جنک فوڈ کا استعمال بچوں کی بڑھتی عمر کیلئے نقصان دہ

Posted on December 8, 2016 By Mohammad Waseem صحت و تندرستی, معلومات

Junk food

بچے ہوں یا بڑے جنک فوڈ کس کو پسند نہیں مگر لوگوں کے درمیان اس کی پسندیدگی میں اضافہ اور اس کا تیزی سے بڑھتا ہوا رجحان کس قدر خطرناک ہے اس سے یقینا آپ لا علم ہونگے۔

ان کھانوں میں چند ایسی اشیاء شامل کی جاتی ہیں جو انہیں بے حد لذیز بنا دیتی ہیں اور بچے ان کے عادی ہو جاتے ہیں مگر کیا آپ کو معلوم ہے کہ ان کے ذریعے بچوں کی دماغی صلاحیتیں کس حد تک متاثر ہوتی ہیں، یہ کھانے بچوں کے ناپختہ دماغ کو اثر انداز کررہے ہیں۔

ماہرین کے مطابق بچپن میں کھایا جانیوالا جنک فوڈ بچوں کی بڑھتی عمر کیلئے نقصان دہ ثابت ہوتا ہے ۔ اسکے ذریعے بچوں کے رویوں میں تبدیلی سمیت دماغ بھی کمزور ہونے لگتا ہے ۔ جو بچے جنک فوڈ کھاتے ہیں اس کا اثر چند ہفتوں میں ہی نظر آنا شروع ہوجاتا ہے۔

فاسٹ فوڈ میں شامل فیٹس بچوں میں غصہ اور چڑچڑاپن پیدا کردیتا ہے ، مسلسل جنک فوڈ کھانے سے دماغ کے کچھ حصے کام کرنا چھوڑ دیتے ہیں جس کی وجہ سے بچوں کو پڑھنے میں مشکلات کا سامنا کرنا پڑتا ہے اور بچے ضدی ہوجاتے ہیں۔

by Mohammad Waseem

Mohammad Waseem - Editor at GeoURDU.com Pakistan

امریکی سائنسدان مصنوعی خون بنانے میں کامیاب ہو گئے ذیابیطس سے بچاؤ کیلئے کھانے اور سونے کی عادت بدلیے