’ ایتھیلٹس اور ٹیبل ٹینس شامل تھیں۔ ڈی سی او گجرات لیاقت چٹھہ نے کہا کہ ہم حکومت پنجاب کی طرف سے ڈسٹرکٹ سپورٹس کمیٹی کو مکمل تعاون کی یقین دہانی کرواتے ہیں عنقریب جلالپور جٹاں اور کھاریاں میں بھی اسی طرح کے میچز کا انعقاد کیا جائے گا۔ انہوں نے کہا کہ سپورٹس کمیٹی دن رات کھیلوں کے فروغ کیلئے کام کر رہی ہے ۔ شہباز شریف پارک کو آباد کرنے کا سہرا بھی ڈسٹرکٹ سپورٹس کمیٹی کو ہی جاتا ہے۔ انہوں نے کہا کہ ندیم حسین بٹ جیسے متحرک افسران میرا اثاثہ ہیں۔ اس موقع پر کھلاڑیوں نے اپنے اپنے کھیلوں کا مظاہرہ کیا۔ نتائج کے مطابق کرکٹ سپیریئر کالج ‘ دوسری پوزیشن گجرات کالج آف کامرس مین آف دی میچ فیاض سپریئر کالج’ مین آف دی سیریز محمد نعمان فاران گروپ آف کالجز’ ایتھلیٹس ‘ ٹیبل ٹینس اور بیڈمنٹن میں بھی اول و دوئم آنیوالے کھلاڑیوں کو انعامات دئیے گئے۔ اس موقع پر دیگر مہمانان گرامی میں ADCG عرفان علی کاٹھیا’ AC ذوالفقار علی باگڑی’ صدر گجرات چیمبر شیخ ابرار سعید’ ممتاز سماجی شخصیت شیخ شاہد انور’ حاجی ریاض ابراہیم’ مہر طارق محمود’ اسلم چیمہ’ خالد محمود کے کے’ و دیگر اہم شخصیات بھی موجود تھیں۔ ممتاز صحافی ڈاکٹر رزاق احمد غفاری کو بھی بہترین میڈیا کوریج پر شیلڈ دی گئی۔ اس موقع پر ندیم حسین بٹ نے کہاکہ میں ڈی سی او گجرات لیاقت علی چٹھہ کا شکر گزار ہوں جنہوں نے ہمیشہ میری سرپرستی کی اور انکی کاوشوں سے یہ پروگرام منعقد کرنے میں کامیاب ہو سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ممتاز سماجی شخصیت رانا ثاقب مشرف ناز نے کہا ہے کہ ڈی سی او لیاقت علی چٹھہ اور ڈسٹرکٹ سپورٹس آفیسر ندیم حسین بٹ کی کاوشیں قابل تحسین ہیں۔ جنہوں نے دن رات کھیلوں کے فروغ کیلئے کام کیا ہے۔ اور میں ندیم حسین بٹ اور انکی ٹیم کو خراجِ تحسین پیش کرتا ہوں وہ ہر روز کہیں نہ کہیں پروگرام منعقد کرتے رہتے ہیں۔ کھیلوں کے فروغ سے ہی ہماری نوجوان نسل ترقی کر سکے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) 3 صفر المظفر کو امام بارگاہ حسینیہ میں 13 ویں سالانہ مجلس عزاء افضل الشہداء ذکر العباس و شب بیداری کا انعقاد کیا جائے گا۔ جس میں خصوصی دعا سید وقار عباس زیدی مرحوم کیلئے کی جائے گی۔ ذاکر اہلبیت سید اقبال حسین شاہ بجاڑ والا’ سید غلام عباس کاظمی شادیوال’ آغا مبارک علی موسوی’ ذاکر اہل بیت سردار وسیم عباس خاں بلوچ لانیہ’ ذاکر سید علی رضا معین الدین پور سیداں’ ذاکر علی عمران جعفری اور شاعر علی عباس عسکری فضائل و مصائب شہدائے کربلا بیان کریں گے۔ جبکہ اس محفل کے منتظمین میں سید ذوالفقار حیدر نقوی’ سید علی زیدی’ سید قمر عباس زیدی’ آغا مظفر علی موسوی ہیں۔ اختتام مجلس پر شبیہہ ذوالجناح و علم برآمد ہو گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ممتاز مذہبی رہنما سید کاظم عباس کاظمی کی رہائشگاہ پر محرم الحرام کے سلسلہ میں اختتامی مجالس عزاء برائے خواتین کا انعقاد کیا گیا۔ 20 محرم الحرام سے لیکر 29 محرم الحرام تک ہونیوالی مجالس عزاء میں ملک کی ممتاز خواتین ذاکرین نے فضائل و مصائب شہدائے کربلا بیان کئے۔ اختتام پر شبیہہ ذوالجناح برآمد ہوا۔ سید کاظم عباس کاظمی’ سید گلفام عباس کاظمی’ اور سید عرفان عباس کاظمی نے انتظامات کئے۔ اس موقع پر کسی بھی نا خوشگوار واقعہ سے نمٹنے کیلئے سخت حفاظتی انتظامات کئے گئے سید عرفان کاظمی نے انچارج چوکی کھاری کھوئی ‘ و متعلقہ پولیس کا شکریہ ادا کیا ہے جنہوں نے آخری عشرہ کے دوران بھر پور حفاظتی انتظامات کئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) سویڈش پاکستانی کالج آف ٹیکنالوجی گجرات میں گزشتہ روز مختلف اشیاء کی نیلامی کی گئی جس میں درخت’ ناکارہ کمپیوٹر سامان’ بیٹریاں’ ٹائر’ لوہا اور ردی وغیرہ شامل تھیں۔ سویڈش پاکستانی کالج آف ٹیکنالوجی آصف شہزاد بٹ کی زیر نگرانی یہ نیلامی ہوئی۔ اس موقع پر ڈسٹرکٹ مینیجر ٹیوٹاشہباز حسین’ اسسٹنٹ مینیجر ‘ وائس پرنسپل زاہد کلیم اور دیگر ممبران نیلام کمیٹی و دیگر شامل تھے۔ اس موقع پر مبصرین اور میڈیا نمائندگان بھی موجود تھے۔ نیلامی کے تمام عمل کو شفاف بنایا گیا اور موقع پر اشیاء دکھا کر نیلامی کی گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈی سی ا ولیاقت علی چٹھہ نے کہا ہے کہ وزیراعلیٰ پنجاب کے ویژن کے مطابق چھوٹے کسانوں کو بلا سود زرعی قرضوں کی فراہمی کیلئے رجسٹریشن کا عمل 15نومبر تک جاری رہے گا ، کھادوں کی قیمتوںمیں نمایاں کمی کر دی گئی ہے جعلی کھادیں اور ادویات فروخت کرنے والوں کے خلاف سخت ایکشن جاری ہے ، کسانوں کو آبپاشی کے جدید طریقوں سے آگاہی اور مشینی کاشت کو فروغ سے فصلوں کی پیداوار میں بھرپور اضافہ ہو گا ان خیالات کا اظہار انہوںنے زرعی ٹاسک فورس ، ایگریکلچر ل ایڈوائزری کمیٹی اورکسان پیکج کے تحت رجسٹریشن کے عمل کا جائزہ لینے کیلئے منعقدہ اجلاس سے خطاب کرتے ہوئے کیا اس موقع پر اے ڈی سی عرفان علی کاٹھیا ، ای ڈی او فنانس چوہدری محمد اصغر ، مسلم لیگی راہنما نوابزادہ طاہر الملک ، ای ڈی او زراعت حافظ محمد جمیل ، ڈی او زراعت توسیع محمد رفیق تارڑ ، انچارج لینڈ ریکارڈ سنٹر نعیم اشرف ، سید سجاد حسین شاہ بخاری ، صدر کسان بورڈ چوہدری نثار احمد ایڈووکیٹ ، زراعت افسران و کسانوں کے نمائندگان بھی موجود تھے ۔ ڈی سی او لیاقت علی چٹھہ نے کہا کہ حکومت پنجاب نے ساڑھے بارہ ایکٹر تک اراضی کے مالکان کو فصل حریف کیلئے چالیس ہزار روپے فی ایکٹر اور فصل ربیع کیلئے 25ہزار روپے فی ایکٹر بلا سود قرضوں کی فراہمی کے انقلابی پروگرام کا آغاز کیا ہے جس کے تحت تینوں کمپیوٹرائزڈ لینڈ ریکارڈ سنٹرز میں رجسٹریشن کا عمل شروع کر دیا گیا ہے اور اب تک تقریباً250کسانوں نے قرضوں کے حصول کیلئے رجسٹریشن کروائی ہے انہوں نے بتایا کہ بلا سود قرضوں کیلئے رجوع کرنے والے کسانوں کو کمپیوٹرائزڈ پاس بک جاری کی جاتی ہے جس کے ذریعے وہ منتخب بینکوں سے قرض حاصل کر سکتے ہیں ۔ ڈی سی او لیاقت علی چٹھہ نے کہا کہ حکومت کی طرف سے کسانوں کو ریلیف فراہم کرنے کیلئے کھادوں کی قیمتوں میں واضع کمی کی گئی ہے اس حوالے سے باقاعدہ نوٹیفکیشن جاری کر دیا گیا ہے اور قیمتوں پر عملدرآمد کیلئے زراعت افسران کو سخت چیکنگ کی ہدایات جاری کر دی گئیں انہوںنے ہدایت کی کہ زراعت افسران اس امر کو یقینی بنائیں کہ کھاد ڈیلرز مختلف کھادوں کی قیمتیں نمایاں جگہ پر آویزاں کریں اور ہر خریدار کو باقاعدہ رسید جاری کی جائے ۔ انہوں نے کہا کہ جعلی کھادیں اور ادویات فروخت کرنے والوں کے خلاف سخت کریک ڈائون جاری ہے اور اب تک مختلف تھانوںمیں جعلی کھادیں اور ادویات فروخت کرنے والوں کے خلاف 13مقدمات درج کروائے گئے ہیں اور ایک لاکھ روپے سے زائد جرمانہ عائد کیا گیا ہے ۔ ڈی سی او لیاقت علی چٹھہ نے واضع کیا کہ وہ خود بھی جعلی کھادوں اور ادویات کی روک تھام کیلئے چیکنگ کریں گے اور اگر کسی علاقہ میںاس گھنائونے دھندے میں ملوث افراد پکڑے گے تو ملزمان کے ساتھ متعلقہ زراعت افسر کے خلاف بھی کاروائی کی جائے گی ۔ ڈی سی او لیاقت علی چٹھہ نے کہا کہ زرعی پیداوار میں اضافہ کیلئے آبپاشی کے جدید طریقہ ہائے کار سے کسانوں میں متعارف کروائے جا رہے ہیں اس مقصد کیلئے حکومت 60فیصد تک سبسڈی دے رہی ہے ۔ انہوںنے بتایا کہ اب تک بڑی تعداد میں واٹر کورسز کو اپ گریڈ کیا گیا ہے اس کے ساتھ ڈرپ سسٹم اور چھڑکائو سسٹم کے تحت متعدد نمائشی پلاٹس بھی بنائے گئے ہیں جن کے نہایت مثبت نتائج سامنے آ رہے ہیں ۔ ڈی سی او نے محکمہ زراعت ، واٹر مینجمنٹ کے افسران کو ہدایت کی کہ وہ فصلوں کی پیداوار میں اضافہ کیلئے حکومتی پالیسیوں کے موثر نفاذ کیلئے بھرپور محنت اور تمام تر صلاحتیں برئوے کار لائیں ۔ انہوں نے کسان نمائندوں کو ہدایت کی کہ جعلی کھادوں ، ادویات کی روک تھام ، زائد قیمتیں وصول کرنے والے عناصر کے بارے میں ضلعی انتظامیہ کو آگاہ کریں تا کہ ایسے افراد کے خلاف سخت ترین کاروائی عمل میں لائی جا سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈسٹرکٹ آفیسر زراعت توسیع /ڈپٹی کنٹرولر فرٹیلائزرمحمد رفیق تارڑ نے مختلف کھادوں کی قیمتوں کا از سر نو تعین کر دیا ہے اس حوالے سے باقاعدہ نوٹیفکیشن جاری کر دیا گیا ہے ۔ نئی قیمتوں کے مطابق ضلع میں اینگرو ایف ایف سی ، فاطمہ فرٹیلائزز کمپنی کی یوریا کھاد 50کلو گرام بوری کی قیمت 1400روپے جبکہ امپورٹڈ یوریا کی قیمت 1200روپے فی بوری مقرر کی گئی ہے ۔ اینگرو کمپنی ڈی اے پی کھاد کی قیمت 2480روپے فی بوری ، ایف ایف سی سونا ڈی اے پی کھاد کی قیمت 2500روپے فی بوری ، ایف ایف سی 2450روپے فی بوری ، فاطمہ فرٹیلائزر کی ڈی اے پی کھاد کی بوری 2460روپے ، چاولا انٹرنیشنل ، یونائیٹڈ ایگرو اور پیسفک ایگزنگ کی ڈی اے پی کھاد کی بوری کی قیمت 2500روپے اور ایگون فرٹیلائزر کی ڈی اے پی کھاد کی بوری کی قیمت 2490روپے مقرر کی گئی ہے ، فاطمہ فرٹیلائزر کی این پی کھاد کی فی بوری قیمت 1960روپے ، اینگرو کی این پی کے کھاد کی قیمت 2490روپے فی بوری ، ایف ایف سی کی ایس او پی پوٹاش کی قیمت 4703روپے فی بوری ، اینگرو کی ایم او پی پوٹاش کی قیمت 2800روپے فی بوری ، ایف ایف سی کی ایم او پی پوٹاش کی قیمت 3045روپے فی بوری ، اینگرو کی ایس ایس پی 18فیصد کھاد کی فی بوری قیمت 1122اور ایگری ٹیک کی 886روپے فی بوری قیمت مقرر کی گئی ہے ۔ انہوں نے تمام کھاد ڈیلرز کو ہدایت کی ہے کہ مقررہ قیمتوں پر عملدرآمد یقینی بنایا جائے قیمتیں نمایاں جگہ پر آویزاں کی جائیں اور ہر خریدار کو رسید جاری کی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) مکہ مکر مہ پر میزائل حملہ عالم اسلام کے دل پر حملہ ہے حرمین شریفین اور سعودی عرب کی سا لمیت تحفظ اور دفاع کے لیے عالم اسلام کا بچہ بچہ کٹ مرنے کے لیے تیار ہے ان خیالات کا اظہار مرکزی جمعیت اہل حدیث ضلع گجرات کے امیر صاحبزادہ علامہ طارق محمود یزادنی ،ضلع ناظم مولانا عبدا لواحد سلفی ،ضلعی فنانس سیکرٹری ماسڑ محمد شفیع صابر ،امیر شہر گجرات چوہدری بشیر احمد ،اور سٹی ناظم گجرات مولانا محمد یحییٰ واہلہ نے اپنے مشترکہ بیان میں کیا ،انہوں نے کہا کہ مکہ مکرمہ پر حملہ کو بروقت ناکام بنا کر سعودی عرب نے اسلام دشمنوں اور ان کے سہولت کار ایجنٹوں کی شازش کوخاک مین ملا دیا ہے عالم اسلام کا تھاد وقت کی اشد ضرورت ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) حرمین شریفین کے ساتھ ڈیڑھ ارب مسلمانوں کا دل ڈھرکتا ہے ،مکہ مکرمہ پر حملہ اسلام پر حملہ ہے ان خیالات کا اظہار اہل حدیث یوتھ فورس ضلع گجرات کے جنر ل سیکرٹری حافظ محمد شعیب ،سینئر نائب صدر علامہ بشارت صدیقی ڈپٹی سیکرٹری امان اللہ ثاقب بٹ ، اور عاطف بٹ نے اپنے مشترکہ بیان میں کیا انہوں نے کہا کہ مکہ مکرمہ پر حملہ کو ناکام بناننا نہ صرف سعودی سکیورٹی اداروں اور سعودی حکمرانوں کی انتظامہ گرفت اور دفاعی صلاحیتوں منہ بولتا ثبوت ہے ،بلکہ سعودی عرب نے یہ ثابت کر دیا ہے کہ کہ وہ کسی بھی قسم کی جارحیت کا منہ توڑ جواب دینے کی اہلیت کا حامل ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) پاکستان مسلم لیگ کے سینئرمرکزی رہنما و سابق نائب وزیراعظم چودھری پرویزالٰہی نے اپنی رہائش گاہ پر 2نومبر کے دھرنے میں شرکت کیلئے آنے والے پارٹی رہنمائوں و کارکنوں کا شکریہ ادا کرتے ہوئے کہا ہے کہ آپ لوگوں کی وجہ سے پارٹی کا مورال بلند ہوا ہے، پانامہ لیکس کے ایشو پر ہم نے اپوزیشن جماعتوں کے احتجاج سے اتفاق کیا کیونکہ یہ کسی ایک جماعت کا مسئلہ نہیں پوری قوم کا مطالبہ ہے، چوروں کا احتساب ہونا اور لوٹی ہوئی دولت واپس آنی چاہئے۔ اس موقع پر سینیٹر کامل علی آغا، چودھری ظہیرالدین، محمد بشارت راجہ، میجر (ر) طاہر صادق، اجمل وزیر خان، حافظ عمار یاسر، رحمن نصیر اور دیگر مسلم لیگی رہنما موجود تھے۔ چودھری پرویزالٰہی نے کہا کہ پانامہ لیکس سے متعلق پٹیشن پر سپریم کورٹ کے عبوری اقدامات سے امید کی ایک کرن پیدا ہوئی ہے، ہم پرعزم ہیں اور پورے اعتماد کے ساتھ یہ توقع رکھتے ہیں کہ انشاء اللہ یہ ایشو اپنے منطقی انجام کو پہنچے گا، سپریم کورٹ بااختیار جوڈیشل کمیشن کے ذریعے ملک کو بحران سے نکالے گی اور عوام کو انصاف ملے گا۔ انہوں نے کہا کہ ملک بھر اور باالخصوص پنجاب میں جس ریاستی دہشت گردی کا مظاہرہ کیا گیا اس کی مثال نہیں ملتی، ہم اس حکومتی رویہ کی بھرپور مذمت کرتے ہیں، اسلام آباد نوازشریف اور شہبازشریف کا نہیں ہے، وزیراعلیٰ اور صوبہ خیبرپختونخواہ سے اسلام آباد آنے والے بھائیوں کے ساتھ شہبازشریف کی طرف سے جو زیادتی کی گئی اس کی جتنی بھی مذمت کی جائے کم ہے۔ انہوں نے وزیراعلیٰ پرویزخٹک سے گفتگو کرتے ہوئے کہا کہ حکومت پنجاب کے اس غیرضروری اقدام سے فیڈریشن کو خطرہ میں ڈالا گیا، انہوں نے وزیراعلیٰ اور پختون بھائیوں کی جرأت اور حوصلے کو سلام پیش کیا اور جاں بحق ہونیوالوں کے خاندانوں سے اظہار ہمدردی کرتے ہوئے یقین دلایا کہ ان کا خون رائیگاں نہیں جائے گا۔ اٹک، چکوال، تلہ گنگ، قصور، بہاولپور، شیخوپورہ، منڈی بہائو الدین، گجرات اور دیگر اضلاع سے گرفتار ہونے والے اپنے پارٹی کارکنوں کا انہوں نے شکریہ ادا کیا اور یقین دلایا کہ ان کی جرأت اور جذبہ نے جماعت کو نئی جلا بخشی ہے، موجودہ حکمران ملک اور قوم کو بحرانوں کے سوا کچھ نہیں دے سکتے، پانامہ لیکس پر سردمہری اور اس کے بعد وزیراعظم ہائوس سے قومی سلامتی کے اداروں کے خلاف کارروائیاں حکمرانوں کے مائنڈسیٹ کی ترجمان ہیں، یہ ملکی تاریخ میں پہلی بار ہوا کہ ملک کی نیشنل سکیورٹی کو خطرات پرائم منسٹر ہائوس سے پیدا ہوئے، سپریم کورٹ آف پاکستان اور قومی سلامتی کے ادارے اس مسئلے پر اپنا کردار ادا کرتے ہوئے ذمہ داروں کو کیفر کردار تک پہنچائیں گے۔ انہوں نے اسلام آباد پہنچ جانے والے اور قافلوں کی صورت میں مصیبتیں برداشت کرتے آنے والوں کو خراج تحسین کرتے ہوئے کہا کہ تمام تر ریاستی ظلم و تشدد کے باوجود آپ کا یہاں آنا اپنی جماعت و قیادت کے ساتھ محبت کا ثبوت ہے۔ انہوں نے باالخصوص میجر (ر) طاہر صادق اور حافظ عمار یاسر سے اظہار تشکر کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈی سی او لیاقت علی چٹھہ نے سابق صدر پریس کلب سینئر صحافی رانا عبدالسلام کے گھر جاکر انکی عیادت کی اور وزیر اعلی پنجاب میاں شہباز شریف کی طرف 25ہزار روپے کا امدادی چیک دیا، ڈسٹرکٹ انفارمیشن آفیسر سید وقار نقوی، صدر پریس کلب سید عرفان جعفری، سینئر صحافی طفیل میر، چوہدری سعد عبداللہ، سیکرٹری سپورٹس گجرات پریس کلب نوازش علی ، پی ایس او عثمان سرور بھی انکے ہمراہ تھے۔ ڈی سی او لیاقت علی چٹھہ نے رانا عبدالسلام کی خیریت دریافت کی اور انکی جلد سے جلد صحت یابی کیلئے دعا کی ۔ انہوںنے حکومت پنجاب اور ضلعی حکومت کی طرف سے رانا عبدالسلام کو علاج معالجہ کی تمام تر سہولیات فراہم کرنے کی بھی پیشکش کی۔ صدر پریس کلب سید عرفان جعفری، سینئر صحافی طفیل میر، چوہدری سعد عبداللہ اور نوازش علی نے ڈی سی او لیاقت علی چٹھہ اور حکومت پنجاب کا شکریہ ادا کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) معروف مذہبی سکالر سید بلال قطب نے کہا ہے کہ ملک کو ترقی کی منازل سے ہمکنار کرنے کیلئے نوجوانوں کا کردار نہایت اہم ہے، نئی نسل کو بیک وقت دینی تعلیمات اور جدید علوم پر دسترس حاصل کرنا ہوگی۔ ان خیالات کا اظہارا نہوںنے وزارت اطلاعات حکومت پنجاب کے تعاون سے یونیورسٹی آف گجرات میں “پاکستان کا مستقبل اور نوجوان نسل کا کردار ” کے موضوع پر منعقدہ سیمینار سے خطاب کرتے ہوئے کیا۔یونیورسٹی آف گجرات شعبہ سٹوڈنٹس سروسز کے ڈائریکٹر محمد یعقوب،ڈسٹرکٹ انفارمیشن آفیسر سید وقار نقوی، اساتذہ کرام اور طلبہ و طالبات کی کثیر تعداد بھی موجود تھی، انہوںنے سیرت طیبہ، اہلبیت اطہار، صحابہ کرام رضوان اللہ اجمعین کے کردار و افعال کے بارے میں بھی شرکاء کو آگاہ کیا اورا نکے سوالات کے جوابات دیے۔ سید بلال قطب نے کہا کہ پاکستان دنیا کے خوش قسمت ممالک میں شامل ہے جہاں نوجوان آبادی کی ا کثریت ہے نئی نسل خود کو علم سے آراستہ کرکے مختلف شعبہ جات میں قیادت کیلئے تیار کرے۔ انہوںنے طلبہ و طالبات پر زور دیا کہ معاشرے میں رواداری، احترا م کو فروغ دیا جائے اور اپنے حقوق کے ساتھ ذمہ داریوں سے بھی آگاہی ہونی چاہیے۔انہوںنے کہا کہ ملک اور خاندان کی بہتری کیلئے خواتین کا کردار نہایت اہم ہے ، اسلام نے عورت کا بہت مقام دیا اور رسول اللہ ۖ نے اپنی پیاری بیٹی بی بی فاطمة الزاہرہ سلام اللہ علیہ کے احترام کیلئے کھڑے ہوکر اور انکے لئے اپنی چادر مبارک بچھا کر اس کا واضع اظہار کیا ہے۔ سید بلال قطب نے کہا کہ رسول کریم ۖ نے اپنے کردار سے اپنے دشمنوں کو بھی متاثر کیا ،بدترین دشمن بھی انہیں صادق و امین کہتے تھے، بحثیت مسلمان ہمیں بھی انکی سنت کے مطابق زندگی بسر کرنا ہوگی۔ انہوںنے طلبہ پر زور دیا کہ وہ دنیاوی علوم کے ساتھ قرآن مجید، تفسیراور حدیث کی تعلیم حاصل کریں تاکہ دنیا و آخرت میں سرخرو ہو سکیں۔ اس سے قبل ڈائریکٹر پبلیکشنز شیخ عبدالرشید نے مذہبی سکالر سید بلال قطب کو خوش آمدید کہا اور انہیں یونیورسٹی آف گجرات کے بارے میں مختصر آگاہی فراہم کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈسٹرکٹ سپورٹس ڈیپارٹمنٹ کے زیر اہتما م پرائیویٹ کالجز کے انٹر کالجیٹ کھیلوں کے مقابلے اختتام پذیر ہوگئے ہیں،تقریب تقسیم انعامات کے مہمانان خصوصی ڈی سی او لیاقت علی چٹھہ، اے ڈی سی عرفان علی کاٹھیا نے فاتح ٹیموں میں ٹرافیاں اور انعامات تقسیم کئے، اسسٹنٹ کمشنر کھاریاں ذوالفقار علی باگڑی، ڈسٹرکٹ سپورٹس آفیسر ندیم بٹ، صدر چیمبر آف کامرس اور تعلیمی اداروں کے سربراہان بھی شریک تھے۔ انٹر کالجیٹ مقابلوں کے نتائج کے مطابق کرکٹ اور اتھلیٹکس مقابلوں میں سپرئر کالج کے طلبہ نے میدان مار لیا اور پہلی پوزیشن حاصل کی، بیڈ منٹن مقابلوں کا فائنل پنجاب کالج آف کامرس کی ٹیم نے جیت لیا جبکہ منی میراتھن اور ٹیبل ٹینس کے مقابلوں میں فاران کالج کی ٹیم نے پہلی پوزیشن حاصل کی۔ ڈی سی او لیاقت علی چٹھہ نے 16کالجز کی ٹیموں کے مابین انٹرکالجیٹ مقابلوں کے انعقاد پر ڈسٹرکٹ سپورٹس ڈیپارٹمنٹ کو سراہا اور مقابلوں کے فاتح ٹیموں کو مبارکباد دی۔ انہوںنے کہا کہ وزیر اعلی پنجاب میاں شہبازشریف کے وژن کے مطابق کھیلوں کے فروغ کیلئے ضلعی انتظامیہ ہر ممکن اقدامات کررہی ہے۔ انہوںنے کہا کہ کھیلوںکے فروغ کیلئے جلالپور جٹاں اور کوٹلہ ارب علی خان میں اسٹیڈیم کی منظوری دی جاچکی ہے ۔ واضح رہے کہ گجرات میں پہلی دفعہ DSO ندیم بٹ کی قیادت میں انٹر کالجیٹ سپورٹس گالا کا انعقاد کیا گیا اس سپورٹس گالا میں حصہ لینے والے کالجز کے آفیشلز اور کھلاڑیوں کی حوصلہ افزائی کے لیئے انعامات کی بارش کی گئی عوامی و سماجی حلقوں اور کھیلوں کے شائقین کا اس اقدام پر DSO ندیم حسین بٹ کو زبر دست الفاظ میں خراج تحسین اور نیک خواہشات کا اظہار ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) جامعہ گجرات کے شعبۂ جغرافیہ کے زیرا ہتمام ایک تین روزہ ورکشاپ ” مابعد2015ترقیاتی منظر نامہ: پائیدار ترقی کے مسائل اور ان کا حل ” کا آغا ز حافظ حیات کیمپس میں ہو گیا ہے۔ اس ورکشاپ کا بنیادی مقصد دنیا بھر سے عالمی ماہرین کو مدعو کرتے ہوئے اقتصادی، سماجی اور ماحولیاتی سطح پر بالخصوص پاکستان کو درپیش مختلف مسائل کا ادراک کرتے ہوئے ان کا حل تلاش کرنے کے لیے کوشش کرنا ہے۔ اس ورکشاپ کا افتتاحی اجلاس ڈین فیکلٹی برائے سائنسز پروفیسر ڈاکٹر محمد فہیم ملک کی صدارت میں منعقد ہوا جسکی میزبانی کے فرائض چیئرپرسن شعبۂ جغرافیہ پروفیسر ڈاکٹر محمد مشاہد انور نے سرانجام دئیے۔ اس افتتاحی اجلاس میں ممتاز جرمن ماہر پروفیسر ڈاکٹرمیک نٹزبینڈ اور روسی محقق کانسٹائن زخاروف کے علاوہ ڈاکٹر فضل الرحمن ، ڈاکٹر احسان اللہ اور ڈاکٹر عطاء الرحمن نے بطور مہمان شرکت کی۔ علاوہ ازیں پروفیسر ڈاکٹر پشپم کمار نے ویڈیو لنک کے ذریعے نیروبی سے پائیدار ترقی کے حصول کے لیے مختلف مباحث کو زیر بحث لاتے ہوئے اس بین الاقوامی ورکشاپ کا کلیدی خطبہ پیش کیا۔ ڈاکٹر پشپم کمار نے کہا کہ معاشی خوشحالی کے اہداف کو حاصل کرنے کے لیے کسی بھی معاشرہ، قوم یا ملک کے دستیاب وسائل کا صحیح ادراک اور استعمال انتہائی لازم ہے۔ وسائل کے قدرتی ذرائع ہی اصلاًہمارا قومی سرمایہ ہیں۔ پائیدار ترقی کے حصول کوممکن بنانے کے لیے یہ امر ضروری ہے کہ ہم اپنے بڑے مسائل کا جائزہ لیتے ہوئے اور اپنے وسائل کا تعین کرتے ہوئے انکے باہمی ربط کو ممکن بنانے کی کوشش کریں۔ قدرتی وسائل کا صحیح اور دیانتدارانہ استعمال قوم و ملک کو پائیدار ترقی کے اہداف حاصل کرنے میں کامیاب بنا سکتا ہے۔ ڈاکٹر پشپم کمار نے اعداد و شمار کے حوالہ سے ثابت کیا کہ جنوبی ایشیاء میں موجود قدرتی وسائل کے ذرائع ان قوموں کو ایک پائیدار معاشی مستقبل سے روشناس کروا سکتے ہیں۔ پروفیسر ڈاکٹر محمد فہیم ملک نے کہا کہ پائیدار ترقی سے مراد کسی قوم و ملک کے قدرتی وسائل کو بہترین منصوبہ بندی کے ذریعے بروئے کار لاتے ہوئے اسکی معاشی و سماجی حالت کو بہتر بنانا ہوتا ہے۔ پائیدار ترقی اصلاً اپنے بنیادی وسائل کو صحیح طریقہ سے استعمال کرنے کا ڈھنگ ہے۔ پاکستان کو دورِ حاضر میں توانائی کے بحران کا سامنا ہے مگر ہم اپنے بنیادی قدرتی وسائل کو استعمال کرتے ہوئے اس مصیبت سے نجات حاصل کر سکتے ہیں۔ ڈاکٹر ملک نٹزبینڈ نے کہا کہ جب بھی کسی خطہ میں صنعتی انقلاب آتا ہے تو وہاں کا قدرتی ماحول یقینا متأثر ہوتا ہے اور ماحولیاتی آلودگی کے علاوہ بھی کئی قسم کی تبدیلیاں آتی ہیں۔ ماہرین جیو سائنسز اور جغرافیہ دان مختلف علاقوں کے متعلق اعدادو شمار اکٹھا کرتے ہوئے اور ان کے تجزیہ کے ذریعے معیارِ زندگی کو بہتر بنانے اور قدرتی ماحول کو برقرار رکھنے کا ذریعہ بنتے ہیں۔ محقق کو نسٹائن زخاروف نے ماسکو میں قدرتی اور حیاتیاتی ماحول کو محفوظ بنانے کے موضوع پر اپنا مقالہ پیش کیا۔ ڈاکٹر فضل الرحمان اور ڈاکٹر عطا الرحمان نے پائیدار ترقی کے حصول کے حوالہ سے اپنے گرانقدر خیالات پیش کیے۔ صدر شعبہ ڈاکٹر محمد مشاہد انورنے افتتاحی کلمات میں کہا کہ انسانی ترقی کا دار و مدار ادارہ جاتی کوششوں پر منحصر ہے۔ پائیدار ترقی کا حصول اس وقت اقوام عالم میں بحث کا موضوع بنا ہوا ہے۔ جامعہ گجرات نے اپنے طلبہ کو پائیدار ترقی کے حصول کے طریقہ کار اور ملکی وسائل کے بہترین استعمال سے آگاہ کرنے کے لیے اس بین الاقوامی ورکشاپ کا انعقاد کرتے ہوئے طلبہ کی علمی و فکری تربیت کا بندوبست کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) :اسلامی معاشرہ کی تشکیل میں تعمیر شخصیت کو از حد اہمیت حاصل ہے۔ رسول اکرم ۖ نے اپنے پیرو کاروں کی فکری و ذہنی تربیت کے ذریعے ایک مثالی معاشرہ کے قیام کو ممکن بنایا۔ نسل ِ نو کی کردار سازی اور ان کی شخصیتوں کی اعتدال پسندانہ تعمیر ایک اہم معاشرتی فریضہ ہے۔ اساتذہ اپنے طالب علموں کے لیے تعمیر شخصیت کے معاملہ میں نمونہ و مثال کی حیثیت رکھتے ہیں۔ پاکستان کا روشن و خوشحال مستقبل نوجوان نسل کی کرداری تعمیر و ترقی کے ساتھ وابستہ ہے۔ ان خیالا ت کا اظہار معروف دانشور و اینکر پرسن سید بلا ل قطب نے جامعہ گجرات کے مرکز برائے اُمور طلبہ کے زیر اہتمام ”پاکستان کا مستقبل او ر نوجوان نسل کا کردار” کے شرکاء سے خطاب کرتے ہوئے کیا۔ اس سیمینار میں مختلف شعبہ جات کے طلبہ و اساتذہ کی بھاری تعداد کے علاوہ صدور شعبہ جات، ڈین اور انتظامیہ کے سینئر اراکین نے شرکت کی۔ ڈائریکٹر میڈیا شیخ عبدالرشید نے سمینار کا تعارف کرواتے ہوئے کہا کہ انسانیت کی یگانگت میں ہی انسانی معاشرہ کی ترقی کا راز پوشیدہ ہے۔ اسلا م دین انسانیت اور معاشرہ میں نظم وضبط کا پیامبر ہے۔ انسانیت کا حاصل باہمی اُنس اور انسانوں کے مابین مودٔت و اشتراک کا فروغ ہے۔ مکالمہ اور گفتگو انفرادی اور اجتماعی سطح پر انسانوں کو ایک دوسرے کے قریب لانے کا کارنامہ سرانجام دیتا ہے۔ جامعہ گجرات اپنے طلبا و طالبات میں اعلیٰ انسانی اقدار کے فروغ کے لیے ہر کوشش بروئے کار لا رہی ہے۔ کنسلٹنٹ بزنس انکوبیشن سنٹر محمد حیدر معراج نے کہا کہ انسان کائنات کا حُسن اور اس کا رُوح رواں ہے۔ انسان منطق و عشق کا حسین امتزاج اور عقل و جذبات کا عملی مرقع ہے۔ طلبہ میں اعلیٰ معاشرتی اقدار کے فروغ کے لیے اساتذہ کی اجتماعی کاوشیں یقینا بار آور ثابت ہوتی ہیں۔ ڈائریکٹرSSCمحمد یعقوب نے کہا کہ طلبہ میں عقل و شعور کے بہترین فروغ کے لیے جامعہ گجرات کا مرکزبرائے اُمور طلبہ عملی خدمات سرانجام دیتے ہوئے شبانہ روز اپنی بہترین کاوشوں میں مصروف ہے۔ سید بلال قطب نے نوجوان نسل کی کردار سازی بارے ہدایت کرتے ہوئے کہا کہ افراد معاشرہ کی بہترین تربیت کے ذریعے ہی ہم معاشرتی نظم و نسق، امن، برداشت اور بھائی چارہ کی فضا کو فروغ دے سکتے ہیں۔ اسلام ہمیں روحانی بالیدگی کے ذریعے عُلوِ کردار کا درس دیتا ہے۔ شخصی تکبر اورخبط عظمت ہماری معاشرتی اقدار کے زوال کا سبب ہے۔ انسان عقل اور نفس کا مجموعہ ہے۔ انسانی سیرت کی تکمیل کے لیے پاکیزگیٔ فکر اور کردار کی پختگی اہم حیثیت رکھتی ہے۔ ایمان کا مغز خلق خدا کی بھلائی اور مخلوق کی عزت و توقیر ہے۔ احترام انسانیت ہی اصلاً معاشرتی وسماجی خدمت ہے۔ماں کی گود انسانی طبع و کردار کی تربیت کا سب سے بڑا گہوارہ ہے۔ ہماری نوجوان نسل ہی ہمارا قیمتی مستقبل ہے۔ معاشرتی اقدار کی تکمیل و وسعت کے لیے ہمیں اسلام کی اعلیٰ روایات کا احیاء کرنے کی ضرورت ہے۔ فہم و حکمت کو بالائے طاق رکھ کر ہم دین کی صحیح پیروی کرنے کے قابل نہیں ہو سکتے۔ اسلام کو دین اعتدال کہا گیا ہے۔ میری تمام طلبہ سے استدعا ہے کہ وہ اپنے علم کی وسعت کی خاطر معیاری مطالعہ کو اپنا شعار بناتے ہوئے غور و تفکر کی راہ اپنائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) سڑک کنارے کنٹینر پہنچا کرواپس جانے والے محنت کش کو ڈاکوئوں نے لوٹ لیا مزاحمت پر خنجر کے وار کرکے شدید زخمی کردیا۔ نواحی علاقہ سوہدرہ کا رہائشی آصف محمود ولد محمد سرور اپنے بہنوئی کیساتھ ٹرالہ چلاتا ہے۔انتظامیہ کی ہدایات پر آصف محمود ولدمحمد سرور تھانہ صدر کے علاقہ بائی پاس خسڑے کے قریب کنٹینز چھوڑنے کے بعد کھیتوں میں سے واپس جارہا تھا کہ اچانک تین ڈاکوئوں نے زبردستی روک لیا اور جیب سے جامہ تلاشی کے دوران مبلغ1300روپے نقدی چھین لی مزاحمت پرخنجر کا وار کر کے چہرہ زخمی کردیا ۔ڈاکو واردات کے بعد موقعہ سے فرار ہوگئے۔ پولیس تھانہ صدر کے علاقہ میں بڑھتی ہوئی چوری ،ڈکیتی،راہزنی کی وارداتوں نے ہر شخص کو خوف میں مبتلا کررکھا ہے۔ عوامی، سماجی حلقوں نے صورتحال کا نوٹس لینے کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) تحفظ حرمین شریفین کے لئے مرکزی جمعیت اہلحدیث واہل حدیث یوتھ فورس علا مہ پروفیسرساجد میرکی قیادت میںہراول دستہ کاکرداراداکرے گی۔مکہ معظمہ پرحوثی باغیوںکی جانب سے کیاجانے والا میزائل حملہ انکی بدعقیدگی ظاہر کرتاہے۔ان حالات میںاقوام عالم اورخصوصاً مسلم ممالک کوبہترلائحہ عمل طے کرنا ہوگا۔ان خیالات کااظہارامیرمرکزی جمعیت اہلحدیث پنجاب حافظ عبد الستار حامد نے مرکزی جمعیت اہلحدیث واہلحدیث یوتھ فورس وزیرآبادکے مشترکہ اجلاس سے خطاب کرتے ہوئے کیا۔اس موقع پرمولانا محمدعباس خلیق،سیدمدثرعلی شاہ،مولانامحمداشرف،حافظ خلیل احمدبٹ،حافظ فہیم الرحمان ،حافظ عثمان سلفی،مولاناعطاء الرحمن محمدی،پروفیسرحامد الرحمان،حافظ محمداحمد،مولاناجمشید چیمہ،مہرمحمدشفیق،نصیر احمدبھٹی،میاںمحمداعجاز سمیت علماء کرام،مرکزی جمیعت اہلحدیث واہلحد یث یوتھ فورس کے کارکنان نے کثیرتعدادمیںشرکت کی۔انہوںنے کہا کہ کسی بھی تنظیم یادارے میںاختلاف رائے ہونا کوئی بڑی بات نہیںنقصان تب ہوتا ہے جب اختلاف رائے پرقائم رہتے ہوئے دھڑے بندی کاشکارہوکرنظم کاشیرازہ بکھیردیا جائے۔صدارتی خطاب کرتے ہوئے ۔انہوں نے کہا کہ ملک بھرمیںاہلحدیث افرادکی نمائندہ تنظیم مرکزی جمیعت اہلحدیث پاکستان اوراسکی ذیلی تنظیمات ہیں۔ناظم مرکزیہ سٹی وزیرآبادمولانامحمدابراہیم محمدی نے کہا کہ اہلحدیث یوتھ فورس مرکزی جمیعت اہلحدیث پاکستان کی ذیلی تنظیم ہے جس کی ذمہ داری یہ ہے کہ ملک بھرکے سلفی نوجوانوںکومتحدکرتے ہوئے ایک ایسا پلیٹ فارم مہیاکرناہے جہاںسے وہ اپنی اوردوسروںکی بھرپور کوشش کریںاورمرکزکی پالیسیوںکوکامیاب بنا نے کے لئے اپنا کرداراداکرسکیں۔اجلاس میںاہلحدیث یوتھ فورس پاکستان کے نومنتخب صدرحافظ فیصل افضل شیخ اورجنرل سیکرٹری حافظ محمدعامر صدیقی کومبارکبادپیش کی اورشرکاء نے متفقہ طورپرنومنتخب قیادت اورمرکز کواپنے مکمل تعاون کایقین دلا یا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) صدر پریس کلب وزیرآبادوکونسلر افتخاراحمدبٹ کے بڑے بھائی عبد الحفیظ بٹ کے سانحہ ارتحا ل پرچیئرمین ٹیوٹاذوالفقار احمدچیمہ،سابق ڈی جی ہیلتھ پنجاب ڈ اکٹرنثار احمدچیمہ، اسسٹنٹ کمشنر محمدانوبریار،سابق سیکرٹری لاء ساجد حسین چٹھہ،نا ئب تحصیلداروقار ناگرہ ،سیف اللہ بٹ،خواجہ محمدشعیب،ڈاکٹر رضا سلطان،محمداشرف نثار،شیخ صلا ح الدین اورعمر اشرف نے مرحوم کے درجات بلندی کے لئے دعا کی اوراہل خانہ سے دلی ہمدردی کااظہار کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) مسلم لیگ (ن) سٹی وزیرآباد کے نائب صدر عمران سنی کمبوہ نے کہا ہے کہ میاں برادران کی حکومت میںملک ترقی راہو ں پر گامزن ہے لیکن دھرناگروپ ترقی کی راہوںمیںرکاوٹیںڈالنے کی ناکام کوششیں کررہے ہیں۔وزیراعظم میاںمحمدنواز شریف،وزیراعلیٰ پنجاب میاںمحمدشہباز شریف ملکی ترقی میںاہم کرداراداکررہے ہیں۔مسلم لیگ ن کی حکومت میں مہنگا ئی میں واضع کمی ہو ئی ہے اور عوام کو ریلیف ملا ہے لوڈ شیڈنگ پہلے سے کم واقع ہوئی انشاء اللہ مسلم لیگ ن کی حکو مت میں ہی ملک سے اندھیر ے ہمیشہ کے لئے ختم ہوجائینگے۔انہوںنے کہا کہ پاکستان کی عوام میاںبرادران پراعتماد کااظہارکرتی ہے،میاںبرادران ہمیشہ عوامی خدمت میںپیش پیش رہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) وفاق المدارس الشیعہ پاکستان اور ملی یکجہتی کونسل کے مرکزی صدر علامہ قاضی نیاز حسین نقوی نے دہشت گردی کی حالیہ لہر پر تشویش کا اظہا ر کرتے ہوئے کہا ہے کہ پولیس کیڈٹ سکول کوئٹہ اور ناظم آباد کراچی میں مجلس عزا پر ہونے والی دہشت گردی قابل مذمت اور واقعات کا رونماہونا سکیورٹی اداروں کی کارکردگی پر سوال ہے۔میڈیا سے گفتگو میں علامہ نیاز نقوی نے کہا کہ کوئٹہ ، کراچی اور دیگر شہروں میں اسی انداز کے کئی واقعات پہلے بھی متعدد بار ہوچکے ہیں، اس کے باوجود سکیورٹی کے ضروری انتظامات کا نہ ہوناانتظامیہ کی واضح کوتاہی اور ناقابل برداشت غفلت ہے ،جس کی وجہ سے قیمتی جانوں کا نقصان ہوا۔اس غفلت کے ذمہ داروں کے خلاف کارروائی کی جانی چاہئے۔انہوں نے کہا کہ اگرچہ فرقہ وارانہ واقعات اور سکیورٹی اداروں پر حملوں کے واقعات میں کمی واقع ہوئی ہے، لیکن حکومت سنجیدہ ہو تودہشت گردی ختم ہو سکتی ہے۔ خفیہ ایجنسیوں کی کارکردگی پر سوالیہ نشان ہے کہ دونوں واقعات کی ذمہ داری ایک ہی تکفیری دہشت گردگروہ نے قبول کی ہے۔ مگر ابھی تک تحقیقات سامنے لائی جاسکی ہیں اور نہ ہی کوئی مجرم پکڑا گیا ہے۔ ان کا کہنا تھا کہ دہشت گردی کے ان واقعات سے ایک بار پھر واضح ہوگیا ہے کہ ملک میںمسئلہ فرقہ واریت کا نہیں، دہشت گردی کا ہے۔ محرم الحرام میںاطمینان بخش سیکورٹی انتظامات پر انہوں نے وفاقی و صوبائی حکومتوں کا شکریہ اداکیا اور امید ظاہر کی چہلم تک کے پروگراموں کے لئے بھی بہتر انتظامات کئے جائیں گے۔انہوں نے دہشت گردوں اوران کے سہولت کاروں کے لئے وضع کردہ شیڈول فور کے ضابطہ کے علماء اور بے گناہوں پر اطلاق کو ایکشن پلان کی روح کے منافی قراردیتے ہوئے کہا کہ اصل مجرموں کی بجائے محض بیلنس کرنے کے لئے شیعہ علماء و مومنین کو شیڈول فور میںشامل کرناناانصافی ہے، جسے برداشت نہیں کیا جائے گا۔علامہ نیاز حسین نقوی نے کہا ملک میں امن ہماری وجہ سے ہے۔سینکڑوں جنازے اٹھانے کے باوجود امن وامان قائم رکھا۔پاکستان بنانے اور بچانے میں شیعہ کا کردار نمایاں ہے۔علامہ شیخ محسن علی نجفی کی تمام زندگی فقط علمی،فلاحی او ررفاہی کاموں میں گزری ہے۔انہوں نے کبھی کوئی خلاف قانون کام کیا نہ امن و امان کے خلاف کسی سرگرمی کے مرتکب ہوئے۔حکومت کوعلامہ شیخ محسن نجفی کی کشمیر،گلگت،بلتستان میںان کے ترقیاتی منصوبوں کی قدردانی کرنا چاہئے تھی۔ایسی عظیم ہستی کے خلاف اقدامات حکومت کیلئے بدنامی کا باعث ہیں۔دیگر علماء بھی کسی خلاف امن سرگرمی میں ملوث نہیں لہٰذا ان سب کے نام فوری طور پر فورتھ شیڈول سے خارج کئے جائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) جمعیت علما پاکستان نیازی کے سربراہ قائد اہل سنت پیر سید محمد معصوم حسین نقوی نے سعودی اتحاد کی یمن پر ایک بار پھر بمباری اور جدہ کے فوجی اڈے پر میزائل پھینکنے کو مکہ مکرمہ پر حملے کے جھوٹے دعوے کی مذمت کرتے ہوئے کہا ہے کہ بیرونی جنگ کو پاکستان میں لڑنے اور فرقہ واریت سے گریز کیا جائے۔ ان خیالات کا اظہار جمعیت سیکرٹریٹ کینال ویو میںانہوں نے صاحبزادہ پیر سید محی الدین محبوب کاظمی، پیر اختر رسول قادری، ڈاکٹر امجد چشتی، پیر عثمان نوری اور دیگر رہنماوںسے ملکی اور بین الاقوامی سیاسی صورت پر تبادلہ خیال کرتے ہوئے کیا۔ پیر معصوم نقوی نے کہا کہ سعودی عرب ،یمن اور شام میں سیاسی مداخلت اور فوجی پنگے بازی کرکے پھر بزدلی دکھاتے ہوئے حرمین شریفین کے تقدس اور خادم ہونے کے دعوے کرکے واویلا کرنے لگتا ہے تاکہ مسلمانوں کو جذباتی کرکے پاکستان سے اپنے دفاع کے لئے فوج منگوا سکے۔ لیکن پارلیمنٹ اس پر فیصلہ دے چکی ہے۔ کہ پاکستان مسلمان ملکوں کے خلاف کسی بھی جنگ کا حصہ نہیں بنے گا۔ انہوں نے کہا کہ مکہ مکرمہ اور مدینہ منورہ کے انتظامی امور تمام مسلم ممالک کی کمیٹی کے سپرد کرکے جس ملک سے مرضی لڑتا رہے، حرمین کے تقدس کے پیچھے نہ چھپے۔ اوراگر شاہی خاندان نے توسیعی منصوبوں کے تحت دوسرے ممالک میں مداخلت جاری رکھنی ہے تو اسے تنقید کا سامنا کرنا پڑے گا۔ جے یو پی نیازی کے سربراہ نے یاد دلایا کہ جب یمن کے ایک ہزار افراد کو جنازے پر بمباری کرکے سعودی اتحاد نے بے دردی سے مار ا گیا۔ اس وقت حکمران جماعت کے مستقل مذہبی سینیٹر اور آل سعود کے پاکستانی ہم مسلک کہاں تھے۔ پیر معصوم نقوی نے کہا کہ سعودی شاہی حکومت کی وجہ سے عالم اسلام تقسیم ہورہا ہے۔یہ ملک فرقہ واریت پھیلانے اور نفرتوں کے بیج بونے کی سازشوںمیں ملوث ہیں۔انہیں خادم حرمین شریفین کے منصب کا قبضہ چھوڑ کر عالمی تنازعات میں گھسنے کی بجائے اپنی گرتی ہوئی ساکھ اور اقتصادی صورت حال پر توجہ دینی چاہیے۔جب یمن پر فائرنگ ہوگی اور عوام کو قتل کیا جائے گا تو حوثی مجاہدین جوابی پھول تو نہیں بھیجیں گے۔انہوں نے کہا کہ جدہ پرپھینکے گئے میزائل کو مکہ مکرمہ پر فائر کرنے کا جھوٹا پراپیگنڈہ کرکے آل سعود اپنے ظلم و ستم چھپانا چاہتے ہیں تاکہ پاکستان اور دیگر ممالک کو جذباتی بنا کر اپنے کرتوت چھپا سکیں۔حتی ٰ کہ امام کعبہ بھی آل سعودکی پالیسی اختیار کرکے فتوے بازی کرکے اپنے منصب سے ناانصافی اور شاہی خاندان کے درباری بنے ہوئے ہیں، جوکہ شعائر اسلام کی توہین ہے۔ انہوںنے کہا کہ اہل سنت جنت البقیع کے مسمار شدہ مزارات کی توہین برداشت نہیں کرسکتے۔ آل سعودنے دختر رسول حضرت فاطمہ الزہ ،والدہ رسول حضرت آمنہ، زوجہ رسول حضرت خدیجہ الکبریٰ، حضرت امام حسن، اور دیگر صحابہ کے مزارات کے 1924ء میں مسمار کئے گئے مزارات کے دکھ اور آل سعود کے جرائم کو نہیں بھولے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سرگودھا اور گردونواح میں منگل کے روز پڑنے والی شدید دھند کے باعث گاڑیوں کی آمدو رفت میں شدید مشکلات کا سامنا رہا موٹروے 2 نومبر کے دھرنے کے باعث بند ہونے کی وجہ سے لاہور اور دیگر شہروں سے آنیوالی گاڑیوں کو متبادل کے راستے اختیار کرنا پڑے جس کی وجہ سے ٹریفک کی روانی میں شدید مشکلات کا سامنا لوگوں کو کرنا پڑا دھند کی وجہ سے حد نظر 5 میٹر رہ گئی محکمہ موسمیات نے آئندہ چند دنوں میں مزید دھند کی پیشگوئی کی ہے اور کہا ہے کہ مسافر سفر کرتے وقت فوگ لائٹ استعمال کریں تاکہ دھند کے باعث حادثات سے بچا جاسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) موٹروے پولیس اور ٹریفک پولیس نے بڑھتی ہوئی دھند کے پیش نظر مسافر گاڑیوں’ ٹریکٹر ٹرالی’ گدھا ریڑھیوں’ ٹرک’ ٹرالر اور اسی طرح دیگر گاڑیوں کو چاروں اطراف میں ریفلیکٹر لگانے کیساتھ ساتھ فوگ لائٹ کے استعمال کی ہدایت کی ہے پولیس کے مطابق دھند کے باعث حد نظر بعض اوقات صفر ہوجاتی ہے جس سے حادثات کے امکانات بڑھ جاتے ہیں ٹریفک پولیس کا کہنا ہے کہ اگر یہی دھند کا سلسلہ جاری رہا تو لوگوں کیلئے مشکلات بڑھیں گی اس لئے لوگ رات کی بجائے دن کے اوقات میں سفر کو ترجیح دیں تاکہ کسی بھی حادثہ سے بچا جاسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سرگودھا اور گردونواح سے گرفتار کئے جانیوالے پی ٹی آئی کے کارکنوں اور عہدیداران کو سرگودھا کی بجائے دیگر اضلاع میں منتقل کردیا گیا ہے جس کی وجہ سے پی ٹی آئی کے کارکنوں کے اہل خانہ کو ان کی تلاش میں مشکلات کا سامنا ہے متعلقہ لواحقین جب تھانے جاتے ہیں تو آگے سے جواب ملتا ہے کہ اپنے بندے حوالات میں دیکھ لو جب وہاں پر بندے نہیں ملتے تو تھانے والے کہہ دیتے ہیں ہمیں کچھ پتہ نہیں آپ کے لوگوں کو کس نے اٹھایا ہے خود پتہ کریں پی ٹی آئی کے ذرائع کے مطابق ہمارے کارکنوں کو ٹوبہ ٹیک سنگھ’ سمندری’ شور کوٹ اور اسی طرح دیگر علاقوں کی جیلوں میں شفٹ کیا جارہا ہے جو سراسر ظلم کے مترادف ہے پی ٹی آئی کے رہنمائوں نے کہا ہے کہ حکومت اتنا ظلم کرے جتنا وہ کل برداشت کرسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) کرپشن کنگ نواز شریف اور شہباز شریف اپنی کرپشن اور اقتدار چھپانے کیلئے ملک کو پولیس اسٹیٹ میں تبدیل کرکے بے گناہ لوگوں کو جس طرح تشدد اور شیلنگ کے ذریعے مفلوج کیا جارہا ہے اس سے معلوم ہوتا ہے کہ ان کی الٹی گنتی شروع ہے خود ن لیگ میں پھوٹ ہے ان کے مرکزی رہنما نے کہہ دیا ہے کہ آئندہ وزیر اعظم چوہدری نثار ہونگے جس سے ن لیگ کی ٹوٹ پھوٹ کا اندازہ لگایا جاسکتا ہے خود ن لیگ کے وزراء میاں برادران کے ان اقدامات سے نالاں نظر آرہے ہیں اور متعدد وزراء ٹی وی پر آنے سے کترانے لگے ہیں دو چار درباری جو کل مشرف کے گیت گاتے تھے آج ان کیساتھ لگے ہوئے ہیں ان کے علاوہ کوئی بھی ٹی وی پر آکر ان کی کرپشن کے تحفظ کیلئے تیار نہیں ان خیالات کا اظہار پاکستان تحریک انصاف نارتھ پنجاب کے سینئر نائب صدر الحاج ممتاز اختر کاہلوں نے ٹیلفونک گفتگو کرتے ہوئے کیا انہوں نے کہا کہ ہمارے پر امن دھرنے سے خوفزدہ حکمران کہہ رہے ہیں کہ یہ جھتے اگر اسلام آباد میں آگئے تو پارلیمنٹ اور ہمارے دفاتر پر قبضہ کرلیں گے اسلام آباد کو بند کردینگے ان عقل کے اندھوں سے کوئی پوچھے کہ اب انہوں نے پورا ملک بلاک کردیا ہے اب عدلیہ خود نوٹس کیوں نہیں لے رہی الحاج ممتاز اختر کاہلوں نے کہا کہ ایک منتخب وزیر اعلیٰ پر جس طرح شیلنگ کی گئی اور ان کے قافلے پر ڈنڈے برسائے گئے وہ کسی طرح درست نہیں ہے کل کو ان کیساتھ بھی یہی ہوگا الحاج ممتاز اختر کاہلوں نے کہا کہ ہمارے دھرنے سے خوفزدہ یہ لوگ کروڑوں روپے کے اشتہارات ٹی وی اور اخبارات کو دے رہے ہیں جو سرکاری خزانے کا بے دریغ استعمال ہے ان سے ایک ایک پائی کا حساب لیا جائیگا جس طرح ملک کو بند کرکے ملکی معیشت کو انہوں نے نقصان پہنچایا ہے وہ بھی ناقابل برداشت ہے الحاج ممتاز اختر کاہلوں نے کہا کہ پی ٹی آئی کے ٹائیگروں کے حوصلے بلند ہیں اور انشاء اللہ اب حکمرانوں کا جانا ٹھہر گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) موجودہ سیاسی صورتحال میں منتخب بلدیاتی نمائندوں کا سیاسی مستقبل بھی حکومت کے رہنے سے وابستہ ہے اگر حکومت جاتی ہے تو ان کا سیاسی مستقبل کیا ہوگا یہ بحث بلدیاتی اداروں اور مختلف مقامات پر زیر بحث ہے منتخب بلدیاتی نمائندوں کا کہنا ہے کہ حکومت خود اپنی دشمن ہے اگر یہ انتخابات کے فوری بعد بلدیاتی نمائندوں کو اختیارات دیدیتے تو آج بلدیاتی نمائندے بہت حد تک عوام پر اثر انداز ہوکر پی ٹی آئی کے دھرنے کو ناکام بنا سکتے تھے اب تو کئی منتخب بلدیاتی نمائندے موجودہ حکومت سے تنگ آکر کہتے ہیں کہ جس طرح انہوں نے ہمیں اختیارات نہیں دیئے ان کی حکومت بھی جاتی ہے تو جائے جبکہ حکومت کی جانب سے مختلف میونسپل کمیٹیوں اور بلدیاتی اداروں کو فنڈز دینے کی خبریں ہیں مگر یہ خبریں خبریں ہی ثابت ہورہی ہیں عملی طور پر فنڈز فراہم نہیں کئے گئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) دنیا بھر میں خانہ کعبہ پر حملہ کیخلاف ہنگامے پھوٹنے کی اطلاعات کے بعد حکومت نے پاکستان میں حفاظتی انتظامات سخت کرنے کیساتھ ساتھ اقلیتوں کی عبادتگاہوں پر سکیورٹی کے انتظامات کو سخت کرنے کی ہدایات جاری کردی ہیں بنگلہ دیش میں مندروں اور مختلف اقلیتی لوگوں پر حملوں کی خبروں کے بعد پاکستان میں اقلیتوں کی عبادتگاہوں کو فول پروف سکیورٹی فراہم کرنے کی ہدایت جاری کردی گئی ہے تاکہ کسی بھی ناخوشگوار واقعہ سے بچا جاسکے حکومت نے اس مسئلہ پر متحدہ علماء کونسل سمیت تمام مکاتب فکر کے اکابرین کو اعتماد میں لینا شروع کردیا ہے تاکہ پاکستان میں امن و امان کی صورتحال برقرار رہے اس سلسلہ میں تمام ضلعی انتظامیہ کو علماء کرام سے قریبی رابطے کرنے کی بھی ہدایات کی گئی ہیں تاکہ امن برقرار رہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) حکومت کی جانب سے ایک طرف تو تعلیم کے فروغ کیلئے صبح شام زمین و آسمان کے قلابے ملائے جارہے ہیں دوسری طرف سرکاری تعلیمی اداروں کو ایک سازش کے تحت پرائیویٹ کیا جارہا ہے تاکہ پاکستانی قوم کو تعلیم سے محروم رکھا جاسکے ان خیالات کا اظہار آل پاکستان سمال ٹریڈرز بزنس فورم کے مرکزی وائس چیئرمین شاہین احسان مغل نے اساتذہ سے ملاقات کے دوران کیا انہوں نے کہا کہ پاکستان میں ایک عام شہری کیلئے دو وقت کی روٹی کا حصول مشکل ہوتا جارہا ہے ان حالات میں جب تعلیمی ادارے پرائیویٹ کردیئے جائیں تو تعلیم کا حصول ایک عام شہری کیلئے مشکل ہوجائیگا شاہین احسان مغل نے کہا کہ حکومت کو چاہیئے کہ وہ تعلیمی اداروں کو زیادہ سے زیادہ سہولیات دے اور بجٹ میں رکھی ہوئی تمام رقوم کو صاف اور شفاف طریقے سے استعمال کرے کوئی وجہ نہیں کہ بہترین تعلیمی معیار قائم ہوسکتا ہے شاہین احسان مغل نے کہا کہ دینی مدارس اسلام کے قلعے ہیں اور یہاں پر دینی اور دنیاوی تعلیم مفت دی جارہی ہے اور وہ پاکستان میں بہترین این جی اوز کا کردار ادا کررہے ہیں دینی مدارس کو مسمار کرنیوالے صفحہ ہستی سے مٹ گئے لہذا تعلیمی اداروں میں زیادہ سے زیادہ دینی تعلیم کو موثر بناکر نظریہ پاکستان کی