قصور (بیور و رپورٹ) ڈی سی او قصور عمارہ خان نے کہا کہ پنجاب حکومت نے خصوصی افراد کی بحالی ، نگہداشت اور تعلیم و تربیت کیلئے متعدد ٹھوس اقدامات کئے ہیں‘حکومت خصوصی افراد کو زندگی کے ہر شعبے میں کامیاب دیکھنا چاہتی ہے ‘حوصلہ افزائی سے خصوصی افراد معاشرے میں عام فرد کی طرح اہم مقام حاصل کر سکتے ہیں ‘بولنے اور سماعت سے محروم افراد بے پناہ صلاحیتوں کے حامل ہوتے ہیں ‘اگر ان پر توجہ دی جائے تو یہ ملک و قوم کی تعمیرو ترقی میں اپنا کردار ادا کرنے کی بھرپور صلاحیت رکھتے ہیں۔یہ بات انہوں نے عید میلاد النبی ؐ کے موقع پر انجمن تاجران کے عہدیداروں محمد اکرم مغل اور دیگر کی طرف سے خصوصی افراد کے اعزاز میں دیئے گئے ظہرانہ کے موقع پر خطاب کرتے ہوئے کہی ۔ اس موقع پر ڈی پی او قصور سید علی ناصر رضوی ‘ڈی او سی عبدالاسلام عارف ‘صحافیوں اور معززین شہرکی بڑی تعداد موجود تھی ۔ اس موقع پر ڈی سی او قصور عمارہ خان نے خطاب کرتے ہوئے کہا کہ سپیشل افراد کو معاشرے کا باوقار شہری بنانے کیلئے معاشرے کے ہر فرد کو اپنا کردار ادا کرنا ہوگا۔ ملکی ترقی میں معذور افراد کا بھی اہم کردار ہے کیونکہ یہ افراد بھی بے مثال خوبیوں کے حامل ہوتے ہیں ۔انہوں نے باالخصوص مخیر حضرات ، سماجی اور فلاحی تنظیموں سے اپیل کی کہ وہ اس نیک مقصد کیلئے آگے آئیں اور خصوصی افراد کی بحالی کیلئے حکومت کا بھرپور ساتھ دیں تاکہ خصوصی افراد معاشرے کا فعال رکن بن سکیں ۔ انہوں نے کہا کہ خصوصی افراد تربیت حاصل کر کے حلال روزی کما سکتے ہیں اور اپنی زندگی اچھے طریقے سے گزار سکتے ہیں ۔ حکومت خصوصی افراد کی تعلیم و تربیت اور باعزت روز گار کیلئے اپنے تمام وسائل بروئے کار لا رہی ہے اور اس مقصد کیلئے پنجاب حکومت نے خصوصی افراد کیلئے سرکاری ملازمتوں میں باقاعدہ کوٹہ مختص کر دیا ہے تا کہ عام لوگوں کی طرح ان سپیشل افراد کو بھی اچھے طریقے سے روز گار کے موقعے میسر آسکیں ۔ انہوں نے والدین سے اپیل کی کہ سپیشل بچوں کو بوجھ نہ سمجھیں بلکہ اپنی قومی ذمہ داری سمجھتے ہوئے انہیں حکومت کی طرف سے قائم کئے گئے سپیشل ایجو کیشن سنٹروں میں تعلیم وتربیت کیلئے داخل کروائیں تا کہ وہ بھی معاشرے کا باوقار شہری بن سکیں ۔ ڈی سی او عمارہ خان نے مزید کہا کہ پنجاب حکومت نے اس مقصد کیلئے موثر حکمت عملی اپنائی ہے اور خصوصی بچوں کی بحالی کے اداروں میں تعلیم و تربیت کی سہولتوں کو بہتر بنایا گیا ہے اور ان بحالی کے اداروں میں بچوں کو کتابیں ، یونیفارم ، ٹرانسپورٹ ، آلات اور دیگر سہولیات کی مفت فراہمی کے علاوہ ماہانہ وظیفہ بھی دیا جا رہا ہے ۔