کراچی کی خبریں 11/1/2017
Posted on January 11, 2017 By Mohammad Waseem سٹی نیوز, کراچی
Law
لوٹمار ‘ استحصال‘ ظلم اور ناانصافی پاکستان کی قومی روایات ہیں‘ ایم آر پی
قوم و حکمرانوں کی طرح انصاف کے ذمہ دار بھی روایات کی پاسداری کررہے ہیں ‘ امیر پٹی والا
آئین و قوانین کے نام پر ایک بار پھر قوم کو لوٹنے والوں کو کلین چٹ اور حق حکمرانی بخشا جائے گا
کراچی (اسٹاف رپورٹر) پاکستان اور قوم دونوں ہی روایتوں کے اسیر ہیں جس طرح قوم نے ہمیشہ و ہربار کرپشن میں ملوث لٹیروں ‘ چوروں ‘ ملک و قوم دشمنوں ‘ مذہب ‘ مسلک اور زبان‘ ذات و صوبہ کی بنیاد پر قوم کو باہم لڑانے اور انتشار میں بانٹنے والوں کو انتخابات میں منتخب کرکے ایوان اقتدار تک پہنچانے کی روایت دہرائی ہے اور ہربار دو مخصوص جماعتوں اور خاندانوں کو اقتدار بخشا ہے اسی طرح حکمرانوں نے بھی ہر بار اقتدار میں آنے کے بعد انتخابی وعدوں کو فراموش کرنے ‘ اختیارات کو ذاتی مفادات کیلئے استعمال کرنے ‘ قومی خزانہ لوٹنے ‘اپنی نسلوں کے خوشحال مستقبل کیلئے ملک و قوم کے حال اور مستقبل دونوں ہی کو فروخت کرنے اور دا ¶ پر لگانے ‘ قرض در قرض قوم کو گروی رکھنے اور استحصال و ناانصافی کی روایت حکمرانی نبھائی ہے جبکہ یہ بھی حقیقت ہے کہ آئین وقانون کے نام پر استحصالی طبقات کے مفادات کو تحفظ دینے کیلئے انصاف کے ذمہ دار اداروں نے بھی ہمیشہ قتل انصاف کی رسم نبھائی ہے۔ محب وطن روشن پاکستان پارٹی کے قائد و چیئرمین امیر پٹی نے کہا ہے کہ صرف ماضی ہی نہیں بلکہ حال اور مستقبل بھی انہی روایات سے عبارت دکھائی دے رہا ہے اور قرائن بتارہے ہیں کہ قوم و حکمرانوں کی طرح انصاف کے ذمہ دار بھی روایات کی پاسداری کرتے ہوئے ایکبار پھر ملک وقوم کو لوٹنے ‘ نقصان پہنچانے اور غیر قانونی ذرائع سے بیرون ملک پیسہ منتقل کرنے والوں کو آئین وقوانین کی پاسداری کے نام پر کلین چٹ اور حق اقتدار دیکر لوٹ مار و استحصال کا مزید موقع فراہم کرینگے اور آئین کے نام پر ایکبار پھرقتل انصاف و مساوات کا اہتمام کیا جائے گا !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دہشتگردی کے مکمل خاتمہ تک فوجی عدالتیں ضروری ہیں ‘جی کیو ایم
عدالتی سست روی ‘ حکومتی مفاد پرستی اور سیاسی و مذہبی سرپرستی دہشتگردی کے خاتمہ میں رکاوٹ ہے
محفوظ قومی مستقبل کیلئے فوجی عدالتیں اور ان کے فیصلوں پر یقینی عملدرآمد لازم ہے ‘ گجراتی سرکار