پاسداری کی جائے اور دوہرا تعلیمی معیار ختم کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) محکمہ واپڈا سرگودھا نے بجلی کے چوری شدہ یونٹ عوام پر ڈالنا شروع کردیئے ہیں اور فی شہری 50 سے 100 یونٹ زائد ڈال کر بل روانہ کئے جارہے ہیں حکومت کی ہدایت کے مطابق بجلی کے بلوں پر ریڈنگ شدہ تصویر لگانا ضروری ہوتی ہے مگر محکمہ واپڈا سرگودھا نے بجلی کے میٹروں کی تصویر تو بلوں پر لگا دی ہے اس پر ریڈنگ ظاہر نہیں کی جارہی اور تقریباً تمام بلوں میں زائد یونٹ ڈالے جارہے ہیں اس سلسلہ میں گزشتہ روز ایس ای واپڈا سے بات کی تو انہوں نے اس بات کا اقرار کیا کہ چوری شدہ یونٹ پکڑنے کی بجائے عملہ بجلی کے بلوں میں زائد یونٹ ڈال رہا ہے ان کیخلاف سخت ایکشن لیا جائیگا 100 یونٹ تک زائد آنے سے بجلی کے نرخ بھی بڑھ جاتے ہیں تعلیم یافتہ نہ ہونے کی وجہ سے لوگ بل جمع کروا دیتے ہیں اگر کوئی واپڈا کے دفتر میں بل درست کروانے جائے تو اسے جواب دیا جاتا کہ یہ اگلے بل میں ایڈجسٹ کردیا جائیگا مگر ایسا نہیں کیا جارہا جس سے سرگودھا میں بھی بجلی چوری بہت زیادہ بڑھ گئی ہے واپڈا حکام چوروں کو پکڑنے کی بجائے ڈنگ ٹپائو پالیسی پر گامزن ہے اس سلسلہ میں واپڈا کے چیف عامل صدیقی نے کہا ہے کہ ایسا کرنیوالے ملازمین کسی رعایت کے مستحق نہیں لوگ ایسے ملازمین کی نشاندہی کریں جو عوام کو زائد یونٹ ڈال کر بل بھیج رہے ہیں اور بجلی چوروں کیخلاف کاروائی نہیں کررہے تاکہ ان لوگوں کو فارغ کیا جائے عامل صدیقی نے کہا کہ کسی بھی سب ڈویژن میں صارفین کو زائد یونٹ ڈالنے کی شکایت موصول ہوئی تو متعلقہ ایس ڈی او کیخلاف بھی سخت کاروائی عمل میں لائی جائیگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) نیشنل ایکشن پلان کو قبضہ مافیا نے ناکام بنانے کا تہیہ کرلیا سکولوں کے گیٹس بند کرکے قبضہ مافیا نے دکانیں بنانا شروع کردی ہیں جبکہ شہر کے اہم سکولوں کے گردونواح میں قائم دکانیں اور قبضہ مافیا کے قبضے بچوں اور اساتذہ کی زندگیوں کیلئے سوالیہ نشان بن گئے گئے انتظامیہ کسی قسم کا ایکشن لینے کیلئے تیار نہیں گورنمنٹ گرلز ہائی سکول بلاک نمبر 2 گورنمنٹ پرائمری بوائز سکول بلاک نمبر 2′ گورنمنٹ ہائی سکول نمبر 1′ گورنمنٹ انبالہ مسلم ہائی سکول’ گورنمنٹ اقبال ہائی سکول’ گورنمنٹ پائلٹ گرلز ہائی سکول اور اسی طرح مختلف علاقوں میں قائم سکولوں کے گردونواح میں تجاوزات حد سے بڑھتی جارہی ہیں کئی نے تو سکولوں کی اراضی پر دکانیں قائم کرلی ہیں جن میں سر فہرست گورنمنٹ گرلز ہائی سکول بلاک 2 ہے یہاں پر متعدد بار دکانیں ختم کروائی گئیں مگر قبضہ مافیا نے سکول کو چاروں اطراف سے گھیر لیا ہے اور ایمرجنسی گیٹ بند ہوگئے ہیں اسی طرح کی صورتحال انبالہ ہائی سکول کیساتھ بھی درپیش ہے جو کسی بھی وقت بڑے سانحہ کو جنم دے سکتا ہے بچوں کے والدین اور اساتذہ نے انتظامیہ سے اپیل کی ہے کہ وہ اس کا نوٹس لیں اور ذمہ داران کیخلاف کاروائی کرتے ہوئے کم از کم سکولوں کو قبضہ مافیا سے آزاد کروائیں سب سے زیادہ دشواری بچیوں کو سکول کی چھٹی کے وقت ہوتی ہے جبکہ تمام دن دکاندار جس طرح کی زبان استعمال کرتے ہیں اس سے خواتین اساتذہ اور بچیوں کو شدید کوفت اٹھانا پڑتی ہے بچیوں نے کمشنر سرگودھا’ ڈی سی او سرگودھا’ ڈی آئی جی سرگودھا اور ڈی پی او سرگودھا سے مودبانہ التماس کی ہے کہ ہم بھی آپ کی مائوں’ بہنوں’ بیٹیوں کی طرح ہیں خدا را ہمارے تعلیمی اداروں کو قبضہ مافیا سے واہگزار کراکر ایک ذمہ دار آفیسر ہونے کا ثبوت دیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سرگودھا سمیت صوبہ بھر میں موسم سرما کے پیش نظر عدالتوں کے اوقات کار یکم نومبر سے تبدیل کرکے صبح 9 بجے سے 4 بجے تک کردیئے گئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سرگودھا سمیت ملک بھر میں غیر قانونی طور پر غیر ملکیوں کے شناختی کارڈ بنانے والے نادرا ملازمین کیخلاف کاروائی کا آغاز کردیا گیا ہے نادرا ذرائع کے مطابق ملک بھر میں سرکاری ملازمین کی مبینہ ملی بھگت سے نادرا کے ملازمین نے افغانیوں سمیت متعدد غیر ملکیوں کے شناختی کارڈ جاری کئے ہیں جن کی تحقیقات کا دائرہ کار وسیع کرتے ہوئے جرم ثابت ہونے پر ایسے نادرا ملازمین کیخلاف نہ صرف کاروائی ہوگی بلکہ انہیں ملازمت سے برطرفی کے علاوہ سزاء کا بھی سامنا کرنا پڑیگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) مسلم لیگ کا راستہ روکنے والے احمقوں کی جنت میں بستے ہیں 2018ء کا سورج روشنی کی نوید لیکر طلوع ہوگا ملک بھر میں لوڈ شیڈنگ 14 گھنٹے سے کم ہوکر 4 گھنٹے رہ گئی ہے 2018ء تک ملک سے لوڈ شیڈنگ ختم ہوجائیگی حکومت کی ٹھوس حکمت عملی سے ملک میں امن آرہا ہے اور بیرونی سرمایہ کار ملک میں سرمایہ کاری کو ترجیح دے رہے ہیں ان خیالات کا اظہار میئر شپ کے امیدوار مرزا الیاس بیگ نے کیا انہوں نے کہا کہ مخالفین ڈرانے’ دھمکانے کی بجائے امن پسندی اور بھائی چارے کی سیاست کو فروغ دیں مسلم لیگ ن کے مخالفین ھرنے کے بعد منہ چھپاتے پھیریں گے ہم شرافت کی سیاست کے علمبردار ہیں غنڈہ گردی نہیں چلنے دینگے انہوں نے کہا کہ پاکستان مسلم لیگ ن تھانہ کچہری کی سیاست پر یقین نہیں رکھتی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سرگودھا سمیت صوبہ بھر میں محکمہ اینٹی کرپشن نے مفروروں کو گرفتار کرنے کیلئے اقدامات شروع کردیئے ہیں مفرور ملزمان کا تعلق مختلف محکموں سے ہے جن کی گرفتاری کیلئے محکمہ اینٹی کرپشن نے فائلیں نکال لی ہیں بتایا گیا ہے کہ سرگودھا سمیت صوبہ بھر میں محکمہ اینٹی کرپشن کے سینکڑوں کی تعداد میں مفرور ملزمان موجود ہیں جو عرصہ دراز سے قانون کے شکنجے میں نہیں آئے محکمہ اینٹی کرپشن نے ایسے ملزمان کی گرفتاری کیلئے ملزمان کے پتے وغیرہ حاصل کرلئے ہیں اور ان کی گرفتاری کیلئے محکمہ اینٹی کرپشن کو صوبہ بھر میں متحرک کردیا گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سرگودھا اور گردونواح میں سردی کا موسم شروع ہوتے ہی میدانی علاقوں میں صبح سویرے دھند نے ڈیرے ڈالنے شروع کردیئے ہیں میدانی علاقوں میں دھند کے باعث ٹریفک کی روانی بھی متاثر ہورہی ہے ٹریفک پولیس کا کہنا ہے کہ دھند کا موسم شروع ہونیوالا ہے ڈرائیور حضرات گاڑیوں کی بیک اور فرنٹ لائٹس کو بہتر بنانے کیساتھ ساتھ دھند میں گاڑی کو نہ صرف آہستہ چلائیں حتی الامکان کوشش کی جائے کہ دھند میں گاڑی نہ چلائی جائے جبکہ سلو ٹریفک پر بھی ریفلیکٹر وغیرہ لگائے جارہے ہیں تاکہ حادثات سے بچا جاسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) پی ایچ اے نے گورنمنٹ کالج برائے خواتین چاندنی چوک کے سامنے خوبصورت چوک تیار کرنے کیلئے اقدامات شروع کردیئے ہیں جبکہ کالج کی دیوار کیساتھ خوبصورت کیاریاں’ پھول بوٹے اور گملے لگانے کیلئے تیاریاں مکمل کی جارہی ہیں اسی طرح فروٹ منڈی کے سامنے واقعہ سکول کے گرد بھی باڑ لگا کر سکول کی دیوار کیساتھ تمام گند کو ختم کرکے یہاں پر بھی درخت وغیرہ لگائے جائینگے تاکہ گندگی کیساتھ ساتھ دیوار کیساتھ قبضہ ختم ہوسکے شہریوں کا کہنا ہے کہ قبضہ مافیا نے کوئی بھی ادارہ ایسا نہیں چھوڑا جہاں انہوں نے اپنے قدم نہ جمائے ہوں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) پی ٹی آئی کے جلسہ کو روکنے کیلئے ضلع سرگودھا کے تمام داخلی و خارجی راستوں پر پولیس کی بھاری نفری تعینات کردی گئی ہے جبکہ موٹروے کو جانے والے راستوں پر بھی پولیس تعینات ہونے سے شہریوں کا راولپنڈی اسلام آباد سے رابطہ کٹ کر رہ گیا ہے شہریوں نے سیاستدانوں سے گزارش کی ہے کہ وہ اپنی سیاست چمکانے کیلئے عوام اور پولیس کو لڑانے کی پالیسی کو ترک کریں اور 20 کروڑ عوام کی حالت پر رحم کریں آج ملک بدترین انتشار’ افرا تفری اور بے یقینی کی کیفیت میں ہے ان حالات کے ذمہ دار خواہ کوئی بھی ہوں اس کا فائدہ سراسر دشمنوں کو جارہا ہے گھیرائو جلائو کی سیاست کسی طرح بھی ملک کے مفاد میں نہیں ہے سرگودھا کے شہریوں نے حکومت اور اپوزیشن جماعتوں سے استدعا کی ہے کہ سیاسی معاملات مل بیٹھ کر حل کریں وگرنہ تیسری قوت کو لانے کی جو پلاننگ سیاستدان خود کررہے ہیں پھر اس کا الزام تیسری قوت کو نہ دیں شہریوں کا کہنا ہے کہ تبدیلی صرف ووٹ سے آئیگی ملک کو ٹوٹ پھوٹ اور معاشی نظام کو چلتا رہنا چاہیئے تاکہ عوام اپنا روزگار احسن طریقہ سے کما سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) چیرمین پبلک اکاونٹس کمیٹی پنجاب وممبر صوبائی اسمبلی ڈاکٹر مختار احمد بھرت اور مسلم لیگ ن کی مرکزی ایگزیکٹو کمیٹی کے ممبر پیر فاروق بہاوالحق شاہ نے کہا ہے کہ عوام کو دھرنا سیاست نہیں اپنے مسائل کا حل اور ملک کی ترقی چاہئے۔