Ali Raza Syed Meeting with AJK President Sardar Masood Khan
برسلز (بلجیم) مظفرآباد (آزاد کشمیر) سے آزاد جموں و کشمیر سردار محمد مسعود خان نے کہا ہے کہ یورپ اور دنیا کے دیگر خطوں میں کشمیر کاز کے لیے کام کرنے والی شخصیات لائق تحسین ہیں۔ انھوں نے کشمیر کونسل ای یوکی جدوجہد کو قابل ستائش قراردیا ااور کہاکہ یورپی یونین دنیا کا ایک اہم اقتصادی بلاک ہے۔ جس کا عالمی سیاست میں بہت موثر کردار ہے۔
یورپی یونین کے پاکستان اور بھارت دونوں کے ساتھ خوشگوار تعلقات ہیں۔ اس بنا پر وہ مسئلہ کشمیر کے پر امن اور منصفانہ حل کے لیے اہم کردار ادا کر سکتی ہے ۔ ان خیالات کا اظہار انہوں نے گزشتہ روز یہاں صدارتی سیکرٹریٹ مظفرآباد میں کشمیر کونسل یورپی یونین کے چیئرمین علی رضا سید سے گفتگو کرتے ہوئے کیا ۔ صدر سردار محمد مسعود خان نے کہا کہ یورپ اور امریکا میں پاکستانی اور کشمیر کمیونٹی بہت موثر اور فعال ہے ۔ نئی نسل علم اور مہارت سے بھی مالا مال ہے تا ہم تحریک آزاد کشمیر کے حوالے سے تارکین وطن کی کوششوں اور سر گرمیوں کو منظم کرنے کی ضرورت ہے۔
اس سلسلے میں حکومت آزاد کشمیر ہر ممکن تعاون کرے گی ۔ یورپ میں آباد کشمیری اور پاکستانی وہاں مقتدر حلقو ں ، سیاستدانوں ، پارلیمان اور ذرائع ابلاغ میں اپنا اثر و سوخ نفوذ پیدا کریں ۔ اور ان تک اپنی بات پہنچانے کے لیے سوشل میڈیا کو موثر ہتھیار کے طور پر استعمال کیا جائے ۔ اس موقع پر کشمیر کونسل ای یو کے چیئرمین علی رضا سید نے صدر سردار مسعود خان کو کونسل کی مسئلہ کشمیر کو اجاگر کرنے کے حوالے سے اقدامات پر مبنی رپورٹ پیش کی ۔ انہوں نے بتایا کہ ہماری تنظیم گزشتہ کئی برسوں سے یورپی پارلیمنٹ کے اندر یوتھ فورم فار کشمیر ، کشمیر ویمن کانفرنس اور کشمیری ای یو ویک کا باقاعدگی سے اہتمام کرتی ہے ۔ جس میں یورپی پارلیمنٹ کے ارکان ، آزاد کشمیر اور پاکستان سے سیاسی اور سماجی شخصیات این جی اوز اور ذرائع ابلاغ کے نمائندے شرکت کرتے ہیں۔
انہوں نے بتایا کہ ہم نے یورپی یونین کے 27 ممبر ملکوں میں مسئلہ کشمیر کے حل کے لیے دس لاکھ دستخطوں کے حصول کی مہم شروع کر رکھی ہے ۔ اور اب تک یورپی یونین کے 9ممالک میں ہماری مہم کامیاب رہی۔ اور ہم 5 لاکھ افراد سے دستخط حاصل کر چکے ہیں۔ صدر آزاد کشمیر نے کشمیر کونسل ای یو کی کاوشوں کی تعریف کی اور کہا کہ آپ حضرات کی کوششوں سے مقبوضہ کشمیر میں بھارتی افواج کے ظلم و ستم اور مظلوم کشمیری بھائیوں کی مشکلات میں کمی آئے گی ۔ انہوں نے زور دیا کہ ان کوششوں کو مذید بھرپور اور سائنسی بنیادوں پر استوار کیا جائے تاکہ جلد نتائج برآمد ہو سکیں ۔ صدر آزاد کشمیر نے انہیں مقبوضہ کشمیر کی تازہ ترین صورتحال اور کنٹرول لائن پر بلا اشتعال بھارتی گولہ باری سے ہونے والے جانی و مالی نقصانات سے آگاہ کیا۔ علی رضاسید نے صدرآزادکشمیرکو بتایاکہ حالیہ ہفتوں کے دوران کشمیرکونسل یورپ کی طرف سے یورپی پارلیمنٹ میں ہفتہ کشمیر(کشمیرای یو۔ویک) کی سالانہ تقریبات کا کامیاب انعقاد ہواجن میں وزیراعظم آزادکشمیرنے سینئروزیرطارق فاروق اور ایم ایل اے راجہ جاویداقبال کے ساتھ مہمان خصوصی کی حیثیت سے شرکت کی۔
بھارت کو جان لینا چاہیے کہ ہم مقبوضہ کشمیر میں رہنے والوں کے ساتھ ہیں۔ راجہ فاروق حیدر
مسئلہ کشمیر، ایران نے ثالثی کی پیشکش کر دی