اس موقع پر ڈی پی او قصور سید علی ناصر رضوی اور دیگر نے بھی خطاب کیا اور انجمن تاجران کے عہدیداران خصوصی طور پر محمد اکرم مغل کا خصوصی افراد کی بحالی اور حوصلہ افزائی کیلئے اس پروگرام کے انعقاد پر شکریہ ادا کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ) ڈی سی اوقصورعمارہ خان نے ایڈیشنل ڈسٹرکٹ کلکٹر سید موسیٰ رضا ‘ڈی او سی عبدالاسلام عارف ‘اسسٹنٹ کمشنر آمنہ رفیق‘ٹی ایم او رائے محمد منشاء اور دیگر افسران کے ہمراہ گزشتہ روز صبح سویرے مین فیروز پور روڈ ‘شہباز روڈ‘کمال چشتی موڑ گرین بیلٹس ‘سٹیل باغ موڑ سمیت مختلف مقامات کا دورہ کیا اور وہاں صفائی ستھرائی اور پی ایچ اے کی جانب سے پلانٹیشن کا جائزہ لیا اور متعلقہ افسران کو ہدایت کی کہ صفائی ستھرائی کے کام کو مزید بہتر بنایا جائے ۔ انہوں نے باالخصوص ایڈیشنل ڈسٹرکٹ کلکٹر کو ہدایت کی کہ وہ پی ایچ او حکام سے ملکر قصور شہر کے داخلی اور خارجی راستوں پر بھرپور شجر کاری کروائیں اور ان پوائنٹس کو خوبصورت بنانے کیلئے اقدامات کریں ۔ انہوں نے ٹی ایم او کو ہدایت کی کہ وہ خود شہر میں صفائی ستھرائی کے کام کا روزانہ کی بنیاد پر جائزہ لیکر انہیں رپورٹ کریں ۔ انہوں نے واضح کیا کہ وہ خود بھی شہر میں صفائی ستھرائی کے کام کا جائزہ لینے کیلئے سر پرائز وزٹ کیا کرینگی اور اس سلسلے میں کسی قسم کی غفلت برداشت نہ کی جائیگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور ( بیورورپورٹ) حضرت بابا کاہلے پیر کے سالانہ عرس مبارک کی تقریبات تین روز سے جار ی آج محفل سماع ہو گی جس میں ملک کے معروف قوال ہدیہ عقیدت پیش کریں گے سجادہ نشین آستانہ عالیہ ذوالفقار رُسول خان کے مطابق مہمانوں کی دستار بندی اور شلیڈ بھی دی جائیں گی جبکہ پریس کلب قصور کی طرف سے چادر چڑھائی جائے گی مہمانوں کیلئے لنگر کا وسیع انتظام کیا گیا ہے ۔ انشاء اللہ انجمن پٹھاناں رجسٹرڈ قصور کی جانب سے مزار شریف پر چادر چڑھائی جاے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور( بیورورپورٹ)پتوکی کے علا قہ جاگو والا سے نامعلوم عورت کی نعش برآمد ، مقدمہ درج ۔ تفصیلا ت کے مطابق جھنڈ والا کا رہائشی پرویزمسیح نے تھانہ سٹی پتوکی پولیس کو اطلاع دی کہ بسواری موٹر سائیکل اپنے رشتہ داروں کو ملنے روسہ ٹبہ جا رہا تھا کہ کڑکنی نہر پل پر پہنچا تو دیکھا کہ ایک نعش عورت اسم و مسکن نامعلوم پل نہر میں پھنسی ہوئی تھی جسکی عمر تقریبا 35/36سال ہو سکتی ہے جسکے گلے میں پھندا ڈلا ہوا تھاجسے نامعلوم ملزمان نے قتل کردیا ہے تھانہ سٹی پتوکی نے مقدمہ درج کر کے ملزمان کی تلاش شروع کردی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور( بیورورپورٹ)قتل، اقدام قتل، ڈکیتی اورچوری جیسے سنگین مقدمات میں ملوث چار خطرناک اشتہاری گرفتا۔