تحریک انصاف کی سیاست عوام مسترد کرچکے ہیں۔۔وہ الہ آباد شریف میں سوئی گیس منصوبہ کی افتتاحی تقریب اور کارکنوں کے وفود سے بات چیت کررہے تھے۔انہوں نے کہا کہ سپریم کورٹ کا فیصلہ مسلم لیگ ن نے پہلے بھی تسلیم کیا اور ا ب بھی عدلیہ کا جو فیصلہ ہوا وہ قبول کیا جائے گا۔انہوں نے کہا کہ تحریک انصاف یو ٹرن لینے کی ماہر ہے۔انہوں نے کہا کہ میاں نواز شریف پر لگائے جانے والیالزامات غلط ثابت ہونگے۔اور تحریک انصاف کو مایوسی کے سوا کچھ نہیں ملے گا۔اس موقع پر انہوں نے سوئی گیس کی فراہمی کے منصوبے کا بھی افتتاح بھی کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سابق ممبر قومی اسمبلی ندیم افضل چن اور پیپلزپارٹی تحصیل بھلوال کے صدر نعمان اللہ مہوٹہ نے کہا ہے کہ پولیس کی جانب سے تحریک انصاف کے کارکنوں کے گھروں میں داخل ہوکرچادر اور چار دیواری کا تقدس پامال کرنا اور شریف شہریوں کو حراساں کرنا قابل تشویش اور قابل افسوس ہے ۔انہوں نے اپنے بیان میں کہا کہ احتجاج کرنا ہر شخص کا حق ہے ۔پولیس کے ذریعے پرتشدد کاروائیاں جمہوریت کے لئے نیک شکون نہیں ۔انہوں نے کہا کہ جمہوری روایات کو بحال رکھنا ملک میں جمہوریت کے استحکام کے لئے ضروری ہے انہوں نے بھلوال میں شریف شہریوں کی گرفتاری کی بھی مزمت کی اور کہا کہ وہ لوگ جن کا تحریک انصاف سے کوئی تعلق نہیں انہیں گرفتار کرنا سمجھ سے بالاتر ہے ۔انہوں نے کہا کہ اقتدار کے نشہ میں جمہوری روایات کا خون کرکے جمہوریت کو شرمندہ نہ کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) سابق ممبر ضلع کونسل رانا محمد علیم اختر خاں ،رانا اصف سلیم چیئرمین یونین کونسل مصطفی اباد نے یوسی 36مصطفی آباد میں مسلم لیگ ن کے تمام امیدوارون کے بالامقابلہ منتخب ہونے والے نومنتخب ممبران کو مبارکباد پیش کی ہے اور کہا ہے کہ نومنتخب کسان کونسلر رانا محمد اسلم ،یوتھ کونسلر سید ایاز علی ،لیڈی کونسلر شہنازبی بی،لیڈی کونسلر زینب بی بی یونین کے عوام کی بھر پور انداز میں خدمت کریں گے۔انہوں نے اس سلسلہ میں مسلم لیگ ن کے ضلعی صدر چوہدری شاہنواز رانجھا کو بھی مبارکباد پیش کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرگودھا (جی پی آئی) واپڈا حکام کی جانب سے لائن مین فراہم نہ کئے جانے کے باعث نواحی کالونیوں میں کئی ماہ سے سٹریٹ لائٹ بند ہے۔تحصیل میونسپل ایڈمنسٹریشن بھلوال کے ایڈمنسٹریٹر کی جانب سے جاری اطلاع کے مطابق ٹی ایم اے کی جانب سے بل بروقت اداکئے جانے کے باوجود کئی ماہ سے مطالبہ کے باوجود واپڈا کی جانب سے لائن مین فراہم نہیںکیا جارہا ۔جسکی وجہ سے نواحی کالونیوں میں سٹریٹ لائٹ بند رہتی ہے اور ان کالونیوں کے رہائیشوں کو مشکلات کا سامنا ہے ٹی ایم اے کی جانب سے واپڈا احکام سے مطالبہ کیا گیا ہے کہ سٹریٹ لائٹ چلانے کے لئے لائن میں دیا جائے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)معروف ممتاز مذہبی سکالر لیفٹیننٹ کرنل (ر) عاشق حسین کی منفرد قرآنی اردو اشتقاقی انسائیکلو پیڈیا خوبصورت دیدہ زیب گیٹ اپ کے ساتھ شائع ہوگئی ہے ۔انسائیکلو پیڈیا میں پہلی دفعہ قرآن پاک کے معنی تک آسان ترین رسائی آسان بنانے کی خوبصورت طریقے سے ترتیب بنائی گئی ہے ۔قرآن پاک کے بارہ سو ) 1200)ایسے لفظی معدوں کو حروف تہجی کی ترتیب سے لکھا گیا ہے جو اردو میں مستعمل ہیں ۔پھر ہر مادہ سے ماخوز اردو الفاظ کی نشاندہی کرکے بطور حوالہ ایسے دستیاب اردو اشعار بھی درج کئے گئے ہیں جن میں وہ الفاظ (اصل یا ماخوز میں ) استعمال ہوئے ہیں اس طرح شعری زوق رکھنے والے حضرات کی تسکین کا سامان بھی اس میں موجو د میسر ہے ۔اس کتاب کی مدد سے نہ صرف اردو دان حضرات کو اپنی ہی زبان کے حوالے سے قرآن کے غالب زخیرہ الفاظ کے مفاہیم کا ادراک حاصل ہوسکتا ہے ۔بلکہ اردو زبان و ادب کے طلباء بھی اردو کے وافر زخیرہ الفاظ کی تفہیم تعلیم کے سلسلے میں اس سے استفادہ حاصل کرسکتے ہیں ۔دوران تحقیق میں سامنے آنے والے اعداد شمار کے مطابق تقریباً94فیصد قرآنی الفاظ اردو میں بلاواسطہ یا بلاواسطہ مستعمل ہیں اور صرف 6 فیصد قرآنی الفاظ ایسے ہیں جو اردو دان حضرات کیلئے غیر معروف ہیں ۔ان اعداد و شمار سے اندازہ لگایا جاسکتا ہے کہ مسلمانان بر صغیر کیلئے قرآن حکیم کے مطابقت و مفاہیم کو بحوالہ اردو سمھجنا کس قدر آسان ہے ۔ قرآنی اردو انسائکلو پیڈیا اہل وطن کیلئے خصو صاًقرآن پاک پر ریسرچ کرنے والوں کیلئے انمول تحفہ ہے ۔معروف مکالر علامہ عبدالستار عاصم نے کہا ہے کہ یہ اہم کتاب ہر لائبریری کی بنیادی ضرورت ہے اور ایسی کتابیں اہل خیر کو تقسیم کرنی چاہئے محسن پاکستان ڈاکٹر عبدالقدیر خان ،جبار مرزا ،محمد جمیل بھٹی ،کرنل ڈاکٹر رشید احمد ،عبدالغفور منہاس ،مقصود چغنائی ،ملک مقبول احمد ،ریاض چوہدری ،کرنل سجاد ظہیر احمد،بریگیڈیر محمد اختر خان نے کرنل عاشق حسین کو ایک انمول علمی ادبی منفرد طریقے سے قرآن پر ریسرچ کرنے پر مبارک باد پیش کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)جمعیت علما پاکستان کے مرکزی صدر پیر اعجاز احمد ہاشمی نے تحریک انصاف کی قیادت کی طرف سے ایک بار پھر یو ٹرن لینے پر عدلیہ کے کردار کو سراہتے ہوئے کہا ہے کہ دیکھنا ہوگا کہ عمران خان موجود ہ حکومت کے باقی ماندہ عرصہ اقتدار میں اسلام آباد بند کرنے کے اپنے آخری احتجاج کے وعدے پر برقرار رہتے ہیں یا کوئی نیا بہانہ گھڑ لیتے ہیں۔ پی ٹی آئی کی طرف سے اسلام آباد بند کرنے کی کال واپس لینے کے اعلان کو سراہتے ہوئے پیر اعجاز ہاشمی نے کہا کہ عمران خان کے مشیران خاص شاہ محمود قریشی، جہانگیر ترین اور علیم خان پنجاب سے ہیں جبکہ وفاقی دارالحکومت بند کرنے کے لئے کارکن خیبر پختونخواہ سے لائے گئے اور انہیں پولیس گردی کا شکار کیا گیا ،خود بنی گالہ میں مزے کرتے رہے ۔ملتان سے پیر کے کوئی مرید نظر آئے، نہ جہانگیر ترین، اسد عمر اور علیم خان کے کارکن یا خاندان سے کسی نے گرفتاری دی اور پولیس کا تشدد خیبر پختونخواہ کے لوگوں نے برداشت کیا۔ دوہرے معیار کی سیاست نہیں چل سکتی۔ان کا کہنا تھا کہ سپریم کورٹ اور لاہور ہائی کورٹ نے حالات کو نارمل کرنے اور ملک کومزید کسی کشیدگی سے بچانے میں اہم کردار ادا کیا ہے۔ اب امید کرتے ہیں کہ دونوں جماعتیں عدلیہ کے فیصلے کا احترام کریں گی اور جمہوری نظام کو چلنے دیں گی تاکہ غیر جمہوری قوتوں کی باربا ر کی مداخلت کی روایت کا خاتمہ ہوسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی(جی پی آئی) پی ٹی آئی سندھ کے سینئر نائب صدر حلیم عادل شیخ نے کہاہے کہ چیئرمین عمران خان نے عدالتی فیصلے کا احترام کیا ہے ،وزیراعظم سمجھتے ہیں کہ ان کو کچھ عرصہ کی چھوٹ مل گئی ہے تو یہ ان کی بھول ہے عمران خان جب تک قوم کے لوٹے گئے ایک ایک روپے کا حساب نہیں لے لیتے چین سے نہیں بیٹھنے والے ۔ عادل ہائوس کراچی سے جاری بیان میں حلیم عادل شیخ کاکہنا تھا کہ زہریلی گیس کے مسلسل کے اخراج نے ہمارے دوکارکنوں کو شہید کردیاہے جبکہ حکومت مزید جانیں لینے کے موڑ میں تھی ، چیئرمین عمران خان کے مسلسل دبائو کی وجہ سے ہی عوام کو یہ دن دیکھنے کو ملا ہے کہ وزیراعظم کی تلاشی ہونے جارہی ہے ایک ایسے خاندان کی پوچھ گچھ ہونے جارہی ہے جو اس ملک کی عوام کو اپنا غلام سمجھتی ہے انہوں نے کہاکہ شریف خاندان یہ سمجھتاہے کہ اس ملک کا قانون ان پر ہاتھ نہیں ڈال سکتاہے ،اس وقت حکومت تین تین مصیبتوں سے دوچار ہے ان میں سے کسی ایک کے نتیجے میں ہی سہی مگر حکومت زیادہ دیر نہیں رہنے والی ،حکومت سمجھ رہی ہے کہ پرویز رشید کے فارغ کرنے سے وہ محفوظ ہوگئی ہے مگر یہ ان کی بھول ہے ۔انہوں نے کہاکہ حکومت خود ہی ملکی ترقی کی راہ میں رکاوٹ بنی ہوئی ہے ،جبکہ تحریک انصاف کی قیادت بارہا بار یہ کہہ چکی ہے کہ ہم جمہوری انداز میں تبدیلی کے حق میں ہیں ۔