واشنگٹن (جیوڈیسک) امریکہ نے استنبول کے نائٹ کلب پر ہونے والے دہشت گرد حملے کی شدید الفاظ میں مذمت کرتے ہوئے کہا ہے کہ تفتیش کے دوران، ہم ترک حکام سے قریبی رابطے میں رہیں گے۔
ایک بیان میں، امریکی محکمہ خارجہ کے معاون ترجمان، مارک سی ٹونر نے کہا ہے کہا کہ دہشت گردی کے جاری خطرے کے انسداد کے لیے ہم نیٹو کے اپنے اتحادی، ترکی کے ساتھ اظہارِ یکجہتی کرتے ہیں۔
مارک ٹونر نے کہا ہے کہ یہ حملہ تازہ ترین وحشیانہ حرکت ہے، جس کا مقصد لوگوں کو ہلاک اور بے گناہ شہریوں کو اپاہج بنانا ہے۔
ترجمان نے کہا ہے کہ ہم ہلاک شدگان کے لواحقین سے تعزیت، اور ساتھ ہی زخمیوں کے اہل خانہ سے جلد صحتیابی اور ترکی کے عوام سے دلی ہمدردی کا اظہار کرتے ہیں۔
مارک ٹونر نے کہا ہے کہ تفتیش کے دوران ہم ترک حکام کے ساتھ قریبی رابطے میں رہیں گے۔
محکمہ خارجہ کے ترجمان نے کہا ہے کہ یہ حملے محض حکومت ترکی کے ساتھ مل کر کام کرنے کے ہمارے عزم کو تقویت پہنچاتے ہیں، تاکہ دہشت گردی کے افریت کا انسداد کیا جاسکے۔
سپریم کورٹ : اورنج لائن منصوبے کیخلاف کیس کی سماعت کرنیوالا بنچ ٹوٹ گیا
بلاول بھٹو این اے 204 سے ضمنی انتخابات میں حصہ لیں گے