کراچی ( اسٹاف رپورٹر ) گجراتی قومی موومنٹ کے سربراہ گجراتی سرکا ر امیر سولنگی عرف پٹی والا المعروف سورٹھ ویر نے فوجی عدالتوں کے حوالے سے گفتگو و تبصرہ کرتے ہوئے کہا ہے کہ فوجی عدالتیں کسی بھی جمہوری اور تہذیب یافتہ معاشرے کا حصہ ہوتی ہیں اور نہ ہی فوجی عدالتوں کو کسی بھی جمہوری یا تہذیب یافتہ معاشرے میں قدر کی نگاہ سے دیکھا جاتا ہے مگر جس ملک میں جمہوریت عوام کو امن و تحفظ اور عدالتیں انصاف کی فراہمی میں ناکام ہوں اور دہشتگرد ببانگ دہل ملک کے طول و عرض میں دندنانے کیساتھ امن کی بربادی کا تسلسل قائم کررہے ہوں اور دہشتگردوں کے سرپرست و سہولت کا ر حکومتی ایوانوں ‘ قومی اداروں اور سیاسی جماعتوں کے پلیٹ فارم دہشتگردوں کو اخلاقی حمایت و حوصلہ فراہم کررہے ہوں ایسے ملک اور معاشرے میں خود جمہوری حکومت و پارلیمنٹ فوجی عدالتوں کے قیام کیلئے اتفاق رائے پر مجبور ہوجاتی ہیں اور ایسا ہی پاکستان میں ہوا مگر افسوس کہ پارلیمنٹ وحکومت کی مرضی و منشاءاور اجازت سے قائم ہونے والی فوجی عدالتوں نے اپنا کردار مستحسن انداز سے نبھاتے ہوئے ان عدالتوں میں بھیجے جانے والے کیسوں پر مبنی بر انصاف اور بروقت فیصلوں کی روایت قائم کرتے ہوئے دہشتگردوں کے حوصلوں اور نیٹ ورک دونوں کو توڑ کر قوم کو دہشتگردی سے نجات دلانے اور قیام امن میں اہم و مستحسن کردار ادا کیا مگر افسوس کہ حکومت و انتظامیہ فوجی عدالتوں جیسے کردار و عزم سے محروم دکھائی دی جس کی وجہ سے ان عدالتوںکے فیصلوں پر عملدرآمد نہیں ہوسکا جس کی وجہ سے دہشتگردی کی جڑیں اب بھی موجود ہیں ملک کا امن اور قوم کا سکون برباد کررہی ہیں جو اس بات کا متقاضی ہے کہ دہشتگردی کے مکمل خاتمے کے یقین تک نہ صرف فوجی عدالتیں قائم رکھی جائیں بلکہ تمام تحفظات و مفادات کو پس پشت ڈالتے ہوئے ان کے فیصلوں پر عملدرآمد بھی ہر حال میں یقینی بنایا جائے تاکہ ملک و قوم کا مستقبل محفوظ ہوسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چانکیائی سیاست بھارت کے کسی کام نہیں آئے گی ‘ راجونی اتحاد
تحریک آزادی کشمیرمنطقی انجام کے نزدیک ہے ‘بھارت کیلئے کشمیر پرتادیر قبضہ برقرار رکھنا ناممکن ہے
بھارت فوراً کشمیر سے نکلا نہیں تو کوئی بھارتی فوجی کشمیر سے زندہ واپس نہیں جاپائے گا ‘ عمران چنگیزی
کراچی ( اسٹاف رپورٹر ) کشمیری قوم پنجہ ہنود سے آزادی اور حق استصواب رائے کے حصول کیلئے سرگرم ہے اور بھارتی ظلم و بربریت کے 69سالوں کی تکمیل کے باوجود اس قوم کے پائے استقلال میں کوئی لغزش آئی ہے اور نہ ہی اس کے عزم و حوصلے میں کوئی کمی ہوئی ہے گوبھارت نے کشمیریوں پر عرصہ حیات تنگ کررہا ہے اور اس کشمیر میں موجود بھارتی افواج ہلاکو ‘ چنگیز ‘ یزید اور فرعونکی حیوانیت و شیطانیت کو بھی مات کرتے ہوئے کشمیریوں پر مظالم اور ان کی نسل کشی میں مصروف ہیں مگر تحریک آزادی کشمیر روز بہ روز زور پکڑ رہی ہے اور بھارت کیلئے کشمیر میں اب مزید تادیر اپنا قبضہ برقرار رکھنا ناممکن ہوچکا ہے جس پر بھارت روایتی ہٹ دھرمی و چانکیائی سیاست کا مظاہرہ کرتے ہوئے پاکستا ن پر کشمیر میں در اندازی کا ایسا باطل الزام لگارہا ہے جس کی حقیقت سے اب دنیا پوری طرح باخبر ہے ۔پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے کہا ہے کہ دنیا کا ہر فرد اور ریاست اس حقیقت سے باخبر ہے کہ بھارت نے کشمیر پر غاصبانہ و جابرانہ قبضہ کررکھا ہے جس کیخلاف کشمیری قوم کی جدوجہد حق و آزادی کی جودجہد ہے جس کی حمایت ہر مہذب معاشرے ‘ قوم اور شخصی و قومی آزادی کے ہر متوالے کا فریضہ ہے اسلئے بھارت پاکستان پر الزامات لگانے کی بجائے کشمیر کو خالی کرے بصورت دیگر وہ وقت دور نہیں جب کشمیر آزاد ہوگا اور کشمیر سے کوئی بھارتی فوجی زندہ واپس نہیں جاسکے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت کا کوئی ساحلی ٹھکانہ بابر تھری کی رینج سے باہر نہیں ! ‘ سولنگی اتحاد
بھارت بحری راہ سے پاکستان کیخلاف جارحیت کے ہر اقدام کو ذہن و گوشے سے باہر نکال پھینکے
آبدوز سے بابر تھری کروز میزائل داغنے کے کامیاب تجربہ پر فوج و قوم کو راجونی اتحاد کی مبارکباد
کراچی ( اسٹاف رپورٹر) سمندر کی گہرائیوں میں دشمن آبدوز کا سراغ لگانا اور اسے تباہ کرنا مشکل یا تقریباً ناممکن ترین عمل ہے مگر افواج پاکستان اور دفاعی سائنسدانوں کی کوششوں کی بدولت پاکستان نے آبدوز کی مدد سے کروز میزائل داغنے کی کامیاب ٹیکنالوجی کے ذریعے جوابی ایٹمی حملہ ”سیکنڈ اسٹرائیک “ کی صلاحیت حاصل کرلی ہے جس کیلئے افواج پاکستان ‘ دفاعی سائنسدان خراج تحسین کے مستحق ہیں ۔ پاکستان سولنگی اتحادکے بزرگ رہنما امیر علی سولنگی ‘ ملک عمر نذیر سولنگی ‘معین سولنگی ‘ غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی‘ نعمت اللہ سولنگی و دیگر نے آبدوز کی مدد سے کروز میزائل داغنے کے تجربہ کی کامیابی پر پاکستانی قوم کو مبارکباد پیش کرتے ہوئے کہا ہے کہ ایٹمی آبدوز کے بغیر سیکنڈ اسٹرائیک صلاحیت حاصل کرنے کا پاکستانی اقدام اور بابر تھری کے تجربہ کیلئے بحرہند کا انتخاب کرکے پاکستان نے بھارت کو یہ پیغا م دے دیا ہے کہ پاکستان بحر ہند کا شہنشاہ ہے اور بھارت کا کوئی ساحلی ٹھکانہ اب بابر تھری کی رینج سے باہر نہیں ہے۔اسلئے وہ سمندری راستے سے پاکستان کیخلاف جارحیت کے ہر اقدام کو اپنے ذہن کے کونے و گوشے سے نکال پھینکے۔
علامہ اقبال گورنمنٹ گرلز ڈگری کالج شاہ فیصل کالونی میں محفل میلاد و ذکر مصطفی کی پر نور محفل کا انعقاد
سید امجد علی شاہ جدوجہد کے ہر موڑ پر ثابت قدم رہے، کارکنان پیپلز پارٹی