انہوں نے مزید کہا کہ ہمیں یقین ہے کہ سپریم کورٹ کی روشنی میں جو انکوائری ہونے جارہی ہے اس میں یہ فیصلہ عوام کے حق میں آئے گا اور جن لوگوں نے اس ملک کی سا لمیت کو نقصان پہنچایا اور اس ملک کی دولت کو لوٹا وہ بے نقاب ہونگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی) سینئر وزیر کے غیر قانونی اقدامات ،انتقامی مقدمات و تبادلہ جات سرکاری اور دیگر غیر قانونی قبضہ جات کیخلاف چوہدری انوار الحق کا کامیاب احتجاج دھرنا شروع ہونے سے پہلے سے حکومت نے گٹھنے ٹیک دیے سینئر وزیر نے اپنے ڈیرے پر سرکاری زمین پر دیوار بندی کرکے جو قبضہ کر رکھا تھا دیوار گراکر واپس کر دیا SHOبھمبر جنہوں نے 9جعلی FIRدرج کی تھی کو معطل کر دیا گیا حکومت نے دیگر غیر قانونی اقدامات اور انتقامی تبادلہ جات کو یکسو کرنے کیلئے ایک ماہ مہلت طلب کر لی وزیر اعظم آزادکشمیر کی ہدایت پر ڈپٹی کمشنر بھمبر اور SPبھمبرنے سینئر وزیر کیخلاف چارج شیٹ وصول کرکے وزیر اعظم کو پہنچا دی جبکہ سینئر وزیر کی طرف سے سیرلہ کی شاملات پر قبضہ کرنے اور قبل ازیں اسی موضع سے 300کنال رقبہ MDAکے حوالے کرنے کا معاہدہ کرکے 70لاکھ روپے وصول کرنے جبکہ MDAکو ایک مرلہ بھی جگہ فراہم نہیں کی گئی انکوائری کرانے کا مطالبہ کیا ہے چوہدری انوا رالحق نے اس موقع پر حلقہ بھر سے آئے ہوئے ہزاروں کارکنوں سے خطاب کرتے ہوئے کہاکہ ہم وزیر اعظم آزادکشمیر راجہ فاروق حیدر خان کی شرافت،دیانت اور صاف و شفاف گڈ گورننس قانون سب کیلئے یکساں کی پالیسی کی قدر کرتے ہیں لیکن سینئر وزیر موصوف ضلع بھمبرمیں اپنی متوازی حکومت قائم رکھنا چاہتے ہیں اور سٹیٹ کے اندر سٹیٹ قائم کرکے لوٹ مار اور سیاسی مخالفین پر جعلی مقدمات درج کرکے زمین تنگ کرنا چاہتے ہیں جو کسی صورت نہیں ہونے دینگے آج کا اجتماع حکومت وقت کیلئے ایک پیغام ہے کہ اگر ایک ماہ کے اندر بھمبرمیں غنڈہ گردی قائم کرنے ،جھوٹے مقدمات ،انتقامی تبادلہ جات اور غیر قانونی قبضہ جات اراضی کا خاتمہ نہ کیا گیا تو آئندہ کا لائحہ عمل طے کرنے میں آزادہونگے اور پھر عوامی حقوق کے تحفظ کیلئے ہر قدم اٹھایا جائیگا ۔انہوںنے کہاکہ ریاستی جھنڈا لگا کر کسی کو بدمعاشی کا حق نہیں دونگا چھوٹے ملازمین سے انتقام لیا جا رہا ہے اگر انتقام لینا ہے تو اپنے برابری کے لوگوں سے لو بھمبرشہر کی دھرتی عاشقوں کی دھرتی ہے یہ ریاست کی واحد دھرتی ہے جہاں پر غیرت اور اخلاق بقیہ علاقوں سے بہتر ہے بہت کم ایسے لوگ ہیں جنہوںنے پیسے لیکر اپنے ضمیرفروخت کیے تقریب سے راجہ عمر ذوالقرنین ،راجہ مظہر اقبال ایڈووکیٹ ،سابق چیئرمین چوہدری عبدالقیوم ،سابق چئیرمین راجہ پرویز اقبال ،محمد لطیف بٹ ،راجہ فہیم اختر،چوہدری صابر حسین کسگمہ ،چوہدری خالد حسین ثاقب ایڈووکیٹ ،راجہ زاہد حسین گکھڑ ،چوہدری محمد بوٹا ،مولانا ابرار نذیر ،چوہدری شکیل احمد مکہال ،محمد اشتیاق اور چوہدری جبار حسین نے بھی خطاب کیا جبکہ معروف سیاسی و سماجی شخصیت چوہدری حق نواز آف گڑھا للیاں نے بطور خاص پروگرام میں شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی)بھمبرمیں پولیس افسران کے تبادلے متعدد کو ادھر سے ادھر کر دیاگیا تفصیلات کیمطابق SHOسٹی مرزا شبیر حسین کو تبدیل کرکے SHOسماہنی چوکی جبکہ SHOسماہنی چوکی کو حاجی سکندر اعظم کو SHOعلی بیگ ،SHOعلی بیگ شیخ عبدالرحمن کو کو ڈسٹرکٹ ٹریفک انچارج میرپور جبکہ ڈسٹرکٹ ٹریفک انچارج میرپور عمران قاسم کو SHOتھانہ سٹی تعینات کر دیا گیا تمام افسران نے اپنے اپنے عہدوں کو چارج سنبھا ل کر کام شروع کر دیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی)بھمبر میں ٹھیکیدار یونین کا حکومت کی طرف سے منصوبہ جات کے فنڈز جاری نہ ہونے پر احتجاج حکومت فنڈز ریلیز کرے بصورت دیگر کام بند کرنے پر مجبور ہونگے ترجمان ٹھیکیدار یونین تفصیلات کیمطابق بھمبرمیں ٹھیکیدار یونین نے حکومت آزادکشمیر کی طرف سے مختلف ترقیاتی پراجیکٹس اور منصوبہ جات کے فنڈز جاری نہ کرنے پر شدید احتجاج کرتے ہوئے کہاہے کہ ن لیگ کی موجودہ حکومت ناکام ہوگئی ہے حکومت کے پاس نہ توٹھیکیداروں اورنہ ہی ملازمین کو دینے کیلئے بجٹ ہے جس سے ٹھیکیداروں سمیت تمام ملازمین بھی سخت پریشان ہیں ٹھیکیدار یونین کے ترجمان نے کہاہے کہ حکومت اگر فنڈز ریلیز نہیں کرسکتی تو پھر منصوبہ جات کے ٹھیکے جاری نہ کرے اور جاری منصوبہ جات کے فنڈز ٹھیکیداروں کو جاری کیے جائیں تاکہ ٹھیکیدار منصوبہ جات بروقت مکمل کر سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)ڈی پی او سوات عبا س مجید خان مروت نے تھانہ منگلور اور تھانہ خورشید خان شہیدکا دورہ کیا ۔ تھانے کا ریکارڈ چیک کرکے پولیس آفسران اور جوانوں کو ہدایت کی کہ تھانے کا ریکارڈ درست رکھا کریں اور صفا ئی کا خاص خیال رکھا جائے ۔تھانے میں موجود پولیس جوانوں سے ملاقات کی اور اُن کے مسائل سُنے ساتھ میں پولیس جوانوں کے حاضری اور حوالات کا بھی جائزہ لیا۔ مزید کہا کہ بدوران ڈیو ٹی پولیس اہلکاران خاص طور پرجیکٹ اور ہلمٹ لازمی پہنا کریں اور موبائل فون کا استعمال قطعاً نہ کریں ۔پولیس روٹین چیکنگ کو مزید سخت اور جدید ٹیکنالوجی سے لیس کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)TMAتحصیل کبل کو پوری صوبے میں ایک مثالیTMAبنا کر دم لینگے اس وقت ہم مختلف مسائل و مشکلات سے دوچار ہیں سوات مو ٹر وے برائے نام ہے ملکر جدوجہد سے مو ٹر وے بنانے کیلئے کر دار ادا کرینگے سی پیک فنڈ سے حصہ دیکر منصوبے میں صوبے کو شامل کیا جائے صوبہ KPKمیں تحصیل کونسل کبل جیسا کونسل کے کوئی مثال نہیں اس کے تمام ممبران یک زباں ہو کر عوامی مسائل ومشکلات کو حل کرنے میں بہت دلچسپی لے رہے ہیں ہم نے تحصیل کونسل کے ہر ممبر کو 60لاکھ روپے فنڈ فراہم کی جو کہ ضلعی کونسل کے ممبر کے فنڈ سے زیادہ ہے جس پر ہم تحصیل نا ظم حا جی رحمت علی کے کارکردگی کو سراہتے ہیں ان خیا لات کا اظہار سابق MPAو ضلع امیر جماعت اسلامی محمد آمین ، تحصیل نا ظم حا جی رحمت علی ، TMOنثار خان ، ابراہیم دیولئی ، انجینئر حنیف خان ، حا جی فضل مولا ، احسان اللہ خان اور دیگر نے گزشتہ روز TMAآفس کبل میں تحصیل میونسپل ایڈمنسٹریشن کے لئے خریدیں گئے مشینری ، 2عدد ٹریکٹربمعہ 2عدد ٹرالی، 20عدد ڈسٹ بن،10عدد کانٹینرز، ایک عدد ملٹی لو ڈر، ایک عدد ٹریکٹر شاول کے افتتاحی تقریب سے خطاب کے دوران کیا تحصیل نا ظم رحمت علی نے کہا کہ تحصیل کونسل کبل واحد کونسل ہے کہ جس کے ممبران ہر فورم پر عوامی خدمت مسائل ومشکلات حل کرنے میں اتحاد و اتفاق کا مظاہرہ کر رہے ہیںانہوں نے کہا کہ تحصیل کونسل نے متفقہ طورپر فیصلہ کیا کہ بجٹ میں تحصیل میونسپل ایڈمنسٹریشن کیلئے ضروری اشیاء خریدنے کیلئے فنڈ نکالا جائے ہم نے 1کروڑ35لاکھ روپے مقرر کر کے جس میں ضروری سامان خرید لی انہوں نے چیلنج دیتے ہوئے کہا کہ 2010کے بعد جو TMAsبنے ہے تحصیل کبل TMAجیسے کار کر دگی کسی اور کا نہیں انہوں نے کہا کہ سیاست سے با لا تر ہو کر عوامی خدمت فرض سمجھتا ہوں احسان اللہ خان ، حا جی فضل مولا اور دیگر نے کہا کہ ہم سب کا مشترکہ ذمہ داری ہے کہ ہم اپنے TMAکو مضبوط کرنے میں اپنا بھر پور کردار ادا کرینگے اس موقع پر سابق صوبائی وزیر حسین احمد کانجو، حا فظ اسرار احمد ، سعید والد MNA، ACکبل حامد علی خان ، عبد الصبور خان ، جنرل کونسلر افضل خان ، تحصیل کونسل کے ممبران ، تحصیل کونسلر احمد حسین ، عثمان غنی ، سیاسی رہنمائوں سمیت علا قائی مشران بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)کبل تحصیل کمپلکس پر تا حال کام شروع نہ ہو سکا کبل با رکے منتخب صدر و دیگر کابینہ کا جو ڈیشل کمپلکس پر جلد از جلد کام شروع کرنے کا مطالبہ کبل بار کے صدر گل محمد خان جنرل سیکر ٹری میاں محمد ریاض اور دیگر نے کہا کہ کئی مہینے گزرنے کے باوجود تحصیل کمپلکس پر تعمیرا تی کام شروع نہ ہو سکے لہٰذا تمام قانونی تقا ضے پورے کر کے کام کا آغاز کیا جائے انہوں نے کہا کہ وزیر اعلیٰ کے پی کے پرویز خٹک نے کمپلکس کا با قاعدہ افتتاح کر چکا ہے اور انہوں نے 14مہینوں کے اندر اندر کام مکمل کرنے کا بھی کہا گیا ہے لیکن اب تک کئی ماہ گزر گئے لیکن کام شروع نہیں ہوا لہٰذا ہم مطالبہ کر تے ہے کہ کبل جو ڈیشل کمپلکس کام کا آغاز کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)پورے صوبے کی طرح ڈگری کالج کبل میں بھی اسا تذہ نے مطالبات کے حق میں بازو ں پر کالی پٹیاں باندھ کر ہڑتال میں حصہ لیا انہوں نے موقف اختیار کیاہے کہ دوسری سرکاری اداروں کی طرح پروفیشنل الاونس دے کر اورصوبائی حکومت ون سٹیپ پروموشن کا وعدہ پورا کیا جائے بورڈ آف گورنر (BOG) کا قیام نا منظورM.Phillالاونس کا اجراء کیا جائے جبکہ بائیو میٹرک مشین کیلئے کالج اسا تذہ کے مشورے سے اصول و ضوابط طے کی جائے انہوں نے کہا کہ 1تا 8نومبر تک بازوں پر کالی پٹیاں باندھ کر ہڑتال ہو گی جبکہ 10تا 16نومبر کو ایک گھنٹہ کلاس کا با ئیکاٹ کرینگے اور اگر مطالبات منظور نہ کی گئی تو آئندہ کا لائحہ عمل طے کیا جائے گا۔
اسکولوں کی تعلیمی اور تدریسی کارکردگی کے لحاظ سے پاکستان میں اسلام آباد پہلے نمبر پر آ گیا
گجرات کی خبروں کی تصویری جھلکیاں
