کراچی کی خبریں 12/1/2017
Posted on January 12, 2017 By Mohammad Waseem سٹی نیوز, کراچی
Pakistan Terrorism
دہشتگردی اسلام دشمنی اور دہشتگردابلیس پرست ہیں‘ایم آر پی
حیوان ہر مذہب میں موجود ہیں ‘ دہشتگردی کو صرف اسلام سے منسوب کرنا حماقت و جہالت ہے
داعش و طالبان سمیت تمام دہشتگرد تنظیموں کیخلاف مشترکہ عالمی کاروائی ناگزیر ہوچکی ہے ‘ امیرپٹی
کراچی (اسٹاف رپورٹر) اسلام سے منسوب کرکے قتل و غارت اور دہشتگردی کرنا مسلم دنیا کو بدنام کرنے اور اس کے مستقبل کیلئے خطرات پیدا کرنے کی سازش ہے اگر مسلم ممالک نے بروقت اس سازش اور حالات کا ادراک کرتے ہوئے دہشتگردی کیخلاف وسیع تر اتحاد نہیں بنایا اور یکجا و متحدہوکر ہمہ اقسام دہشتگردی اور قتل و غارت کو اسلامی تعلیمات کے منافی قرار نہیں دیا تو قتال و جہاد کو حکم ربی قرار دیکر دنیا میں قتل و غارت مچانے والے اسلام کو دہشتگردی کا مذہب اور مسلمانوں کو خونخوار دہشتگرد ثابت کرنے میں کامیا ب ہوجائیں گے ۔ محب وطن روشن پاکستان پارٹی کے قائد و چیئرمین امیر پٹی نے کہا کہ کس قدر طرفہ تماشہ ہے کہ دنیا میں مسلم ریاستیںا ور مسلمان ہی سب سے زیادہ دہشتگردی کا شکارو نشانہ ہیں اسکے باجود دہشتگردی کو اسلام سے ہی منسوب کیا جارہا ہے حالانکہ یہ ثابت ہوچکا ہے کہ جنونیت اور حیوانیت کا کوئی مذہب نہیں ہوتا اور ابلیسیت کے اظہار کےلئے کسی خاص مذہب سے تعلق ہونا بھی ضروری نہیں ہے اسلئے ضروری ہے کہ ایران اور عرب ریاستوں سمیت پاکستان ‘ افغانستان ‘ بنگلہ دیش و دیگر اسلامی ممالک دہشتگردی کو اسلام دشمنی اور دہشتگردوں کو ابلیس پرست قرار دیں اور داعش و طالبان سمیت تمام دہشتگرد تنظیموں کو کالعدم قرار دیکر ان کیخلاف مشترکہ کاروائی کریں اور جو مفاد پرست مذہبی و سیاسی رہنمااورانتظامی و عسکری شخصیات دہشتگردی کی کہیں بھی کسی بھی طور حمایت میں ملوث دکھائی دیں انہیں بھی دہشتگردوں جیسے انجام سے دوچار کیا جائے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قوم کا مستقبل بد ترین خطرات میں گھرتا چلا جارہا ہے ‘ جی کیو ایم
دہشتگردی و کرپشن کے خطرات سے ہر صورت و ہر قیمت پرنجات ضروری ہے‘ گجراتی سرکار
ذمہ دار اداروں کی روایتی جمہوریت و مفاد پرستی ملک و قوم کے مستقبل کیلئے زہر قاتل ہے
کراچی ( اسٹاف رپورٹر )گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کہا ہے کہ دہشتگردی اور کرپشن وطن عزیز کی سلامتی اور مستقبل کیلئے ایسے خطرات ہیں جن سے نجات ہر صورت اور ہر قیمت پر ضروری ہے مگر افسوس کہ ان دونوں خطرات سے ملک و قوم کو نجات دلانے کی ذمہ داری جن اداروں ‘ طبقوں اور حلقوں پر مشتمل ہے ان کا کردار اپنے حقیقی کردار کے برخلاف دکھائی دے رہا ہے اور قوم کیلئے یہ بات انتہائی تشویشناک ہے کہ حکمران طبقات نہ صرف کرپشن کی دلدل میں گردن گردن تک دھنسے ہوئے بلکہ ان کے دہشتگردوں اور کالعدم تنظیموں سے رابطے بھی اب کسی سے پوشیدہ نہیں رہے ہیںجس کی وجہ سے نیشنل ایکشن پلان اپنی روح کے مطابق حقیقی و مکمل عملدرآمد سے آج تک محروم ہے مگر نہ تو عدلیہ اسلام کے اصول مساوات کے مطابق حکمرانوں کا احتساب کرتے ہوئے عوام کو انصاف کی فراہمی کیلئے کوئی قابل ذکر و تاریخی کارنامہ انجام دینے پر کمربستہ دکھائی دے رہی ہے اور نہ ہی دفاع کے ضامن ادارے ملک و قوم دشمن کردار کیخلاف گرز تادیب اٹھاتی دکھائی دے رہے ہیں جس کی وجہ سے دہشتگردوں کے سرپرستوں اور کرپشن کرنے والوں کے حوصلوںکو مہمیز مل رہی ہے اور قوم کا مستقبل بدترین خطرات سے دوچار ہوتا دکھائی دے رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