تفصیلات کے مطابق ڈی پی اوقصور سید علی ناصررضوی کی خصوصی ہدایات پر تھانہ الہٰ آباد پولیس نے قتل کے مقدمہ میں مسلسل اشتہاری چلا آنے والا خطرناک مجرم سیف اللہ ،تھانہ راجہ جنگ پولیس نے سنگین وارداتوں میں ملوث اشتہاری ناصر عرف ناصری ، شیخم پولیس نے رضوان اور کھڈیا ں پولیس نے اعظم عرف اجو کو گرفتار کرکے تفتیش شروع کردی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور( بیورورپورٹ) بجلی چوری کا خاتمہ میری اولین ترجیحی میں شامل ہے۔ انشاء اللہ بجلی چوری کو جڑ سے ختم کردیں گے نقصان پہنچانے والوں کو کسی قیمت پر معاف نہیں کیا جائے گا 1266 بجلی چوروں کے خلاف مختلف تھانوں میں مقدمات درج کروائے ہیں اور ان کو ڈ ٹیکشن بل میں ڈال کر وصول کیا گیا ہے ۔ان خیالات کا اظہار ایس ای واپڈا قصور نذیر احمد لودھی نے صحافیوں کے ایک وفد سے گفتگو کرتے ہوئیکیا انہوں نے کہا کہ کسی بھی جگہ کسی بھی وقت چیکنگ کی جا سکتی ہے اس لئے وقت مقرر نہیں ہے رورل ایکسئین محمد انور وٹو کو ہدایت جاری کیں ہیں کہ کمرشل اور گھریلو میٹروں کو خود چیک کر کے روزانہ کی بنیاد پر مجھے رپورٹ دی جائے اس کے علاوہ جو میٹر ریڈر گھریلو یا کمرشل صارف کو اضافی یونٹ ڈالیں انکے خلاف محکمانہ کاروائی عمل میں لائی جائے گی کسی قسم کی کوتاہی ہر گز برداشت نہیں کریں گے ۔ واپڈا نیاز نگر کے یونین چئیرمین اسلم بلو چ نے اپنی یونین کی طرف سے ان تمام کاوشوں پر ایس ای واپڈا کی کارکردگی کو زبرست الفاظ میں خراج تحسین پیش کیا ہے اور امید کی ہے کہ واپڈا ملازمین اور صارفین دونوں کیلئے بہتر ثابت ہونگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور (بیورورپورٹ) پاکستان فلاح پارٹی کے صدر مفتی فیاض احمدانصاری، مرکزی میلاد کمیٹی کے ڈاکٹرجاویداسحاق ،مرکزی جماعت اہلسنت کے امیر مفتی حامدعلی قادری، سنی علما ء کونسل کے پیر عبد الحمید سعیدی ،انجمن طلباء اسلام کے ڈسٹرکٹ ناظم ملک خرم شہزادنے اپنے مشترکہ بیان میں کہا ہے کہ چوا سیدن شریف چکوال میں عید میلاد النبی کے جلوس پر قادیانیوں کا حملہ قابل مذمت ہے،قادیانیوں کے حملے میں ایک مسلمان کی شہادت کے واقعہ کے ملزمان کو گرفتار کرکے عبرت کا نشان بنایا جائے اورچوا سید ن شاہ کے المناک واقعہ کی شفاف انکوائری کرواکر ذمہ داروں کو سخت سزادی جائے، قادیانی اسلام اور پاکستان کے کھلے دشمن ہیں،سانحہ چوا سید ن شاہ ملک میں انتشار پھیلانے کی قادیانی سازش ہے،سانحہ کے ملزموں کو گرفتار نہ کیا گیا تو ملک بھر میں احتجاج کریں گے، اہلسنّت رہنماؤں نے سانحہ چوا سید ن شاہ کے درد ناک واقعہ میں شہید اور زخمی ہونیوالے مسلمانوں کے