روایتی کردار و روایتی انصاف قومی وحدت کو کھاجائے گا‘ راجونی اتحاد
ملک و قوم کو نقصان پہنچانے والے ہر فرد کو بلا تفریق و تخصیص کیفر کردارتک پہنچانا ہوگا‘ اقبال ٹائیگر
مقتدر طبقات کو احتساب سے محفوظ رکھنے کی روایت قومی مستقبل کیلئے خطرناک ہوگی ‘عمران چنگیزی
کراچی ( اسٹاف رپورٹر ) روایتی کردار اور روایتی انصاف قومی وحدت کو کھاجائے گا اسلئے اس لئے اس بار عدلیہ کو حقیقی انصاف کرنا ہوگا ۔ پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی و دیگر نے پانامہ کیس میں عدلیہ سے حقیقی انصاف کا مطالبہ کرتے ہوئے کہاکہ ماضی کی طرح عدلیہ کی جانب سے نظریہ ضرورت کا مظاہرہ اور بڑے صوبے کی سیاسی قیادت کو احتساب سے محفوظ رکھنے کی روایت ملک و قوم کی یکجہتی و سلامتی کیلئے سقوط بنگلہ دیش سے زیادہ خطرناک نتائج کا باعث بن سکتی ہے لہٰذا عدلیہ کو اس بار پانامہ کیس میں حقیقی انصاف کرتے ہوئے ملک و قوم کو نقصان پہنچانے والے ہر فرد کو بلا تفریق و تخصیص کیفر کردارتک پہنچانا ہوگااور اگر عدلیہ ایسا کرنے میں ناکام رہی تو یہ ملک و قوم پر نحوست و بد نصیبی کے ایسے سائے مسلط کردے گی جس سے قومی یکجہتی و اتحاد اور سلامتی کو خطرات لاحق ہوجائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھوٹ و دھوکا روایتی حکمرانوں کی فطرت و شیوہ ہے‘سولنگی اتحاد
حکمرانوں نے اب تک صرف جھوٹے دعوو ¿ں کے علاوہ عوام کیلئے کچھ اور نہیں کیا ہے ‘ امیر علی سولنگی
عوامی وقومی سلامتی وتحفظ کے ضامن ادارے حکمرانوں کے یرغمال بنے ان کا تحفظ کررہے ہیں
کراچی ( اسٹاف رپورٹر ) پاکستان سولنگی اتحادکے بزرگ رہنما امیر علی سولنگی ‘ ملک عمر نذیر سولنگی ‘معین سولنگی ‘ غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی‘ نعمت اللہ سولنگی و دیگرنے کہا ہے کہ توانائی بحران سے نجات دلانے کے نام پر اقتدارمیں آنے والوں نے توانائی بحران سے اب تک قوم کو نجات تو نہیں دلائی ہے البتہ دعوے بہت کئے ہیں اور شور بہت مچایا ہے اور جھوٹوں کے دونوں سربراہوں نے پانی و بجلی کے محکموں کو اپنے سے زیادہ ڈھٹائی سے جھوٹ بولنے والے دو نااہلوں اور نکموں کے حوالے کرکے یہ جان لیا ہے کہ بس اب ان دونوں کی لن ترانیاں اور بد زبانیاں قوم کو زبان کھولنے سے باز رکھے گی لہٰذا کوئی توانائی بحران پر آواز نہیں اٹھائے گا تو ہمارے لئے یہ کہنا آسان و یقینی ہوجائے گا کہ ہم نے توانائی بحران حل کردیا ہے یہی وجہ ہے کہ اقتدار کی اختتامی آئینی مدت کے نزدیک پہنچ جانے والی جمہوری حکمرانوں کے دور میں مقررہ اوقات کی لوڈشیڈنگ کیساتھ طویل دورانیہ کے بریک ڈا ¶نز کا تسلسل بھی جاری و ساری ہے اور حکمران وان کے تمام وزراءو مشیران اپنی ساری توجہ و توانائی کرپشن کیخلاف اپنے احتساب کو ٹالنے پر صرف کئے لن ترانیوں ‘ بدزبانیوں اور جھوٹ کے ریکارڈز قائم کرنے میں لگے ہوئے ہیں جبکہ قومی و عوامی سلامتی و مفادات کے تحفظ کے ضامن تمام ادارے ان کے یرغمال بنے ان کا بھرپور تحفظ کررہے ہیں!
واپڈا نے آل پاکستان کشمیر کپ وومینز باسکٹ بال ٹورنامنٹ جیت لیا
کے یو جے کے کامیاب عہدیداران کو ریحان ہاشمی کی مبارکباد