ورثاء سے تعزیت، یکجہتی اور ہمدردی کا اظہار کیا ہے،مفتی فیاض احمدانصاری نے کہا ہے کہ اہلسنّت چوا سیدن شاہ کے واقعہ پر سراپا احتجاج ہیں، حکومت قادیانی غداروں کو ریاستی گرفت میں لائے، اس واقعہ پر خاموش نہیں بیٹھیں گے اور انصاف ملنے تک صدائے احتجاج بلند کرتے رہیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ) پاکستان تحریک انصاف کے امیدوار ایم این اے میاں فاروق احمدانصاری نے کہا ہے کہ سرور کائنات حضرت محمد مصطفی صلی اللہ علیہ وآلٰہ وسلم کی ذات اقدس پوری دنیا کے انسانوں کے لئے رحمت بن کر آئی، ان کی تعلیمات طیبہ کی پیروی کرکے امن قائم کیا جاسکتا ہے۔ داعش جیسی راہ حق سے بھٹکی تنظیموں کو عید میلادالنبی کے احترام میں اپنی تخریبی اور دہشت گردی کی وارداتوں کو چھوڑ کر امن کی طر ف آنا چاہیے،وہ اے ٹی آئی کے مشعل بردار جلوس کھارہ روڈ پر خطاب کررہے تھے ،میاں فاروق احمدانصاری نے کہا کہ پیغمبر اکرم صلی اللہ علیہ وآلٰہ وسلم صرف مسلمانوں کے لئے ہی نہیں ، پوری دنیا کے لئے نبی تھے۔ عشق مصطفی صلی اللہ علیہ وآلٰہ وسلم مسلمانوں کے لئے سرمایہ ایمان ہے، جس سے انکار ممکن نہیں۔ انہوں نے کہا کہ دنیا بدامنی کا شکار اس لئے ہے کہ رسول صلی اللہ علیہ وآلٰہ وسلم کے اسوہ حسنہ سے ہٹ چکی ہے۔ آج بھی تعلیمات نبوی پر عمل کریں تو بھٹکی انسانیت امن کے راستے پر چل سکتی ہے۔ ان کا کہنا تھاکہ عید میلادالنبی عشق مصطفی کا اظہار ہے اسے جوش و جذبے سے ادا کیا جانا چاہیے، اس پر مسلمانوں میں کوئی اختلاف نہیں۔ رسول کریم کی ذات مبارکہ تمام مسلمانوں میں اتحاد کا مرکز ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ) مہرعمران آفتاب کی والدہ انتقال کرگئیں ، مقامی قبرستان میں سپردخاک ،نمازجنازہ میں سینکڑوں افراد کی شرکت، تفصیلات کے مطابق پاکستان فلاح پارٹی کے نائب صدر وسابق ناظم اے ٹی آئی مہرعمران آفتاب کی والدہ طویل علالت کے باعث لاہور کے ہسپتال میں انتقال کرگئیں، مرحومہ کو عیدے شاہ بستی قادر آباد کے مقامی قبرستان میں سپردخاک کردیا گیا ،نماز جنازہ میں سابق نائب ضلع ناظم حاجی مقصودصابرانصاری ،تحریک انصاف کے آرگنائزر وامیدوار ایم این اے میاں فاروق احمدانصاری،صدر پاکستان فلاح پارٹی مفتی فیاض احمدانصاری، محمودچوہدری،سمیع اللہ جٹ،راناسعیدقادری، جمیل نقشبندی، قاری غلام مصطفی ،میونسپل کمیٹی کے کونسلرز مہرعمران ایڈوکیٹ ، چوہدری امتیاز اختر سمیت دیگر شخصیات نے شرکت کی ، مرحومہ کے ایصال ثواب کیلئے رسم قل و قرآن خوانی آج ہوگی۔
مصطفی آباد/للیانی کی خبریں 14/12/2016
بلدیہ کورنگی کی جانب سے ملیر میں گنبد خضراء کا خوبصورت مونو منٹ عوامی توجہ کا مرکز بن گیا
